ਮੋਗਾ, 4 ਦਸੰਬਰ (ਸੁਰਿੰਦਰਪਾਲ ਸਿੰਘ)-ਮੋਗਾ ਦੇ ਰਾਮ ਗੰਜ ਮੰਡੀ ਗਲੀ ਨੰਬਰ ਇਕ ਵਿਖੇ ਅੱਜ ਪ੍ਰਭੂ ਜੋਤਿਸ਼ ਸੈਂਟਰ ਦਾ ਸ਼ੁੱਭ ਅਰੰਭ ਤੇ ਉਦਘਾਟਨ ਪੰਜਾਬ ਅਗਰਵਾਲ ਵੁਮੈਨ ਪੰਜਾਬ ਦੀ ਪ੍ਰਧਾਨ ਭਾਵਨਾ ਬਾਂਸਲ ਵਲੋਂ ਆਪਣੇ ਕਰ ਕਮਲਾਂ ਨਾਲ ਕੀਤਾ ਗਿਆ | ਇਸ ਮੌਕੇ ਉਨ੍ਹਾਂ ਨੇ ਸੈਂਟਰ ਦੇ ਸੰਚਾਲਕ ਤੇ ਪੂਰੀ ਟੀਮ ਨੂੰ ਮੁਬਾਰਕਾਂ ਦਿੰਦੇ ਹੋਏ ਕਿਹਾ ਕਿ ਅੱਜ ਦੇ ਸਮੇਂ ਵਿਚ ਜੋਤਿਸ਼ ਹਰ ਕਿਸੇ ਦੀ ਤਰੱਕੀ ਅਤੇ ਹਰ ਸਮੱਸਿਆ ਦੇ ਹੱਲ ਲਈ ਅਹਿਮ ਭੂਮਿਕਾ ਨਿਭਾ ਰਿਹਾ ਹੈ | ਇਸ ਮੌਕੇ ਸੈਂਟਰ ਦੇ ਸੰਚਾਲਕ ਪ੍ਰਭੂ ਹਰੀਸ਼ (ਡਾ.) ਅਤੇ ਪ੍ਰਚਾਰਕ ਦਾਸ ਵਿਜੇ ਨੇ ਦੱਸਿਆ ਕਿ ਅਜੋਕੇ ਸਮੇਂ ਵਿਚ ਪਰੰਪਰਾਗਤ ਜੋਤਿਸ਼ ਵਿਚ ਆਧੁਨਿਕਤਾ ਦੀ ਲੋੜ ਹੈ, ਸਮੇਂ ਦੀ ਘਾਟ ਪੈਸੇ ਦੀ ਦੌੜ ਵਿਚ ਸਮਾਜਿਕ ਅਤੇ ਭਵਿੱਖ ਪ੍ਰਤੀ ਜਾਗਰੂਕਤਾ ਲਈ ਜੋਤਿਸ਼ ਦੀ ਬਹੁਤ ਮਹੱਤਵ ਦੇਣ ਹੈ | ਇਸ ਮੌਕੇ ਮੈਡਮ ਭਾਵਨਾ ਬਾਂਸਲ ਨੂੰ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਅਰਜਨ ਕੁਮਾਰ ਜ਼ਿਲ੍ਹਾ ਪ੍ਰਧਾਨ ਆਦਿ ਧਰਮ ਸਮਾਜ ਮੋਗਾ, ਰਿਟਾਇਰਡ ਈ.ਟੀ.ਓ. ਜਗਤਾਰ ਸਿੰਘ, ਜਗਤਾਰ ਸਿੰਘ ਮਖੂ ਪ੍ਰਧਾਨ, ਮੈਡਮ ਰਵਿੰਦਰ ਕੌਰ ਬਜਾਜ ਵਾਈਸ ਪ੍ਰਧਾਨ ਕਾਂਗਰਸ, ਸੋਨੂੰ ਅਰੋੜਾ ਉੱਘੇ ਸਮਾਜ ਸੇਵੀ ਮੋਗਾ, ਰੀਮਾ ਰਾਣੀ ਜ਼ਿਲ੍ਹਾ ਪ੍ਰਧਾਨ ਆਦਿ ਧਰਮ ਸਮਾਜ ਮਹਿਲਾ ਵਿੰਗ ਮੋਗਾ, ਪਰਮਿੰਦਰ, ਨੀਲਮ ਰਾਣੀ, ਆਸ਼ਾ ਰਾਣੀ ਪ੍ਰਧਾਨ ਆਦਿ ਧਰਮ ਸਮਾਜ ਮੋਗਾ, ਕੁਲਬੀਰ ਖਹਿਰਾ ਸਮਾਜ ਸੇਵੀ, ਵਿਪਲ ਕੁਮਾਰ, ਰੀਤੂ ਖਿਪਲ ਪ੍ਰਧਾਨ, ਹਰਸ਼ ਖਿਪਲ, ਗੁਰਪ੍ਰੀਤ ਸਿੰਘ, ਬਿੱਟਾ ਮੋਗਾ ਆਦਿ ਨੇ ਸ਼ਮੂਲੀਅਤ ਕੀਤੀ |
