ਜਾਡਲਾ, 8 ਦਸੰਬਰ (ਸੁਰਿੰਦਰ ਦੁੱਗਲ) - ਪਿੰਡ ਨਾਈ ਮਜਾਰਾ ਵਿਖੇ ਸਥਿਤ ਅੰਬੇਡਕਰ ਭਵਨ ਵਿਖੇ ਸੰਵਿਧਾਨ ਨਿਰਮਾਤਾ ਬਾਬਾ ਸਾਹਿਬ ਡਾ. ਭੀਮ ਰਾਓ ਅੰਬੇਡਕਰ ਦਾ ਪ੍ਰੀ ਨਿਰਵਾਣ ਦਿਵਸ ਸ਼ਰਧਾ ਨਾਲ ਮਨਾਇਆ ਗਿਆ | ਇਸ ਮੌਕੇ ਬਾਬਾ ਸਾਹਿਬ ਦੇ ਆਦਮ ਕੱਦ ਬੁੱਤ 'ਤੇ ਫੁੱਲ ਮਾਲਾਵਾਂ ਭੇਟ ਕਰਕੇ ਸ਼ਰਧਾਂਜਲੀ ਭੇਟ ਕੀਤੀ ਗਈ | ਇਸ ਮੌਕੇ ਡਾ. ਰਾਜ ਕੁਮਾਰ ਤੇ ਅਮਰੀਕ ਨਕਸ਼ਾ ਨਵੀਸ ਨੇ ਕਿਹਾ ਕਿ ਬਾਬਾ ਸਾਹਿਬ ਨੇ ਆਪਣਾ ਸਾਰਾ ਜੀਵਨ ਦੱਬੇ - ਕੁਚਲੇ ਲੋਕਾਂ ਦੇ ਜੀਵਨ ਨੂੰ ਸੁਧਾਰਨ 'ਚ ਲਗਾ ਦਿੱਤਾ | ਉਨ੍ਹਾਂ ਕਿਹਾ ਕਿ ਸਾਨੂੰ ਬਾਬਾ ਸਾਹਿਬ ਦੀਆਂ ਸਿੱਖਿਆਵਾਂ ਨੂੰ ਆਪਣੇ ਜੀਵਨ ਵਿੱਚ ਅਪਣਾਉਣ ਦੀ ਲੋੜ ਹੈ | ਇਸ ਮੌਕੇ ਡਾ. ਰਾਜਨ ਨਾਈਮਜਾਰਾ, ਅਮਰੀਕ ਨਕਸ਼ਾ ਨਵੀਸ, ਪਰਮਜੀਤ ਸਾਬਕਾ ਸਰਪੰਚ, ਬਲਵਿੰਦਰ ਕੁਮਾਰ ਪੰਚ, ਨਛੱਤਰ ਕੌਰ ਪੰਚ, ਚਰਨ ਕੌਰ ਸਾਬਕਾ ਪੰਚ, ਰਾਮਜੀ ਦਾਸ, ਸੋਢੀ ਸਿੰਘ, ਦੇਵ ਰਾਜ, ਬਿੱਟੂ, ਲਾਲੀ ਅਮਰੀਕਾ, ਦੇਸ ਰਾਜ, ਓਮ ਪ੍ਰਕਾਸ਼ ਚੰਦਰ ਭਾਨ ਆਦਿ ਹਾਜ਼ਰ ਸਨ |