ਤਪਾ ਮੰਡੀ, 24 ਸਤੰਬਰ (ਪ੍ਰਵੀਨ ਗਰਗ)-ਤਪਾ ਤੋਂ ਸ੍ਰੀ ਸਾਲਾਸਰ ਧਾਮ ਲਈ 5ਵੀਂ ਪੈਦਲ ਝੰਡਾ ਯਾਤਰਾ ਸ੍ਰੀ ਬਾਲਾ ਜੀ ਮੰਦਰ ਤੋਂ ਰਵਾਨਾ ਹੋਈ | ਇਸ ਮੌਕੇ ਪੰਡਤ ਪ੍ਰਦੀਪ ਸ਼ਰਮਾ ਨੇ ਸਮੂਹ ਸ਼ਰਧਾਲੂਆਂ ਤੋਂ ਪੂਜਨ ਦੀ ਰਸਮ ਅਦਾ ਕਰਵਾਈ ਉਪਰੰਤ ਸ੍ਰੀ ਬਾਲਾ ਜੀ ਦੇ ਜੈਕਾਰਿਆਂ ਨਾਲ ਸਾਲਾਸਰ ਧਾਮ ਲਈ ਰਵਾਨਾ ਹੋਏ | ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਸ਼ਰਧਾਲੂਆਂ ਨੇ ਦੱਸਿਆ ਕਿ ਉਹ ਸਾਲਾਸਰ ਧਾਮ 27 ਸਤੰਬਰ ਨੂੰ ਪਹੁੰਚ ਕੇ ਝੰਡਾ ਚੜ੍ਹਾਉਣਗੇ ਅਤੇ ਇਲਾਕੇ ਦੀ ਸੁੱਖ ਸ਼ਾਂਤੀ ਤੇ ਖ਼ੁਸ਼ਹਾਲੀ ਲਈ ਮਨੋਕਾਮਨਾ ਕਰਨਗੇ | ਇਸ ਮੌਕੇ ਸਮੁੱਚੀ ਸੰਗਤ ਨੇ ਸਾਲਾਸਰ ਧਾਮ ਜਾਣ ਵਾਲੇ ਸ਼ਰਧਾਲੂਆਂ 'ਤੇ ਫੁੱਲਾਂ ਦੀ ਵਰਖਾ ਕੀਤੀ | ਇਸ ਮੌਕੇ ਵਕੀਲ ਬਦਰਾ, ਪ੍ਰੇਮ ਮੈਡੀਕਲ ਵਾਲਾ, ਅੰਕਿਤ ਸਿੰਗਲਾ, ਹੈਰੀ ਢਿਲਵਾਂ, ਰਾਮ ਮਿੱਤਲ, ਰਮਨ ਸੁਨਾਮੀਆ, ਅੰਕੁਰ ਕੁਮਾਰ, ਪ੍ਰਵੇਸ਼ ਸ਼ਰਮਾ, ਗੌਰਵ ਮੌੜ, ਮੋਨੂੰ ਕੁਮਾਰ, ਰਾਮ ਸ਼ਰਮਾ, ਕਾਕਾ ਸਿੰਗਲਾ, ਲਵਲੀ ਦਰਾਜ਼, ਮਹੇਸ਼ ਗਰਗ, ਰਾਹੁਲ ਬਾਂਸਲ, ਜੈਕੀ ਬਦਰਾ, ਕਰਨ ਗੁਪਤਾ, ਅੰਕੁਸ਼ ਸਿੰਗਲਾ, ਰਤਨ ਸਿੰਗਲਾ, ਤਰਾਂਜਿਲ ਸਿੰਗਲਾ, ਰਾਕੇਸ਼ ਕੁਮਾਰ, ਯੁੱਗ ਸ਼ਰਮਾ, ਪ੍ਰਦੀਪ ਕੁਮਾਰ ਸ਼ਰਧਾਲੂ ਮੌਜੂਦ ਸਨ |
