ਐਮਸੀਡੀ ਵਲੋਂ ਸੱਤਿਆ ਨਿਕੇਤਨ ਵਿਚ ਢਹਿ ਗਈ ਇਮਾਰਤ ਦੇ ਨਾਲ ਲੱਗਦੀ ਇਮਾਰਤ ਨੂੰ ਨਿਯੰਤਰਿਤ ਢੰਗ ਨਾਲ ਢਾਹੁਣ ਦਾ ਕੰਮ ਮੁੜ ਸ਼ੁਰੂ

ਨਵੀਂ ਦਿੱਲੀ, 10 ਸਤੰਬਰ - ਐਮਸੀਡੀ ਨੇ 6 ਸਤੰਬਰ ਨੂੰ ਸੱਤਿਆ ਨਿਕੇਤਨ ਵਿਚ ਢਹਿ ਗਈ ਇਮਾਰਤ ਦੇ ਨਾਲ ਲੱਗਦੀ ਇਮਾਰਤ ਨੂੰ ਨਿਯੰਤਰਿਤ ਢੰਗ ਨਾਲ ਢਾਹੁਣ ਦਾ ਕੰਮ ਮੁੜ ਸ਼ੁਰੂ ਕਰ ਦਿੱਤਾ ਹੈ। ਸਾਈਟ 'ਤੇ ਧੂੜ ਘਟਾਉਣ ਦੇ ਉਪਾਅ ਵੀ ਕੀਤੇ ਜਾ ਰਹੇ ਹਨ। ਦੱਸ ਦਈਏ ਕਿ 6 ਸਤੰਬਰ ਨੂੰ ਦਿੱਲੀ ਦੇ ਸੱਤਿਆ ਨਿਕੇਤਨ ਵਿਖੇ ਇਮਾਰਤ ਢਹਿਣ ਤੋਂ ਬਾਅਦ, ਪ੍ਰਸ਼ਾਸਨ ਨੇ ਨੇੜਲੀਆਂ ਕਮਜ਼ੋਰ ਇਮਾਰਤਾਂ 'ਤੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਢਹਿ ਗਈ ਇਮਾਰਤ ਦੇ ਨਾਲ ਲੱਗਦੀ ਇਕ ਇਮਾਰਤ ਨੂੰ ਕਮਜ਼ੋਰ ਪਾਏ ਜਾਣ ਤੋਂ ਬਾਅਦ ਢਾਹੁਣ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ। ਐਮਸੀਡੀ ਦੇ ਅਨੁਸਾਰ, ਢਾਹੁਣ ਦਾ ਕੰਮ ਨਿਯੰਤਰਿਤ ਤਰੀਕੇ ਨਾਲ ਕੀਤਾ ਜਾ ਰਿਹਾ ਹੈ। 09 ਸਤੰਬਰ, 2026 ਨੂੰ, ਦਿੱਲੀ ਨਗਰ ਨਿਗਮ (ਐਮਸੀਡੀ) ਨੇ ਦਿੱਲੀ ਦੇ ਸਾਰੇ 12 ਜ਼ੋਨਾਂ ਵਿਚ ਅਣਅਧਿਕਾਰਤ ਉਸਾਰੀ, ਜਾਇਦਾਦਾਂ ਦੀ ਗੈਰ-ਕਾਨੂੰਨੀ ਦੁਰਵਰਤੋਂ ਅਤੇ ਢਾਂਚਾਗਤ ਤੌਰ 'ਤੇ ਅਸੁਰੱਖਿਅਤ ਇਮਾਰਤਾਂ ਵਿਰੁੱਧ ਇਕ ਮੁਹਿੰਮ ਚਲਾਈ ਹੈ।