ਅਬੋਹਰ, 4 ਦਸੰਬਰ(ਵਿਵੇਕ ਹੂੜੀਆ)-ਸਥਾਨਕ ਵਿਧਾਇਕ ਸੰਦੀਪ ਜਾਖੜ ਦੀ ਅਗਵਾਈ ਹੇਠ ਅਬੋਹਰ ਵਿਧਾਨ ਸਭਾ ਹਲਕੇ ਅਧੀਨ ਬਲਾਕ ਸਮਿਤੀ ਚੋਣਾਂ ਲਈ 16 ਭਾਜਪਾ ਉਮੀਦਵਾਰਾਂ ਨੇ ਆਪਣੇ ਨਾਮਜ਼ਦਗੀ ਪੱਤਰ ਦਾਖਲ ਕੀਤੇ | ਇਸ ਮੌਕੇ ਵਿਧਾਇਕ ਸੰਦੀਪ ਜਾਖੜ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਨੇ ਅਬੋਹਰ ਲਈ ਝੂਠੇ ਵਾਅਦੇ ਕਰਨ ਤੋਂ ਇਲਾਵਾ ਕੁੱਝ ਨਹੀਂ ਕੀਤਾ | ਉਨ੍ਹਾਂ ਕਿਹਾ ਕਿ ਗੁਆਂਢੀ ਰਾਜ ਹਰਿਆਣਾ ਅਤੇ ਰਾਜਸਥਾਨ ਵਿਕਾਸ ਦੇ ਮਾਮਲੇ ਵਿਚ ਪੰਜਾਬ ਨੂੰ ਪਛਾੜ ਗਏ ਹਨ ਕਿਉਂਕਿ ਉੱਥੇ ਡਬਲ ਇੰਜਨ ਭਾਜਪਾ ਸਰਕਾਰ ਹੈ | ਉਨ੍ਹਾਂ ਸਾਰੇ ਭਾਜਪਾ ਵਰਕਰਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਭਾਜਪਾ ਦੀਆਂ ਲੋਕ ਭਲਾਈ ਨੀਤੀਆਂ ਨੂੰ ਘਰ-ਘਰ ਪਹੁੰਚਾਉਣਾ ਚਾਹੀਦਾ ਹੈ ਤਾਂ ਜੋ ਭਾਜਪਾ ਉਮੀਦਵਾਰ ਦੀ ਜਿੱਤ ਵੱਡੀ ਹੋ ਸਕੇ | ਬਲਾਕ ਸੰਮਤੀ ਚੋਣਾਂ ਲਈ ਸੀਡ ਫਾਰਮ ਪੱਕਾ ਤੋਂ ਛਿੰਦਰਪਾਲ ਸਿੰਘ, ਦਾਨੇਵਾਲਾ ਸਤਕੋਸੀ ਤੋਂ ਮਨਦੀਪ ਕੌਰ, ਪੰਨੀਵਾਲਾ ਮਾਹਲਾ ਤੋਂ ਪਰਮਜੀਤ ਸਿੰਘ, ਢਾਣੀ ਕੈਲਾਸ਼ ਨਗਰ ਤੋਂ ਪਿੰਕੀ, ਪੰਜਕੋਸੀ ਤੋਂ ਸੁਨੀਤਾ, ਮੌਜਗੜ੍ਹ ਤੋਂ ਰੇਣੂ ਦੇਵੀ, ਕਿੱਲਿ੍ਹਆਂਵਾਲੀ ਤੋਂ ਪਰਮੇਸ਼ਵਰੀ ਦੇਵੀ, ਦੀਵਾਨ ਖੇੜਾ ਤੋਂ ਅੰਜੂ ਰਾਣੀ, ਢਾਣੀ ਕਰਨੈਲ ਸਿੰਘ ਤੋਂ ਆਸ਼ਾ ਰਾਣੀ, ਗਿੱਦੜਾਂ ਵਾਲੀ ਤੋਂ ਗੁਰਮੀਤ ਕੌਰ, ਦੌਲਤਪੁਰਾ ਤੋਂ ਜਗਮੀਤ ਕੌਰ, ਜੰਡਵਾਲਾ ਹਨੂਵੰਤਾ ਤੋਂ ਰਾਮ ਸਵਰੂਪ, ਖੂਈਆਂ ਸਰਵਰ ਤੋਂ ਇੰਦਰ ਸਿੰਘ, ਕੱਲਰ ਖੇੜਾ ਤੋਂ ਪੂਰਨ ਰਾਮ, ਗੁੰਮਜ਼ਾਲ ਤੋਂ ਫ਼ਤਿਹ ਸਿੰਘ, ਦਲਮੀਰ ਖੇੜਾ ਤੋਂ ਗੁਰਮੀਤ ਸਿੰਘ ਨੇ ਨਾਮਜ਼ਦਗੀ ਪੱਤਰ ਦਾਖ਼ਲ ਕਰਵਾਏ |
