ਕੋਟਫ਼ਤੂਹੀ, 28 ਦਸੰਬਰ (ਅਟਵਾਲ)-ਸਥਾਨਕ ਚਰਚ ਆਫ਼ ਕ੍ਰਾਈਸਟ ਵਿਖੇ ਕਿ੍ਸਮਸ ਦਾ ਤਿਉਹਾਰ ਮੁੱਖ ਪ੍ਰਬੰਧਕ ਪਾਸਟਰ ਰਾਜ ਮੱਲ ਅਤੇ ਪਾਸਟਰ ਗੀਤਾ ਦੀ ਅਗਵਾਈ ਵਿਚ ਸ਼ਰਧਾ ਉਤਸ਼ਾਹ ਅਤੇ ਆਪਸੀ ਭਾਈਚਾਰੇ ਨਾਲ ਮਨਾਇਆ ਗਿਆ | ਇਸ ਮੌਕੇ ਸਤਿਸੰਗ ਦੀ ਸ਼ੁਰੂਆਤ ਪ੍ਰਭੂ ਯਿਸੂ ਮਸੀਹ ਦੀ ਪ੍ਰਾਰਥਨਾ ਨਾਲ ਕੀਤੀ, ਗਈ ਉਪਰੰਤ ਪਾਸਟਰ ਰਾਜ ਮੱਲ ਨੇ ਪ੍ਰਭੂ ਯਿਸੂ ਮਸੀਹ ਜੀ ਦੀਆਂ ਸਿੱਖਿਆਵਾਂ ਦਾ ਗੁਣਗਾਨ ਬਾਈਬਲ ਪੜ੍ਹ ਕੇ ਕੀਤਾ | ਸਟੇਜ ਸੰਚਾਲਨ ਦੀ ਭੂਮਿਕਾ ਪਾਸਟਰ ਗੀਤਾ ਤੇ ਪਾਸਟਰ ਰਾਜ ਮੱਲ ਨੇ ਬਾਖ਼ੂਬੀ ਕੀਤਾ | ਇਸ ਮੌਕੇ ਪ੍ਰਬੰਧਕਾਂ ਵੱਲੋਂ ਪ੍ਰਮੁੱਖ ਸ਼ਖ਼ਸੀਅਤਾਂ ਨੂੰ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਓਮ ਬਹਾਦਰ, ਭਾਗ ਮੱਲ, ਜਸਵੀਰ ਸਿੰਘ, ਬਲਵੀਰ ਸਿੰਘ ਭਗਤੂਪੁਰ , ਜੱਗਾ, ਬਿੱਲਾ, ਕੁੰਦਨ ਸਿੰਘ ਸਿੱਧੂ, ਗਾਇਕ ਕਲਾਕਾਰ ਜੀ. ਸਿੱਧੂ, ਨੰਬਰਦਾਰ ਕੁਲਵਰਨ ਸਿੰਘ ਸਿੱਧੂ, ਪਰਵੀਨ, ਸੁਰਿੰਦਰ ਪਾਲ, ਗੁਲਸ਼ਨ, ਪਰਵੀਨ, ਕੁਲਵਿੰਦਰ ਕੌਰ, ਦੀਪਕਾ, ਲਾਡੀ ਆਦਿ ਹਾਜ਼ਰ ਸਨ |
