ਲੁਧਿਆਣਾ, 23 ਨਵੰਬਰ (ਭੁਪਿੰਦਰ ਸਿੰਘ ਬੈਂਸ)-ਹਲਕਾ ਉਤਰੀ ਦੇ ਵਿਧਾਇਕ ਮਦਨ ਲਾਲ ਬੱਗਾ ਨੇ ਸ਼ਨੀਵਾਰ ਨੂੰ ਉਤਰੀ ਹਲਕੇ ਵਿਚ ਬੁੱਢੇ ਦਰਿਆ ਦੇ ਨਾਲ ਲਗਾਈਆਂ ਗਈਆਂ ਫੈਂਸੀ ਸਟਰੀਟ ਲਾਈਟਾਂ ਦਾ ਉਦਘਾਟਨ ਕੀਤਾ | ਕੁੱਲ ਮਿਲਾ ਕੇ ਬੁੱਢੇ ਦਰਿਆ ਦੇ ਨਾਲ-ਨਾਲ ਸੰਧੂ ਨਗਰ ਨੇੜੇ ਰੇਲਵੇ ਪੁਲ ਤੋਂ ਲੈ ਕੇ ਹੈਬੋਵਾਲ ਮੁੱਖ ਪੁਲੀ ਤੱਕ ਲਗਭਗ 100 ਐਲੂਮੀਨੀਅਮ ਡਾਈ ਕਾਸਟ ਫੈਂਸੀ ਪੋਲ ਲਗਾਏ ਗਏ ਹਨ | ਫੈਂਸੀ ਸਟਰੀਟ ਲਾਈਟਾਂ 78 ਲੱਖ ਰੁਪਏ ਤੋਂ ਵੱਧ ਦੀ ਲਾਗਤ ਨਾਲ ਲਗਾਈਆਂ ਗਈਆਂ ਹਨ | ਵਿਧਾਇਕ ਮਦਨ ਲਾਲ ਬੱਗਾ ਨੇ ਕਿਹਾ ਕਿ ਉਤਰੀ ਹਲਕੇ ਵਿਚ ਗੁਣਵੱਤਾ ਵਾਲਾ ਬੁਨਿਆਦੀ ਢਾਂਚਾ ਵਿਕਸਤ ਕੀਤਾ ਜਾ ਰਿਹਾ ਹੈ | ਇਹ ਪ੍ਰੋਜੈਕਟ ਇਲਾਕੇ ਵਿਚ ਰੌਸ਼ਨੀ ਵਿਚ ਸੁਧਾਰ ਕਰੇਗਾ, ਜੋ ਨਿਵਾਸੀਆਂ ਦੀ ਸੁਰੱਖਿਆ ਨੂੰ ਵੀ ਯਕੀਨੀ ਬਣਾਏਗਾ | ਉਦਘਾਟਨੀ ਸਮਾਗਮ ਦੌਰਾਨ ਕੌਂਸਲਰ ਪੁਸ਼ਪਿੰਦਰ ਭਨੋਟ, ਗੁਰਵੀਰ ਗੋਲੂ ਬਾਜਵਾ, ਕੌਂਸਲਰ ਮਨਜੀਤ ਢਿੱਲੋਂ, ਤੇਜਿੰਦਰ ਰਾਜਾ, ਕੌਂਸਲਰ ਨੀਰਜ ਆਹੂਜਾ, ਸ਼ਸ਼ੀ ਸ਼ਰਮਾ, ਸੰਨੀ ਭਨੋਟ, ਗੁਲਸ਼ਨ ਮੁੰਜਾਲ, ਰਵਿੰਦਰ ਸੈਣੀ, ਇੰਦਰਪਾਲ ਚਾਵਲਾ, ਰਾਕੇਸ਼ ਮੋਦੀ, ਰਾਕੇਸ਼ ਕੇਟੀ, ਸੰਜੀਵ ਥਾਪਰ, ਪਰਵੀਨ ਜਿੰਦਲ, ਜਗਦੀਸ਼ ਸੈਣੀ ਆਦਿ ਮੌਜੂਦ ਸਨ |
