ਗੂਹਲਾ ਚੀਕਾ, 4 ਦਸੰਬਰ (ਓ.ਪੀ. ਸੈਣੀ)-ਐਮ.ਪੀ. ਸਪੋਰਟਸ ਫੈਸਟੀਵਲ ਦੇ ਦੂਜੇ ਪੜਾਅ ਦੇ ਹਿੱਸੇ ਵਜੋਂ, ਐਮ.ਪੀ. ਨਵੀਨ ਜਿੰਦਲ ਦੀ ਅਗਵਾਈ ਹੇਠ ਆਯੋਜਿਤ, ਅੱਜ ਸਾਰੇ ਹਾਕੀ ਮੈਚ ਹਾਕੀ ਸਟੇਡੀਅਮ, ਹਾਬੜੀ ਵਿਖੇ ਮੁੱਖ ਮਹਿਮਾਨ ਸਤਪਾਲ ਜਾਂਬਾ, ਵਿਧਾਇਕ ਪੁੰਡਰੀ ਦੀ ਮੌਜੂਦਗੀ ਵਿਚ ਕਰਵਾਏ ਗਏ | ਇਸ ਮੌਕੇ 'ਤੇ ਖਿਡਾਰੀਆਂ ਨੂੰ ਸੰਬੋਧਨ ਕਰਦਿਆਂ ਉਨਾਂ ਕਿਹਾ ਕਿ ਐਮ.ਪੀ. ਸਪੋਰਟਸ ਫੈਸਟੀਵਲ ਨੌਜਵਾਨ ਪ੍ਰਤਿਭਾ ਨੂੰ ਬਾਹਰ ਲਿਆ ਰਿਹਾ ਹੈ | ਐਮ.ਪੀ. ਨਵੀਨ ਜਿੰਦਲ ਦੀ ਅਗਵਾਈ ਹੇਠ ਖਿਡਾਰੀ ਲਾਭ ਲੈ ਰਹੇ ਹਨ | ਖੇਡਾਂ ਵਿਚ ਦਿਲਚਸਪੀ ਨੌਜਵਾਨਾਂ ਨੂੰ ਨਸ਼ੇ ਵਰਗੀਆਂ ਬੁਰਾਈਆਂ ਤੋਂ ਦੂਰ ਰੱਖਦੀ ਹੈ | ਐਮ.ਪੀ. ਨਵੀਨ ਜਿੰਦਲ ਦੇ ਸਫਲ ਖੇਡ ਫੈਸਟੀਵਲ ਦੇ ਆਯੋਜਨ ਲਈ ਕੀਤੇ ਗਏ ਯਤਨ ਸ਼ਲਾਘਾਯੋਗ ਹਨ | ਪੁੰਡਰੀ ਹਲਕੇ ਦੇ ਇੰਚਾਰਜ ਅਰਵਿੰਦ ਗੋਲਨ ਨੇ ਕਿਹਾ ਕਿ ਐਮ.ਪੀ. ਨਵੀਨ ਜਿੰਦਲ ਦੀ ਅਗਵਾਈ ਹੇਠ, ਇਸ ਫੈਸਟੀਵਲ ਦਾ ਨੌਜਵਾਨਾਂ 'ਤੇ ਬਹੁਤ ਸਕਾਰਾਤਮਕ ਪ੍ਰਭਾਵ ਪੈ ਰਿਹਾ ਹੈ | ਉਨਾਂ ਦੱਸਿਆ ਕਿ ਇਸ ਗਰਾਊਾਡ ਵਿਚ ਹੋਏ ਮੁਕਾਬਲਿਆਂ ਵਿੱਚ ਅੱਠ ਪੁਰਸ਼ ਅਤੇ ਅੱਠ ਮਹਿਲਾ ਟੀਮਾਂ ਨੇ ਵਧੀਆ ਪ੍ਰਦਰਸ਼ਨ ਕੀਤਾ ਅਤੇ ਦੋਵਾਂ ਵਰਗਾਂ ਦੀਆਂ ਅੱਠ ਟੀਮਾਂ ਨੇ ਸੈਮੀਫਾਈਨਲ ਵਿੱਚ ਥਾਂ ਬਣਾਈ | ਇਸ ਮੌਕੇ ਦਵਿੰਦਰ ਪੰਚਾਲ ਸੂਬਾ ਜਨਰਲ ਸਕੱਤਰ, ਰਾਕੇਸ਼ ਗੋਸਵਾਮੀ, ਨਗਰ ਕੌਂਸਲ ਚੇਅਰਮੈਨ, ਸਰਪੰਚ ਦੇ ਨੁਮਾਇੰਦੇ ਆੜਤੀ ਸਰਦਾਰ ਗੁਰਵਿੰਦਰ ਸਿੰਘ, ਪ੍ਰਮੋਦ ਚੂਹੜਮਾਜਰਾ, ਪੁੰਡਰੀ ਹਲਕਾ ਇੰਚਾਰਜ ਅਰਵਿੰਦ ਗੋਲਣ, ਵਿੱਕੀ ਐਮ.ਸੀ., ਕਮਲ ਸੈਣੀ, ਬਲਬੀਰ ਸੈਣੀ, ਬਲਵੰਤ ਗੋਲਣ, ਨਿਧੀ ਮੋਹਨ, ਰਿਸ਼ੀ ਜੀ ਫਤਿਹਪੁਰ, ਸਰਦਾਰ ਸਵਰੂਪ ਸਿੰਘ, ਮਿਥੁਨ, ਜੋਗਿੰਦਰ ਜੀ, ਕੁਲਦੀਪ ਜਾਂਗੜਾ ਜੀ, ਰਾਕੇਸ਼ ਸ਼ਰਮਾ, ਪ੍ਰਮੋਦ ਚੂਹੜਮਾਜਰਾ, ਵਰਿੰਦਰ, ਸ਼ੇਰ ਸਿੰਘ, ਨੀਰਜ ਸਿੰਘ, ਸੁਰੇਸ਼ ਰਾਮ, ਸੁਰੇਸ਼ ਨੈਚੂ ਸ਼ਰਮਾ, ਕੋਚ ਰਾਮ, ਸੁਰੇਸ਼ ਸਿੰਘ, ਹੋ. ਚੇਤਨਾ, ਮਮਤਾ, ਨਸ਼ਾ ਛੁਡਾਊ ਟੀਮ ਦੇ ਇੰਚਾਰਜ ਐਸ.ਆਈ ਕਰਮਵੀਰ, ਮਹਿਲਾ ਕਾਂਸਟੇਬਲ ਨੀਲਮ ਅਤੇ ਰਾਜਪਾਲ |
