ਪਿੰਡ ਧਰਮਗੜ੍ਹ ਦੇ ਵਸਨੀਕ ਜਗਤਾਰ ਸਿੰਘ ਨੇ ਕਿਹਾ ਕਿ ਜੀ. ਐੱਸ. ਟੀ. ਦੀਆਂ 5, 12 , 18 ਅਤੇ 28 ਫ਼ੀਸਦੀ ਵਾਲੀਆਂ ਚਾਰ ਦਰਾਂ ਨੂੰ ਘਟਾ ਕੇ ਸਿਰਫ਼ ਦੋ ਦਰਾਂ 5 ਅਤੇ 18 ਫ਼ੀਸਦੀ ਕਰਨ ਨਾਲ ਆਮ ਖਪਤਕਾਰ ਨੂੰ ਕੁੱਲ ਮਿਲਾ ਕੇ ਲਾਭ ਹੋਵੇਗਾ | ਇਸ ਤਰ੍ਹਾਂ ਕਰਨ ਨਾਲ ਇਕ ਤਾਂ 28 ਫ਼ੀਸਦੀ ਵਾਲੀ ਵੱਡੀ ਸਲੈਬ ਖ਼ਤਮ ਹੋ ਗਈ ਹੈ, ਜਦਕਿ ਬਹੁਤ ਸਾਰੀਆਂ ਵਸਤਾਂ ਉੱਤੇ 5 ਫ਼ੀਸਦੀ ਤੱਕ ਟੈਕਸ ਰਹਿ ਗਿਆ ਹੈ, ਜੋ ਕਿ ਸਹੀ ਹੈ | ਉਨ੍ਹਾਂ ਕਿਹਾ ਕਿ ਸਰਕਾਰ ਨੂੰ ਚਾਹੀਦਾ ਹੈ ਕਿ ਉਹ ਬਹੁਤ ਵੱਡੀਆਂ ਵਸਤਾਂ ਨੂੰ 18 ਫ਼ੀਸਦੀ ਦੇ ਦਾਇਰੇ 'ਚ ਰੱਖੇ ਅਤੇ ਰੋਜ਼ਾਨਾ ਵਰਤੋਂ ਦੀਆਂ ਵਸਤਾਂ ਨੂੰ 5 ਫ਼ੀਸਦੀ ਦੀ ਦਰ 'ਚ ਲਿਆਉਣ ਨੂੰ ਯਕੀਨੀ ਬਣਾਏ |
