ਸੰਗਰੂਰ, 31 ਮਈ (ਧੀਰਜ ਪਸੌਰੀਆ)-ਗਰਮੀਆਂ ਦੀਆਂ ਛੁੱਟੀਆਂ ਕਾਰਨ ਸੰਗਰੂਰ 'ਚ ਦਵਾਈਆਂ ਦੀਆਂ ਦੁਕਾਨਾਂ ਬੰਦ ਰਹਿਣਗੀਆਂ | ਕੈਮਿਸਟ ਐਸੋਸੀਏਸ਼ਨ ਸੰਗਰੂਰ ਦੇ ਪ੍ਰਧਾਨ ਪ੍ਰੇਮ ਚੰਦ ਗਰਗ ਅਤੇ ਸੈਕਟਰੀ ਪੰਕਜ ਗੁਪਤਾ ਨੇ ਦੱਸਿਆ ਕਿ ਐਸੋਸੀਏਸ਼ਨ ਨੇ ਦੋ ਸ਼ਿਫ਼ਟਾਂ ਵਿਚ ਗਰਮੀਆਂ ਦੀਆਂ ਛੁੱਟੀਆਂ ਕਰਨ ਦਾ ਫ਼ੈਸਲਾ ਕੀਤਾ ਹੈ | 13, 14 ਅਤੇ 15 ਜੂਨ ਨੂੰ ਸੁਨਾਮੀ ਗੇਟ ਅਤੇ ਨਾਭਾ ਗੇਟ ਸਥਿਤ ਦੁਕਾਨਾਂ ਬੰਦ ਰਹਿਣਗੀਆਂ | 20, 21 ਅਤੇ 22 ਜੂਨ ਨੂੰ ਪਟਿਆਲਾ ਗੇਟ ਅਤੇ ਧੂਰੀ ਗੇਟ ਸਥਿਤ ਦੁਕਾਨਾਂ ਬੰਦ ਰਹਿਣਗੀਆਂ | ਸਿਵਲ ਹਸਪਤਾਲ ਦੇ ਸਾਹਮਣੇ ਵਾਲੀਆਂ ਦੁਕਾਨਾਂ ਦੋਨਾਂ ਸ਼ਿਫ਼ਟਾਂ ਵਿਚ ਅੱਧੀਆਂ ਅੱਧੀਆਂ ਬੰਦ ਰਹਿਣਗੀਆਂ, ਭਾਵ ਅੱਧੀਆਂ ਦੁਕਾਨਾਂ 13, 14 ਅਤੇ 15 ਜੂਨ ਨੂੰ ਜਦ ਬਾਕੀ ਅੱਧੀਆਂ ਦੁਕਾਨਾਂ 20, 21 ਅਤੇ 22 ਜੂਨ ਨੂੰ ਬੰਦ ਰਹਿਣਗੀਆਂ |
