ਸੰਘਣੀ ਧੁੰਦ ਕਾਰਨ ਹੋਏ ਸੜਕ ਹਾਦਸੇ 'ਚ ਇਕ ਵਿਅਕਤੀ ਦੀ ਮੌਤ
ਅਜੀਤ ਡੈਸਕ
29-12-2025
ਗੁਰਦਾਸਪੁਰ, (ਗੁਰਪ੍ਰਤਾਪ ਸਿੰਘ)- ਲਗਾਤਾਰ ਪੈ ਰਹੀ ਸੰਘਣੀ ਧੁੰਦ ਹਾਦਸਿਆਂ ਦਾ ਕਾਰਨ ਬਣਦੀ ਹੋਈ ਦਿਖਾਈ ਦੇ ਰਹੀ ਹੈ | ਅਜਿਹੇ ਵਿਚ ਵਾਹਨਾਂ ਦੇ ਪਿੱਛੇ ਰਿਫਲੈਕਟਰ ਨਾ ਲੱਗੇ ਹੋਣ ਕਾਰਨ ਹਾਦਸਿਆਂ ਦਾ ਖਤਰਾ ਹੋਰ ਵੀ ਵੱਧ ਜਾਂਦਾ ਹੈ | ਅੱਜ ਗੁਰਦਾਸਪੁਰ ਦੇ ਪੰਡੋਰੀ ਬਾਈਪਾਸ ਦੇ ਨਜ਼ਦੀਕ ਸੰਘਣੀ ਧੁੰਦ ਕਾਰਨ ਘੋੜੇ ਰੇਹੜੇ ਅਤੇ ਕਾਰ ਦੀ ਟੱਕਰ ਹੋ ਗਈ ਜਿਸ ਵਿਚ ਕੋਈ ਜਾਨੀ ਨੁਕਸਾਨ ਤਾਂ ਨਹੀਂ ਹੋਇਆ, ਪਰ ਕਾਰ ਅਤੇ ਘੋੜਾ ਰੇਹੜਾ ਬੁਰੀ ਤਰ੍ਹਾਂ ਨੁਕਸਾਨੇ ਗਏ | ਇਕੱਤਰ ਕੀਤੀ ਗਈ ਜਾਣਕਾਰੀ ਅਨੁਸਾਰ ਵਿਪਨ ਅਤੇ ਉਸ ਦਾ ਭਰਾ ਨੀਰਜ ਆਪਣੀ ਆਈ-20 ਕਾਰ ਪੀ.ਬੀ. 06 ਏ.ਐਸ. 3774 'ਤੇ ਸਵਾਰ ਹੋ ਕੇ ਿਲੰਕ ਰੋਡ 'ਤੇ ਜਾ ਰਹੇ ਸਨ ਕਿ ਸੰਘਣੀ ਧੁੰਦ ਹੋਣ ਕਾਰਨ ਉਨ੍ਹਾਂ ਦੀ ਕਾਰ ਇੱਟਾਂ ਲੈ ਕੇ ਜਾ ਰਹੇ ਮੇਵਾ ਲਾਲ ਦੇ ਘੋੜੇ ਰੇਹੜੇ ਵਿਚ ਜਾ ਟੱਕਰਾਈ ਜਿਸ ਦੌਰਾਨ ਚਾਲਕ ਨੰੂ ਮਾਮੂਲੀ ਸੱਟਾਂ ਲੱਗੀਆਂ, ਪਰ ਗੱਡੀ ਅਤੇ ਘੋੜਾ ਰੇਹੜਾ ਬੁਰੀ ਤਰ੍ਹਾਂ ਨੁਕਸਾਨੇ ਗਏ |
