ਗੁਰੂਹਰਸਹਾਏ, 4 ਦਸੰਬਰ (ਕਪਿਲ ਕੰਧਾਰੀ)-ਸਥਾਨਕ ਸ਼ਹਿਰ ਦੀ ਨਿਊ ਗਰੀਨ ਐਵਨਿਉ ਕਾਲੋਨੀ ਵਿਖੇ ਪਿਛਲੇ ਲੰਮੇ ਸਮੇਂ ਤੋਂ ਬੰਦ ਪਈ ਸਟਰੀਟ ਲਾਈਟਾਂ ਕਾਰਨ ਮੁਹੱਲਾ ਵਾਸੀਆਂ ਨੂੰ ਕਾਫ਼ੀ ਜ਼ਿਆਦਾ ਦਿੱਕਤਾਂ ਆ ਰਹੀਆਂ ਸਨ | ਜਿਸ ਦੇ ਚੱਲਦਿਆਂ ਸਮਾਜ ਸੇਵੀ ਵਿਕੀ ਆਵਲਾ ਨੇ ਆਪਣੀ ਜੇਬ ਵਿਚੋਂ ਐਲ.ਈ.ਡੀ. ਬਲਬ ਲਗਵਾਏ ਹਨ | ਜਾਣਕਾਰੀ ਦਿੰਦਿਆਂ ਸਮਾਜ ਸੇਵੀ ਵਿਕੀ ਆਵਲਾ ਨੇ ਦੱਸਿਆ ਕਿ ਨਿਊ ਗਰੀਨ ਐਵਿਨਿਊ ਕਾਲੋਨੀ ਵਿਚ ਪਿਛਲੇ ਕਾਫ਼ੀ ਸਮੇਂ ਤੋਂ ਲਾਈਟਾਂ ਖ਼ਰਾਬ ਪਈਆਂ ਸਨ | ਕਾਲੋਨੀ ਵਾਸੀ ਕਾਫ਼ੀ ਜ਼ਿਆਦਾ ਪਰੇਸ਼ਾਨੀਆਂ ਵਿਚੋਂ ਲੰਘ ਰਹੇ ਸਨ | ਨਗਰ ਕੌਂਸਲ ਦੇ ਅਧਿਕਾਰੀਆਂ ਨੂੰ ਵੀ ਸੂਚਿਤ ਕੀਤਾ ਗਿਆ, ਪਰ ਉਨ੍ਹਾਂ ਦੇ ਕੰਨ 'ਤੇ ਵੀ ਕੋਈ ਜੂੰ ਨਹੀਂ ਸਰਕੀ | ਜਿਸ ਤੋਂ ਬਾਅਦ ਉਨ੍ਹਾਂ ਵਲੋਂ ਨਵੇਂ ਐਲ.ਈ.ਡੀ. ਬਲਬ ਲਗਵਾਏ ਹਨ | ਉਨ੍ਹਾਂ ਕਿਹਾ ਕਿ ਹੋਰ ਵੀ ਸ਼ਹਿਰ ਵਿਚ ਜਿੱਥੇ ਕਿਤੇ ਲੋੜ ਮਹਿਸੂਸ ਹੋਈ, ਉਹ ਖ਼ੁਦ ਆਪਣੀ ਜੇਬ ਵਿਚੋਂ ਬਲਬ ਲਗਵਾਉਣਗੇ |
