ਸ੍ਰੀ ਮੁਕਤਸਰ ਸਾਹਿਬ, 2 ਨਵੰਬਰ (ਰਣਜੀਤ ਸਿੰਘ ਢਿੱਲੋਂ)-ਨੈਸ਼ਨਲ ਐਵਾਰਡੀ ਸੰਸਥਾ ਮੁਕਤੀਸਰ ਵੈੱਲਫ਼ੇਅਰ ਕਲੱਬ ਵਲੋਂ ਬੀਤੀ ਰਾਤ ਜਾਣਕਾਰੀ ਮਿਲਦੇ ਹੀ ਸ੍ਰੀ ਮੁਕਤਸਰ ਸਾਹਿਬ ਤੋਂ ਕੋਟਕਪੂਰਾ ਨੈਸ਼ਨਲ ਹਾਈਵੇਅ ਉੱਪਰ ਖੜ੍ਹੇ ਖ਼ਰਾਬ ਟਰੱਕ, ਜੋ ਕਿ ਸੜਕ ਦੇ ਵਿਚਕਾਰ ਖੜ੍ਹੇ ਸਨ, ਰਾਤ ਸਮੇਂ ਟਰੱਕ ਉੱਪਰ ਰਿਫ਼ਲੈਕਟਰ ਨਾ ਲੱਗੇ ਹੋਣ ਕਰਕੇ ਕੋਈ ਵੱਡਾ ਸੜਕੀ ਹਾਦਸਾ ਹੋ ਸਕਦਾ ਸੀ, ਜਿਸ ਨੂੰ ਗੰਭੀਰਤਾ ਨਾਲ ਲੈਂਦੇ ਹੋਏ ਕਲੱਬ ਦੀ ਟੀਮ ਵਲੋਂ ਰਾਤ 11 ਵਜੇ ਇੱਥੇ ਪਹੁੰਚ ਕੇ ਟਰੱਕ ਦੇ ਦੋਵੇਂ ਪਾਸੇ ਰੇਡੀਅਮ ਰਿਫ਼ਲੈਕਟਰ ਟੇਪਾਂ ਲਗਾਈਆਂ ਗਈਆਂ, ਤਾਂ ਜੋ ਦੂਰੋਂ ਆਉਂਦੇ ਵਾਹਨ ਨੂੰ ਇਸ ਬਾਰੇ ਪਤਾ ਲੱਗ ਸਕੇ | ਉਨ੍ਹਾਂ ਵਾਹਨ ਚਾਲਕਾਂ ਨੂੰ ਅਪੀਲ ਕੀਤੀ ਕਿ ਕਿਸੇ ਕਾਰਨ ਵੀ ਜੇਕਰ ਉਨ੍ਹਾਂ ਦਾ ਵਾਹਨ ਸੜਕ ਉੱਪਰ ਖ਼ਰਾਬ ਹੋ ਜਾਂਦਾ ਹੈ ਤਾਂ ਉਨ੍ਹਾਂ 'ਤੇ ਰੇਡੀਅਮ ਟੇਪਾਂ ਲਗਾਉਣ | ਇਸ ਮੌਕੇ ਦੀਪਾਂਸ਼ੂ ਕੁਮਾਰ, ਨਰੇਸ਼ ਕੁਮਾਰ ਕਾਤੀ, ਅਜੇ ਕੁਮਾਰ ਪਾਸੀ, ਨਵਦੀਪ ਸਿੰਘ ਆਦਿ ਹਾਜ਼ਰ ਸਨ |
