ਪੱਖੋਵਾਲ-ਸਰਾਭਾ, 22 ਨਵੰਬਰ (ਖੁਸ਼ਵਿੰਦਰ ਸਿੰਘ ਸਰਾਭਾ)-ਆਂਗਨਵਾੜੀ ਮੁਲਾਜ਼ਮ ਯੂਨੀਅਨ ਪੰਜਾਬ (ਸੀਟੂ) ਦੀ ਸਰਕਲ ਪੱਖੋਵਾਲ ਦੀ ਅਹਿਮ ਮੀਟਿੰਗ ਅੱਜ ਬਲਾਕ ਪ੍ਰਧਾਨ ਚਰਨਜੀਤ ਕੌਰ ਦੀ ਅਗਵਾਈ ਹੇਠ ਹੋਈ | ਇਸ ਮੌਕੇ ਸ੍ਰੀਮਤੀ ਸੁਭਾਸ਼ ਰਾਣੀ ਸੂਬਾ ਜਰਨਲ ਸਕੱਤਰ, ਜ਼ਿਲ੍ਹਾ ਪ੍ਰਧਾਨ ਸੁਰਜੀਤ ਕੌਰ ਉੱਚੇਚੇ ਤੌਰ 'ਤੇ ਪੁੱਜੇ | ਇਸ ਮੌਕੇ ਸੁਭਾਸ਼ ਰਾਣੀ ਨੇ ਇਕੱਤਰ ਸਮੂਹ ਆਂਗਨਵਾੜੀ ਵਰਕਰਾਂ ਨੂੰ ਸੰਬੋਧਨ ਕਰਦਿਆ ਕਿਹਾ ਕਿ ਆਂਗਨਵਾੜੀ ਮੁਲਾਜ਼ਮ ਯੂਨੀਅਨ ਪੰਜਾਬ ਹਮੇਸ਼ਾਂ ਹੀ ਆਂਗਨਵਾੜੀ ਵਰਕਰਾਂ ਦੀਆ ਦਰਪੇਸ਼ ਸਮੱਸਿਆਵਾਂ ਦੇ ਹੱਲ ਲਈ ਸੰਘਰਸ਼ੀਲ ਹੈ ਤੇ ਕੇਂਦਰ ਸਰਕਾਰ ਅਤੇ ਸੂਬਾ ਸਰਕਾਰ ਤੋਂ ਜਥੇਬੰਦੀਆਂ ਦੀਆਂ ਸਮੁੱਚੀਆਂ ਮੰਗਾਂ ਮੰਨਵਾਉਣ ਲਈ ਹਮੇਸ਼ਾਂ ਚਾਰਾਜੋਈ ਕਰਦੀ ਰਹੇਗੀ | ਮੀਟਿੰਗ ਦੌਰਾਨ ਸਰਬਸੰਮਤੀ ਨਾਲ ਚਰਨਜੀਤ ਕੌਰ ਲਲਤੋਂ ਖੁਰਦ ਨੂੰ ਮੁੜ ਪ੍ਰਧਾਨ ਚੁਣਿਆ ਗਿਆ ਜਦਕਿ ਪਰਮਜੀਤ ਕੌਰ ਨੂੰ ਜਰਨਲ ਸਕੱਤਰ, ਸੁਰਿੰਦਰ ਕੌਰ ਨੂੰ ਖ਼ਜ਼ਾਨਚੀ, ਦਲਬੀਰ ਕੌਰ ਮਹਿਮਾ ਸਿੰਘ ਵਾਲਾ ਨੂੰ ਸਹਾਇਕ ਖਜ਼ਾਨਚੀ, ਜਸਵੀਰ ਕੌਰ ਬ੍ਰਹਮਪੁਰ ਨੂੰ ਜੁਆਇੰਟ ਸਕੱਤਰ, ਮਨਜੀਤ ਕੌਰ, ਸਵਰਨ ਕੌਰ, ਰਮਨਦੀਪ ਕੌਰ ਨੂੰ ਸੀਨੀਅਰ ਮੀਤ ਪ੍ਰਧਾਨ, ਇੰਦਰਜੀਤ ਕੌਰ, ਰਮਨਪ੍ਰੀਤ ਕੌਰ, ਸੁਖਦੇਵ ਕੌਰ, ਮਾਇਆ ਕੌਰ ਪੱਖੋਵਾਲ, ਪ੍ਰਮਜੀਤ ਕੌਰ ਜੰਡ, ਜਸਪ੍ਰੀਤ ਕੌਰ ਸਰਾਭਾ, ਕਮਲਜੀਤ ਕੌਰ ਭੈਣੀ ਰੋੜਾਂ ਨੂੰ ਕਾਰਜਕਾਰੀ ਮੈਂਬਰ ਨਿਯੁਕਤ ਕੀਤਾ ਗਿਆ | ਅੰਤ 'ਚ ਜ਼ਿਲ੍ਹਾ ਪ੍ਰਧਾਨ ਸੁਰਜੀਤ ਕੌਰ ਨੇ ਨਵੀਂ ਚੁਣੀ ਟੀਮ ਨੂੰ ਵਧਾਈ ਦਿੰਦਿਆਂ ਆਸ ਪ੍ਰਗਟ ਕੀਤੀ ਕਿ ਸਮੁੱਚੀ ਨਵੀਂ ਚੁਣੀ ਟੀਮ ਹਮੇਸ਼ਾ ਇਕਮੁੱਠ ਹੋ ਕੇ ਜਥੇਬੰਦੀ ਦੀ ਚੜ੍ਹਦੀ ਕਲਾ ਤੇ ਸਮੂਹ ਵਰਕਰਾਂ ਦੀ ਭਲਾਈ ਲਈ ਕੰਮ ਕਰਨਗੇ |
