18-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 09-12-2025

ਇੰਡੀਗੋ ਸੰਕਟ ਨੇ ਖਿਡਾਰੀਆਂ ਦੇ ਪਰਿਵਾਰਾਂ ਅਤੇ ਪ੍ਰਸੰਸਕਾਂ ਲਈ ਯਾਤਰਾ ਯੋਜਨਾਵਾਂ ਨੂੰ ਵਿਗਾੜਿਆ

ਅਜੀਤ ਡੈਸਕ 09-12-2025
ਚੇਨਈ, 8 ਦਸੰਬਰ (ਪੀ. ਟੀ. ਆਈ.)-ਕੇਟ ਦਾ ਸੁਪਨਾ ਸੀ ਕਿ ਆਪਣੇ ਪੁੱਤਰ, ਫਾਹੀ ਨੂਹ ਨੂੰ ਇੱਥੇ ਜੂਨੀਅਰ ਹਾਕੀ ਵਿਸ਼ਵ ਕੱਪ ਵਿਚ ਆਸਟ੍ਰੇਲਿਆਈ ਟੀਮ ਲਈ ਖੇਡਦੇ ਦੇਖਣਾ ਅਤੇ ਤਾਜ ਮਹਿਲ ਦੇਖਣਾ | ਪਰ ਉਸਦੀਆਂ ਯੋਜਨਾਵਾਂ, ਬਹੁਤ ਸਾਰੇ ਹੋਰਾਂ ਵਾਂਗ, ਭਾਰਤ ਦੀ ਸਭ ਤੋਂ ਵੱਡੀ ਘਰੇਲੂ ਏਅਰਲਾਈਨ, ਇੰਡੀਗੋ ਦੇ ਸੰਚਾਲਨ ਸੰਕਟ ਕਾਰਨ ਠੱਪ ਹੋ ਗਈਆਂ ਹਨ | ਕੇਟ, ਜੋ ਬਿ੍ਸਬੇਨ ਤੋਂ ਆ ਰਹੀ ਹੈ, ਨੇ ਇੱਥੇ ਮੇਅਰ ਰਾਧਾਕਿ੍ਸ਼ਨਨ ਹਾਕੀ ਸਟੇਡੀਅਮ ਦੇ ਬਾਹਰ ਦੱਸਿਆ ਕਿ ਇਹ ਮੇਰਾ ਇੱਥੇ ਪਹਿਲਾ ਮੌਕਾ ਹੈ ਤੇ ਭਾਰਤ ਬਹੁਤ ਦਿਆਲੂ ਅਤੇ ਪਰਾਹੁਣਚਾਰੀ ਕਰਨ ਵਾਲਾ ਹੈ | ਅਸੀਂ ਤਾਜ ਮਹਿਲ ਦੇਖਣ ਦੀ ਉਮੀਦ ਕਰ ਰਹੇ ਸੀ, ਪਰ ਇੰਡੀਗੋ ਦੀਆਂ ਸਮੱਸਿਆਵਾਂ ਕਾਰਨ, ਅਸੀਂ ਹੁਣ ਥੋੜੇ ਡਰੇ ਹੋਏ ਹਾਂ | ਇਹ ਪਹਿਲੀ ਵਾਰ ਹੈ ਜਦੋਂ 24 ਟੀਮਾਂ ਜੂਨੀਅਰ ਹਾਕੀ ਵਿਸ਼ਵ ਕੱਪ ਵਿਚ ਹਿੱਸਾ ਲੈ ਰਹੀਆਂ ਹਨ, ਜੋ ਕਿ 28 ਨਵੰਬਰ ਤੋਂ 10 ਦਸੰਬਰ ਤੱਕ ਚੇਨਈ ਅਤੇ ਮਦੁਰਾਈ ਵਿਚ ਹੋ ਰਿਹਾ ਹੈ | ਜਿਆਦਾਤਰ ਖਿਡਾਰੀਆਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਲਈ, ਇਹ ਉਨ੍ਹਾਂ ਦੀ ਭਾਰਤ ਦੀ ਪਹਿਲੀ ਫੇਰੀ ਹੈ | ਬਹੁਤ ਸਾਰੇ ਪ੍ਰਵਾਸੀ ਭਾਰਤੀ ਵੀ ਭਾਰਤੀ ਟੀਮ ਦਾ ਸਮਰਥਨ ਕਰਨ ਲਈ ਆਏ ਹਨ | ਹਾਲਾਂਕਿ, ਵਿਆਪਕ ਉਡਾਣ ਦੇਰੀ ਅਤੇ ਰੱਦ ਕਰਨ ਨਾਲ ਸਮਾਂ-ਸਾਰਨੀ ਵਿਚ ਵਿਘਨ ਪਿਆ ਹੈ | ਪਿਛਲੇ ਹਫ਼ਤੇ, ਇੰਡੀਗੋ ਨੇ ਪਾਇਲਟਾਂ ਦੀਆਂ ਉਡਾਣ ਡਿਊਟੀਆਂ ਅਤੇ ਉਡਾਣ ਪ੍ਰਬੰਧਨ ਨਿਯਮਾਂ ਵਿਚ ਨਿਯਮਤ ਤਬਦੀਲੀਆਂ ਦਾ ਹਵਾਲਾ ਦਿੰਦੇ ਹੋਏ ਹਜ਼ਾਰਾਂ ਉਡਾਣਾਂ ਰੱਦ ਕਰ ਦਿੱਤੀਆਂ | ਇਸ ਨਾਲ ਦੇਸ਼ ਭਰ ਦੇ ਹਵਾਈ ਅੱਡਿਆਂ 'ਤੇ ਲੱਖਾਂ ਯਾਤਰੀ ਫਸ ਗਏ | ਲੌਰਾ, ਜੋ ਆਪਣੇ ਪੁੱਤਰ ਦਾ ਸਮਰਥਨ ਕਰਨ ਲਈ ਆਪਣੇ ਪੂਰੇ ਪਰਿਵਾਰ ਨਾਲ ਬੈਲਜੀਅਮ ਤੋਂ ਆਈ ਸੀ, ਨੇ ਕਿਹਾ ਕਿ ਉਹ ਹੁਣ ਸੜਕ ਰਾਹੀਂ ਯਾਤਰਾ ਕਰ ਰਹੇ ਹਨ |

ਪਿਛਲੀ ਖ਼ਬਰ ਮੋਟਰਸਾਈਕਲ ਤੇ ਟਰੈਕਟਰ ਦੀ ਟੱਕਰ, ਵਿਅਕਤੀ ਦੀ ਮੌਤ ਅਗਲੀ ਖ਼ਬਰ ਉੱਘੇ ਸ਼ਾਇਰ ਦੇਵ ਦੇ ਅਕਾਲ ਚਲਾਣੇ 'ਤੇ ਦੁੱਖ ਪ੍ਰਗਟ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।