ਖਰੜ, 27 ਦਸੰਬਰ (ਗੁਰਮੁੱਖ ਸਿੰਘ ਮਾਨ)-ਸ੍ਰੀ ਸ੍ਰੀ 108 ਸ੍ਰੀ ਮਹਾਤਮਾ ਪੂਜਾ ਨੰਦ ਮਹਾਰਾਜ ਨੂੰ ਸਮਰਪਿਤ ਸਾਲਾਨਾ ਭੰਡਾਰਾ ਅਤੇ ਸ੍ਰੀ ਰਮਾਇਣ ਦੇ ਪਾਠ ਦੇ ਭੋਗ 4 ਜਨਵਰੀ ਨੂੰ ਸ਼ਿਵ ਮੰਦਰ ਪਿੰਡ ਨਿਆਂ ਸ਼ਹਿਰ ਬਡਾਲਾ ਵਿਖੇ ਪਾਏ ਜਾਣਗੇ | ਇਸ ਸੰਬੰਧੀ ਭਾਜਪਾ ਆਗੂ ਤੇ ਮੁੱਖ ਸੇਵਕ ਖੁਸ਼ਵੰਤ ਰਾਏ ਗੀਗਾ ਨੇ ਦੱਸਿਆ ਕਿ 3 ਜਨਵਰੀ ਨੂੰ ਸਵੇਰੇ 9 ਵਜੇ ਸ੍ਰੀ ਰਮਾਇਣ ਦੇ ਪਾਠ ਆਰੰਭ ਹੋਣਗੇ, ਜਿਨ੍ਹਾਂ ਦੇ 4 ਜਨਵਰੀ ਨੂੰ ਸਵੇਰੇ 8 ਵਜੇ ਭੋਗ ਪਾਏ ਜਾਣਗੇ ਅਤੇ 10 ਵਜੇ ਹਵਨ ਤੇ 12 ਵਜੇ ਸਾਧੂ ਪੂਜਨ ਆਰੰਭ ਹੋਵੇਗਾ, ਜਦਕਿ ਦੁਪਹਿਰ 1 ਵਜੇ ਭੰਡਾਰਾ ਵਰਤਾਇਆ ਜਾਵੇਗਾ |
