ਨਵੀਂ ਦਿੱਲੀ, 24 ਸਤੰਬਰ (ਮਿਸਰਦੀਪ ਭਾਟੀਆ)-ਪੰਜਾਬੀ ਵਿਭਾਗ, ਦਿੱਲੀ ਯੂਨੀਵਰਸਿਟੀ ਵਲੋਂ ਮਹੀਨਾਵਾਰ ਸਾਹਿਤ ਸੰਵਾਦ : ਚਿੰਤਕ ਲੜੀ ਤਹਿਤ ''ਮਾਰਕਸਵਾਦੀ ਚਿੰਤਕਾਂ ਬਾਰੇ ਖੋਜ ਪੱਤਰ'' ਵਿਸ਼ੇ 'ਤੇ ਪ੍ਰੋਗਰਾਮ ਪੇਸ਼ ਕੀਤਾ ਜਾਵੇਗਾ | ਇਸ ਪ੍ਰੋਗਰਾਮ ਬਾਰੇ ਜਾਣਕਾਰੀ ਦਿੰਦਿਆਂ ਪ੍ਰੋਗਰਾਮ ਦੇ ਕਨਵੀਨਰ ਅਤੇ ਪੰਜਾਬੀ ਵਿਭਾਗ ਦੇ ਮੁਖੀ ਡਾ. ਕੁਲਵੀਰ ਗੋਜਰਾ ਨੇ ਦੱਸਿਆ ਕਿ ਕਾਰਲ ਮਾਰਕਸ ਬਾਰੇ ਖੋਜ ਪੱਤਰ ਮਨਪ੍ਰੀਤ ਕੌਰ, ਲੂਈ ਅਲਥੂਸਰ ਬਾਰੇ ਪਵਨਬੀਰ ਸਿੰਘ ਅਤੇ ਟੈਰੀ ਈਗਲਟਨ ਬਾਰੇ ਹਰਕਮਲਪ੍ਰੀਤ ਸਿੰਘ ਆਪਣੇ-ਆਪਣੇ ਖੋਜ-ਪੱਤਰ ਪੇਸ਼ ਕਰਨਗੇ | ਇਹ ਪ੍ਰੋਗਰਾਮ 25 ਸਤੰਬਰ, 2025 ਨੂੰ ਦੁਪਹਿਰ 2.30 ਵਜੇ, ਸੈਮੀਨਾਰ ਹਾਲ, ਪੰਜਾਬੀ ਵਿਭਾਗ, ਦਿੱਲੀ ਯੂਨੀਵਰਸਿਟੀ ਵਿਖੇ ਕਰਵਾਇਆ ਜਾ ਰਿਹਾ ਹੈ | ਵਿਭਾਗ ਦੇ ਖੋਜਾਰਥੀ ਮਾਰਕਸਵਾਦ ਨਾਲ ਸੰਬੰਧਿਤ ਤਿੰਨ ਪ੍ਰਮੁੱਖ ਚਿੰਤਕਾਂ ਦੇ ਸਿਧਾਂਤ ਚਿੰਤਨ ਬਾਰੇ ਆਪਣੇ ਵਿਚਾਰ ਪ੍ਰਸਤੁਤ ਕਰਨਗੇ |
