ਫ਼ਤਹਿਗੜ੍ਹ ਸਾਹਿਬ, 24 ਸਤੰਬਰ (ਬਲਜਿੰਦਰ ਸਿੰਘ)-ਭਾਜਪਾ ਦੇ ਸੀਨੀਅਰ ਆਗੂ ਤੇ ਸਾਬਕਾ ਮੰਤਰੀ ਡਾ. ਹਰਬੰਸ ਲਾਲ ਨੇ ਕੇਂਦਰ ਸਰਕਾਰ ਵਲੋਂ ਜੀ.ਐਸ.ਟੀ ਟੈਕਸ ਦਰਾਂ ਵਿਚ ਵੱਡੇ ਪੱਧਰ 'ਤੇ ਕਟੌਤੀ ਕੀਤੇ ਜਾਣ ਦੇ ਫ਼ੈਸਲੇ ਦਾ ਸਵਾਗਤ ਕੀਤਾ ਹੈ | ਉਨ੍ਹਾਂ ਕਿਹਾ ਕਿ ਜੀ.ਐਸ.ਟੀ.ਦੀਆਂ ਸੋਧੀਆਂ ਦਰਾਂ 'ਚ ਨਾਲ ਹਰ ਵਰਗ ਦੇ ਲੋਕਾਂ ਨੂੰ ਮਹਿੰਗਾਈ ਤੋਂ ਵੱਡੀ ਰਾਹਤ ਮਿਲੇਗੀ ਅਤੇ ਲੋਕ ਦੀਵਾਲੀ ਦੀਆਂ ਖ਼ੁਸ਼ੀਆਂ ਚਾਵਾਂ ਨਾਲ ਮਨਾ ਸਕਣਗੇ | ਉਨ੍ਹਾਂ ਕਿਹਾ ਕਿ ਜੀ.ਐਸ.ਟੀ. ਦੀਆਂ ਸੋਧੀਆਂ ਦਰਾਂ ਨਾਲ ਜਿੱਥੇ ਆਵਾਜਾਈ ਵਾਲੇ ਸਾਧਨ ਸਸਤੇ ਹੋ ਜਾਣਗੇ, ਉੱਥੇ ਹੀ ਰੋਜ਼ਾਨਾ ਘਰੇਲੂ ਰਸੋਈ ਵਿਚ ਵਰਤੀਆਂ ਜਾਣ ਵਾਲੀਆਂ ਵਸਤੂਆਂ ਸਸਤੀਆਂ ਹੋਣ ਨਾਲ ਹਰ ਵਰਗ ਦਾ ਨਾਗਰਿਕ ਆਪਣੇ ਸੁਪਨੇ ਪੂਰੇ ਕਰ ਸਕੇਗਾ | ਇਸ ਮੌਕੇ 'ਤੇ ਮਨਮੋਹਨ ਸਿੰਘ ਸਿੰਬਲ, ਗੁਰਦੇਵ ਸਿੰਘ ਡੇਰਾ ਮੀਰ ਮੀਰਾ, ਸੁਰਜੀਤ ਕੁਮਾਰ ਰਾਜਪੂਤ, ਡਾ. ਸੋਮਨਾਥ ਸਰਹਿੰਦ, ਬਿਕਰਮ ਵਿੱਕੀ, ਗੁਰਦੀਪ ਸਿੰਘ ਵਿਸ਼ਵਕਰਮਾ ਕਾਲੋਨੀ, ਸਰਦਾਰਾ ਸਿੰਘ ਰਾਮਦਾਸ ਨਗਰ, ਸੰਦੀਪ ਸਿੰਘ ਲਵਲੀ, ਮਨੀਸ਼ ਵਰਮਾ, ਲਾਭ ਸਿੰਘ ਬ੍ਰਾਹਮਣ ਮਾਜਰਾ, ਧਨੀ ਰਾਮ, ਤਿਰਲੋਕੀ ਰਾਮ, ਭਗਵੰਤ ਸਿੰਘ, ਮਹਿੰਦਰ ਸਿੰਘ ਮਿੰਦੀ, ਬਲਵਿੰਦਰ ਸਿੰਘ ਗੋਗੀ, ਗੁਰਦੀਪ ਸਿੰਘ ਭਾਗਨਪੁਰ ਵੀ ਹਾਜ਼ਰ ਸਨ |
