ਖੰਨਾ, 29 ਦਸੰਬਰ (ਹਰਜਿੰਦਰ ਸਿੰਘ ਲਾਲ)-ਚੰਡੀਗੜ੍ਹ ਵਿਚ ਹੋਏ ਤੀਜੇ ਵਿਰਾਟ ਟੇਬਲ ਟੈਨਿਸ ਖੇਡ ਮੁਕਾਬਲੇ ਵਿਚ ਖੰਨਾ ਦੀ ਸ਼ਾਇਨ ਸਟਾਰ ਟੇਬਲ ਟੈਨਿਸ ਅਕੈਡਮੀ ਦੇ ਮੁੱਖ ਕੋਚ ਦੀਪਕ ਸ਼ਰਮਾ ਤੇ ਡਾਇਰੈਕਟਰ ਜਸਵਿੰਦਰ ਸਿੰਘ ਮੋਤੀ ਨੇ 49 ਪਲਸ ਡਬਲ ਮੁਕਾਬਲੇ ਵਿਚ ਹਿਮਾਚਲ ਪ੍ਰਦੇਸ਼ ਦੀ ਟੀਮ ਨਾਲ ਸੰਯੁਕਤ ਪਹਿਲਾ ਸਥਾਨ ਪ੍ਰਾਪਤ ਕੀਤਾ | ਇਸੇ ਮੁਕਾਬਲੇ ਵਿਚ ਦੀਪਕ ਸ਼ਰਮਾ ਨੇ ਲੱਕੀ ਡਬਲ ਵਿਚ ਦੂਜਾ ਅਤੇ ਜਸਵਿੰਦਰ ਸਿੰਘ ਮੋਤੀ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਇਸ ਮੁਕਾਬਲੇ ਵਿਚ ਪੰਜਾਬ, ਚੰਡੀਗੜ੍ਹ, ਹਿਮਾਚਲ ਪ੍ਰਦੇਸ਼, ਹਰਿਆਣਾ ਦੇ ਕਰੀਬ 70-80 ਖਿਡਾਰੀਆਂ ਨੇ ਹਿੱਸਾ ਲਿਆ | ਇਸ ਮੌਕੇ ਰਾਜਪਾਲ, ਰਿਟਾ. ਪਿ੍ੰ.ਸ਼ਾਮ ਸੁੰਦਰ, ਅਨਿਲ ਢੀਂਗਰਾ, ਰਕੇਸ਼ ਚੌਹਾਨ, ਅਨਮੋਲ ਬਾਲੀ, ਹਰਦੀਪ ਕੁਮਾਰ, ਮੁਨੀਸ਼ ਬੱਸੀ, ਨਵੀਨ ਹਾਂਡਾ, ਗੋਪਾਲ ਬਾਤਿਸ਼, ਅਸ਼ੋਕ ਲੂਥਰਾ ਆਦਿ ਹਾਜ਼ਰ ਸਨ |
