ਸੰਗਰੂਰ

ਪ੍ਰੋ. ਗੱਜਣਮਾਜਰਾ ਨੇ ਬਲਾਕ ਸੰਮਤੀ ਸਰੌਦ ਜ਼ੋਨ ਤੋਂ ਲਛਮਣ ਸਰੌਦ ਦੀ ਧਰਮ ਪਤਨੀ ਬੀਬਾ ਸ਼ਮੀਮ ਨੂੰ ਉਮੀਦਵਾਰ ਐਲਾਨਿਆ <br/>

ਸਰੌਦ ਵਿਖੇ ਭਾਰੀ ਇਕੱਠ ਦੌਰਾਨ ਬੀਬਾ ਸ਼ਮੀਮ ਨੂੰ ਬਲਾਕ ਸੰਮਤੀ ਦਾ ਉਮੀਦਵਾਰ ਐਲਾਨਦੇ ਹੋਏ ਸੀਨੀਅਰ ਆਗੂ ਕੁਲਵੰਤ ਸਿੰਘ ਗੱਜਣਮਾਜਰਾ ਅਤੇ ਸਾਥੀ | ਤਸਵੀਰ: ਸਰੌਦ <br/> 05-12-2025

ਮਲੇਰਕੋਟਲਾ, 4 ਦਸੰਬਰ (ਮਨਜਿੰਦਰ ਸਿੰਘ ਸਰੌਦ)-ਜ਼ਿਲ੍ਹਾ ਮਲੇਰਕੋਟਲਾ ਦੇ ਅੰਦਰ ਜ਼ਿਲ੍ਹਾ ਪ੍ਰੀਸ਼ਦ ਅਤੇ ਬਲਾਕ ਸੰਮਤੀ ਚੋਣਾਂ ਨੂੰ ਲੈ ਕੇ ਮਾਹੌਲ ਤੱਤਾ ਹੋਣ ਲੱਗਿਆ ਹੈ | ਆਮ ਆਦਮੀ ਪਾਰਟੀ ਵੱਲੋਂ ਲਗਭਗ ਸਾਰੇ ਉਮੀਦਵਾਰਾਂ ਦਾ ਐਲਾਨ ਕਰ ਦਿੱਤਾ ਹੈ | ਬਲਾਕ ਸੰਮਤੀ ਦੇ ਸਰੌਦ ਜੋਨ ਤੋਂ ਨੌਜਵਾਨ ਆਗੂ ਲਛਮਣ ਸਰੌਦ ਦੇ ਧਰਮ ਪਤਨੀ ਬੀਬੀ ਸ਼ਮੀਮ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਹੋਣਗੇ | ਅੱਜ ਪਿੰਡ ਸਰੌਦ ਵਿਖੇ ਕੀਤੇ ਭਾਰੀ ਇਕੱਠ ਦੌਰਾਨ ਪ੍ਰੋ. ਜਸਵੰਤ ਸਿੰਘ ਗੱਜਣਮਾਜਰਾ ਤੇ ਉਨ੍ਹਾਂ ਦੇ ਭਰਾ ਕੁਲਵੰਤ ਸਿੰਘ ਗੱਜਣਮਾਜਰਾ ਵੱਲੋਂ ਬੀਬੀ ਸ਼ਮੀਮ ਨੂੰ ਆਪਣਾ ਉਮੀਦਵਾਰ ਐਲਾਨ ਦਿਆਂ ਲੋਕਾਂ ਨੂੰ ਵਿਕਾਸ ਦੇ ਨਾਂ 'ਤੇ ਵੋਟਾਂ ਪਾਉਣ ਦੀ ਅਪੀਲ ਕੀਤੀ | 'ਆਪ' ਦੇ ਸੀਨੀਅਰ ਆਗੂ ਸਰਪੰਚ ਕੁਲਵੰਤ ਸਿੰਘ ਗੱਜਣਮਾਜਰਾ ਨੇ ਆਖਿਆ ਕਿ ਹਲਕਾ ਅਮਰਗੜ੍ਹ ਦੇ ਅੰਦਰ ਵੱਡੇ ਪੱਧਰ ਤੇ ਵਿਕਾਸ ਕੀਤਾ ਗਿਆ ਹੈ ਅਤੇ ਹੁਣ ਵੀ ਕਰੋੜਾਂ ਰੁਪਏ ਦੇ ਵਿਕਾਸ ਕਾਰਜ ਚੱਲ ਰਹੇ ਹਨ ਉਨ੍ਹਾਂ ਆਖਿਆ ਕਿ ਵੋਟਰਾਂ ਨੂੰ ਚਾਹੀਦਾ ਹੈ ਕਿ ਜਿਸ ਪਾਰਟੀ ਦੀ ਸਰਕਾਰ ਹੋਵੇ ਉਸ ਨੂੰ ਹੀ ਵੋਟਾਂ ਪਾ ਕੇ ਜਿਤਾਉਣ ਤਾਂ ਕਿ ਪਿੰਡ ਦਾ ਵਿਕਾਸ ਹੋ ਸਕੇ | ਉਨ੍ਹਾਂ ਵਿਰੋਧੀ ਉਮੀਦਵਾਰ 'ਤੇ ਕਟਾਖਸ਼ ਕਰਦਿਆਂ ਆਖਿਆ ਕਿ ਕੋਈ ਵੀ ਆਜ਼ਾਦ ਸਿਰਫ਼ ਇੱਕ ਬੰਦਾ ਜਿੱਤ ਕੇ ਕੀ ਕਰੇਗਾ, ਇਸ ਲਈ ਵੋਟਰ ਵਿਕਾਸ ਨੂੰ ਤਰਜੀਹ ਦੇਣ ਅਤੇ 'ਆਪ' ਪਾਰਟੀ ਦੇ ਉਮੀਦਵਾਰ ਬੀਬਾ ਸ਼ਮੀਮ ਨੂੰ ਵੋਟਾਂ ਪਾਉਣ | ਉਨ੍ਹਾਂ ਆਖਿਆ ਕਿ ਪਹਿਲਾਂ ਵੀ ਪਿੰਡ ਸਰੌਦ ਨੂੰ ਲੱਖਾਂ ਰੁਪਏ ਦੀ ਗਰਾਂਟ ਦਿੱਤੀ ਗਈ ਹੈ ਅਤੇ ਹੁਣ ਵੀ ਦਿੱਤੀ ਜਾਵੇਗੀ | ਸਰੌਦ ਜੋਨ ਦੇ ਵਿਚ 4 ਪਿੰਡ ਸਰੌਦ, ਚੁੱਪਕਾ, ਨਾਰੋਮਾਜਰਾ ਅਤੇ ਮੰਡਿਆਲਾ ਆਉਂਦੇ ਹਨ | ਇਸ ਮੌਕੇ ਨਾਰੋਮਾਜਰਾ ਦੇ ਸਰਪੰਚ ਜੱਗੀ, ਚੁੱਪਕਾ ਦੇ ਸਰਪੰਚ ਸੁਖਵਿੰਦਰ ਸਿੰਘ, ਮੰਡਿਆਲਾ ਦੇ ਸਰਪੰਚ ਕੁਲਵਿੰਦਰ ਸਿੰਘ, ਸਾਬਕਾ ਸਰਪੰਚ ਹਰਵਿੰਦਰ ਸਿੰਘ ਹਿੰਦਾ ਚੁੱਪਕਾ, ਲਛਮਣ ਸਰੌਦ, ਜਸਪਾਲ ਸਿੰਘ ਰੰਗੀ, ਪੰਚ ਗੁਰਪ੍ਰੀਤ ਸਿੰਘ, ਪੰਚ ਮਦਨ ਖਾਨ, ਪੰਚ ਧੀਰਾ ਰਾਮ, ਪੰਚ ਗੁਰਦੀਪ ਸਿੰਘ, ਸੁਖਵਿੰਦਰ ਸਿੰਘ ਸਰੌਦ, 'ਆਪ' ਆਗੂ ਨੇਤਰ ਸਿੰਘ ਬਾਵਾ, ਨਾਰੰਗ ਸਿੰਘ, ਪ੍ਰਧਾਨ ਸੁਖਵਿੰਦਰ ਸਿੰਘ ਰਟੌਲ, ਮੇਵਾ ਸਿੰਘ ਚਹਿਲ, ਸੁੱਖਾ ਚਹਿਲ, ਅਮਰਜੀਤ ਸਿੰਘ ਰੰਗੀ, ਹਰਬੰਸ ਸਿੰਘ ਪੱਪੂ ਸਣੇ ਵੱਖ-ਵੱਖ ਪਿੰਡਾਂ ਤੋਂ ਆਏ ਹੋਏ ਸਰਪੰਚ, ਪੰਚ ਅਤੇ ਸੀਨੀਅਰ ਆਗੂ ਮੌਜੂਦ ਸਨ |

ਪਿਛਲੀ ਖ਼ਬਰ ਆਮ ਆਦਮੀ ਪਾਰਟੀ ਨੇ ਪਵਿੱਤਰ ਸਰਪੰਚ ਨੂੰ ਜ਼ਿਲ੍ਹਾ ਪ੍ਰੀਸ਼ਦ ਲਈ ਉਮੀਦਵਾਰ ਐਲਾਨਿਆ ਅਗਲੀ ਖ਼ਬਰ ਰਛਪਾਲ ਸਿੰਘ ਭੁੱਲਰਹੇੜੀ ਨੇ ਆਮ ਆਦਮੀ ਪਾਰਟੀ ਵਲੋਂ ਜ਼ਿਲ੍ਹਾ ਪ੍ਰੀਸ਼ਦ ਜ਼ੋਨ ਮੀਮਸਾ ਤੋਂ ਨਾਮਜ਼ਦਗੀ ਪੱਤਰ ਭਰੇ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਪ੍ਰੋ. ਗੱਜਣਮਾਜਰਾ ਨੇ ਬਲਾਕ ਸੰਮਤੀ ਸਰੌਦ ਜ਼ੋਨ ਤੋਂ ਲਛਮਣ ਸਰੌਦ ਦੀ ਧਰਮ ਪਤਨੀ ਬੀਬਾ ਸ਼ਮੀਮ ਨੂੰ ਉਮੀਦਵਾਰ ਐਲਾਨਿਆ <br/>

Subscribers Only Story

ਸੰਬੰਧਿਤ ਖ਼ਬਰਾਂ