ਮੰਡੀ ਗੋਬਿੰਦਗੜ੍ਹ, 23 ਸਤੰਬਰ (ਇਕਬਾਲਦੀਪ ਸੰਧੂ)-ਜ਼ਿਲ੍ਹਾ ਪੱਧਰੀ ਸਕੂਲ ਖੇਡਾਂ 'ਚ ਗੋਬਿੰਦਗੜ੍ਹ ਪਬਲਿਕ ਸਕੂਲ ਦੇ ਵਿਦਿਆਰਥੀਆਂ ਨੇ ਪਾਵਰ ਲਿਫ਼ਟਿੰਗ ਮੁਕਾਬਲਿਆਂ 'ਚ ਪ੍ਰਦਰਸ਼ਨ ਕਰਦੇ ਹੋਏ ਤਗਮੇ ਹਾਸਲ ਕੀਤੇ | ਇਨ੍ਹਾਂ ਵਿਚ ਲੜਕੀਆਂ ਅੰਡਰ-17 ਸ਼੍ਰੇਣੀ ਵਿਚ ਗਿਆਨਰੀਤ ਦਸਵੀਂ ਜਮਾਤ ਨੇ ਸੋਨਾ ਜਿੱਤਿਆ, ਜਸਸਿਮਰਨ ਕੌਰ (ਛੇਵੀਂ) ਨੇ ਸੋਨੇ ਦਾ ਤਗਮਾ ਆਪਣੇ ਨਾਮ ਕੀਤਾ, ਜਦਕਿ ਭਵਦੀਪ ਕੌਰ (ਸੱਤਵੀਂ) ਨੇ ਚਾਂਦੀ ਜਿੱਤ ਕੇ ਮਾਣ ਵਧਾਇਆ | ਜਦਕਿ ਲੜਕੇ ਅੰਡਰ-17 ਵਿਚ ਰਿਸ਼ਿਕ ਖੁਰਾਨਾ (ਗਿਆਰ੍ਹਵੀਂ) ਨੇ ਸੋਨਾ ਜਿੱਤਿਆ ਤੇ ਚਿਰਾਗ ਨੇ ਕਾਂਸੀ ਤਗਮਾ ਹਾਸਲ ਕੀਤਾ | ਇਸੇ ਤਰ੍ਹਾਂ ਲੜਕੇ ਅੰਡਰ-19 ਵਿਚ ਆਯੂਸ਼ (ਗਿਆਰ੍ਹਵੀਂ) ਨੇ ਕਾਂਸੀ, ਵਿਓਮ ਨੇ ਚਾਂਦੀ ਅਤੇ ਹਰਤਾਬ (ਗਿਆਰ੍ਹਵੀਂ) ਨੇ ਵੀ ਚਾਂਦੀ ਦਾ ਤਗਮਾ ਜਿੱਤ ਕੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ | ਇਸ ਮੌਕੇ ਸਕੂਲ ਪਿ੍ੰਸੀਪਲ ਡਾ. ਨੀਰੂ ਅਰੋੜਾ ਨੇ ਜੇਤੂ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀਆਂ ਪ੍ਰਾਪਤੀਆਂ ਲਈ ਮੁਬਾਰਕਬਾਦ ਦਿੱਤੀ |
