ਮੰਡੀ ਗੋਬਿੰਦਗੜ੍ਹ ਨਗਰ ਕੌਂਸਲ ਵਲੋਂ ਬਣਾਈ ਵਾਰਡਬੰਦੀ ਨੂੰ ਲੈ ਕੇ ਕਾਂਗਰਸੀਆਂ ਵਲੋਂ ਇਤਰਾਜ਼
ਅਜੀਤ ਡੈਸਕ
30-12-2025
ਪਿਛਲੀ ਵਾਰ ਕਾਂਗਰਸੀਆਂ ਨੇ ਸ਼ਹਿਰ ਦੀ ਵਾਰਡ ਬੰਦੀ ਵਿਗਾੜੀ ਸੀ, ਹੁਣ ਠੀਕ ਹੋਈ ਹੈ | ਇਹ ਗੱਲ ਅਕਾਲੀ ਦਲ ਦੇ ਸਾਬਕਾ ਕੌਂਸਲਰ ਹਰਮੀਤ ਸਿੰਘ ਖ਼ਾਲਸਾ ਨੇ ਕਹੀ | ਉਨ੍ਹਾਂ ਕਿਹਾ ਕਿ ਕਾਂਗਰਸੀ ਦੋ ਚਿਹਰੇ ਲਈ ਫਿਰਦੇ ਹਨ, ਆਪਣੀ ਸਰਕਾਰ ਵੇਲੇ ਜੋ ਸ਼ਹਿਰ ਦੇ ਵਾਰਡ ਆਪਣੇ ਚਹੇਤਿਆਂ ਨੂੰ ਖ਼ੁਸ਼ ਕਰਨ ਲਈ ਤੋੜ ਦਿੱਤੇ ਸੀ, ਇੱਥੋਂ ਤੱਕ ਇਕ ਇਕ ਮੁਹੱਲੇ 'ਚ 2 ਤੇ 3 ਵਾਰਡ ਬਣਾ ਦਿੱਤੇ ਸੀ, ਹੁਣ ਠੀਕ ਹੋਏ ਹਨ | ਕਾਂਗਰਸੀ ਬੇਮਤਲਬ ਦਾ ਡਰਾਮਾ ਕਰ ਰਹੇ ਹਨ, ਸਰਕਾਰ ਨੂੰ ਜਿਸ 'ਤੇ ਸੋਚਣ ਦੀ ਕੋਈ ਲੋੜ ਨਹੀਂ ਜੇਕਰ ਰਿਪੋਰਟ ਲੈਣੀ ਹੈ ਤਾਂ ਆਮ ਸ਼ਹਿਰਵਾਸੀਆਂ ਤੋਂ ਪੁੱਛੋ, ਜੋ ਕਾਂਗਰਸ ਵੇਲੇ ਹੋਈ ਗ਼ਲਤ ਵਾਰਡਬੰਦੀ ਕਰਕੇ ਪ੍ਰੇਸ਼ਾਨੀ ਦਾ 5 ਸਾਲ ਤੋਂ ਸਾਹਮਣਾ ਕਰ ਰਹੇ ਹਨ | ਕਾਂਗਰਸੀ ਵਿਧਾਇਕ ਨੇ ਕਥਿੱਤ ਧੱਕਾ ਕਰਕੇ ਆਪਣੇ ਉਮੀਦਵਾਰ ਵਾਰਡਬੰਦੀ ਬਦਲ ਕੇ ਹੀ ਜਿਤਾ ਲਏ ਸਨ | ਜੋ ਲੋਕ ਬਹੁਤ ਦੁਖੀ ਰਹੇ ਤੇ ਜੋ ਡਰਾਮਾ ਪਿਛਲੀ ਨਗਰ ਕੌਂਸਲ ਚੋਣਾਂ ਵੇਲੇ ਹੋਇਆ, ਉਹ ਸਾਰੇ ਸ਼ਹਿਰਵਾਸੀਆਂ ਨੂੰ ਯਾਦ ਹੈ |
