ਜਲੰਧਰ, 30 ਅਗਸਤ (ਸ਼ਿਵ)- ਪੰਜਾਬ ਵਿਚ ਹੜ੍ਹਾਂ ਦੇ ਰੂਪ 'ਚ ਆਈ ਕੁਦਰਤੀ ਆਫ਼ਤ ਦੇ ਦੌਰਾਨ ਇਸ ਤੋਂ ਪ੍ਰਭਾਵਿਤ ਦੇਸ਼ਵਾਸੀਆਂ ਦੀ ਮਦਦ ਲਈ ਰਾਸ਼ਟਰੀ ਸਵੈਮ ਸੇਵਕ ਸੰਘ ਰਾਹਤ ਤੇ ਬਚਾਅ ਦੇ ਕੰਮਾਂ ਵਿਚ ਜੁੱਟ ਗਿਆ ਹੈ | ਪੰਜਾਬ ਦੇ ਸੂਬਾ ਸੰਘ ਚਾਲਕ ਇਕਬਾਲ ਸਿੰਘ ਨੇ ਸਵੈਮ ਸੇਵਕਾਂ ਨੂੰ ਪੀੜਤ ਲੋਕਾਂ ਦੀ ਹਰ ਸੰਭਵ ਸਹਾਇਤਾ ਕਰਨ ਲਈ ਕਿਹਾ ਹੈ | ਇਕਬਾਲ ਸਿੰਘ ਨੇ ਦੱਸਿਆ ਕਿ ਗੁਰਦਾਸਪੁਰ ਦੇ ਹੜ੍ਹ ਪੀੜਤ ਇਲਾਕੇ ਦੇ ਦਸ ਪਿੰਡਾਂ ਵਿਚ ਸਵੈਮ ਸੇਵਕਾਂ ਨੇ ਦੁੱਧ, ਖੰਡ, ਆਟਾ, ਰਸੋਈ ਦਾ ਹੋਰ ਜ਼ਰੂਰੀ ਸਮਾਨ, ਪੀਣ ਦਾ ਪਾਣੀ ਤੇ ਦਵਾਈਆਂ ਮੁਹੱਈਆ ਕਰਵਾਈਆਂ ਹਨ | ਇਸ ਇਲਾਕੇ ਵਿਚ ਕੁੱਝ ਇਹੋ-ਜਿਹੇ ਪਿੰਡਾਂ ਵਿਚ ਵੀ ਮਦਦ ਪਹੁੰਚਾਈ ਗਈ ਹੈ ਜਿੱਥੇ ਅਜੇ ਤੀਕ ਕੋਈ ਨਹੀਂ ਪਹੁੰਚਿਆ ਹੈ | ਇਸੇ ਤਰ੍ਹਾਂ ਮੁਕੇਰੀਆਂ ਇਲਾਕੇ ਦੇ ਭੰਗਾਲਾ ਮੰਡਲ ਵਿਖੇ ਪਿੰਡ ਹਲੇੜ, ਕੋਲਿਆਂ, ਸਿੰਬਲੀ, ਮਹਿਤਾਬਪੁਰ ਇਲਾਕੇ 'ਚ ਜਾ ਕੇ ਹੜ੍ਹ ਪੀੜਤਾਂ ਦੀ ਮਦਦ ਕੀਤੀ |
