ਸ਼੍ਰੀਹਰੀਕੋਟਾ (ਆਂਧਰਾ ਪ੍ਰਦੇਸ਼), 1 ਨਵੰਬਰ (ਪੀ. ਟੀ. ਆਈ.)-ਇਸਰੋ ਐਤਵਾਰ ਨੂੰ ਆਪਣੇ 4,000 ਕਿਲੋਗ੍ਰਾਮ ਵਰਗ ਦੇ ਸੰਚਾਰ ਉਪਗ੍ਰਹਿ ਸੀ.ਐਮ.ਐਸ.-03 ਨੂੰ ਲਾਂਚ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ | 4,410 ਕਿਲੋਗ੍ਰਾਮ ਭਾਰ ਵਾਲਾ ਇਹ ਉਪਗ੍ਰਹਿ ਭਾਰਤੀ ਧਰਤੀ ਤੋਂ ਲਾਂਚ ਕੀਤਾ ਜਾਣ ਵਾਲਾ ਹੁਣ ਤੱਕ ਦਾ ਸਭ ਤੋਂ ਭਾਰੀ ਉਪਗ੍ਰਹਿ ਹੋਵੇਗਾ | ਇਸ ਉਪਗ੍ਰਹਿ ਨੂੰ ਐਲ.ਵੀ.ਐਮ.3-ਐਮ5 ਰਾਕੇਟ 'ਤੇ ਪੁਲਾੜ 'ਚ ਭੇਜਿਆ ਜਾਵੇਗਾ, ਜਿਸ ਨੂੰ ਇਸ ਦੀ ਪੇਲੋਡ ਸਮਰੱਥਾ ਕਾਰਨ 'ਬਾਹੂਬਲੀ' ਕਿਹਾ ਜਾਂਦਾ ਹੈ | ਇਸਰੋ ਅਨੁਸਾਰ ਲਾਂਚ ਵਾਹਨ ਨੂੰ ਪੂਰੀ ਤਰ੍ਹਾਂ ਇਕੱਠਾ ਕੀਤਾ ਗਿਆ ਹੈ ਤੇ ਪੁਲਾੜ ਯਾਨ ਨਾਲ ਜੋੜਿਆ ਗਿਆ ਹੈ ਤੇ ਪ੍ਰੀ-ਲਾਂਚ ਤਿਆਰੀਆਂ ਲਈ ਦੂਜੇ ਲਾਂਚ ਪੈਡ 'ਚ ਤਬਦੀਲ ਕਰ ਦਿੱਤਾ ਗਿਆ ਹੈ |
