ਸ਼ਾਤਿਰ ਔਰਤ ਹੋਟਲ ਤੇ ਟੈਕਸੀ ਚਾਲਕ ਨੂੰ ਹਜ਼ਾਰਾਂ ਰੁਪਏ ਦਾ ਚੂਨਾ ਲਗਾ ਕੇ ਫ਼ਰਾਰ
ਫਗਵਾੜਾ, 8 ਅਕਤੂਬਰ (ਹਰਜੋਤ ਸਿੰਘ ਚਾਨਾ)-ਇਥੋਂ ਦੇ ਹੁਸ਼ਿਆਰਪੁਰ ਰੋਡ ਸਥਿਤ ਇੱਕ ਹੋਟਲ ‘ਚ ਇੱਕ ਠੱਗੀ ਦਾ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ ਇੱਕ ਔਰਤ ਹੋਟਲ ਤੇ ਟੈਕਸੀ ਚਾਲਕ ਨੂੰ ਹਜ਼ਾਰਾਂ ਰੁਪਏ ਦਾ ਚੂਨਾ ਲਗਾ ਕੇ ਫ਼ਰਾਰ ਹੋ ਗਈ | ਦਿਆਲ ਰਿਸੋਰਟ ਦੇ ਮਾਲਕ ਰਣਜੀਤ ਸਿੰਘ ਨੇ ਦੱਸਿਆ ਕਿ ਇੱਕ ਅ Ï ਰਤ ਨੇ ਆਨਲਾਈਨ ਹੋਟਲ ਦਾ ਕਮਰਾ ਬੁੱਕ ਕਰਵਾਇਆ ਤੇ ਟੈਕਸੀ ਰਾਹੀਂ ਹੋਟਲ ਪਹੁੰਚੀ | ਉਸ ਨੇ ਆਪਣਾ ਆਧਾਰ ਕਾਰਡ ਵੀ ਦਿੱਤਾ | ਆਧਾਰ ਕਾਰਡ ਮੁਤਾਬਿਕ ਉਹ ਡਿਬਰੂਗੜ੍ਹ ਜ਼ਿਲ੍ਹੇ ਦੀ ਵਸਨੀਕ ਹੈ ਤੇ ਉਸ ਨੇ ਆਪਣੇ ਆਪ ਨੂੰ ਕੇਂਦਰ ਸਰਕਾਰ ਦੀ ਮੁਲਾਜ਼ਮ ਦੱਸਿਆ | ਹੋਟਲ ਮਾਲਕ ਅਨੁਸਾਰ ਅ Ï ਰਤ ਨੇ ਹੋਟਲ ‘ਚ ਆਪਣੀ ਮਰਜ਼ੀ ਮੁਤਾਬਿਕ ਖਾਣਾ ਖਾਧਾ ਤੇ ਟੈਕਸੀ ਕਰਕੇ ਬਾਜ਼ਾਰ ਤੇ ਹੋਰ ਥਾਵਾਂ ‘ਤੇ ਜਾਂਦੀ ਰਹੀ | ਜਦੋਂ ਹੋਟਲ ਪ੍ਰਬੰਧਕਾਂ ਨੇ ਕਿਰਾਇਆ ਮੰਗਿਆ ਤਾਂ ਉਹ ਵਾਰ-ਵਾਰ ਕਹਿੰਦੀ ਰਹੀ ਕਿ ਪੈਸਿਆਂ ਦੀ ਕੋਈ ਸਮੱਸਿਆ ਨਹੀਂ ਹੈ ਤੇ ਉਸ ਨੇ ਲੰਮਾ ਸਮਾਂ ਹੋਟਲ ‘ਚ ਰਹਿਣਾ ਹੈ | ਉਸ ਨੇ 8 ਅਕਤੂਬਰ ਨੂੰ ਹੋਟਲ ‘ਚ ਪਾਰਟੀ ਕਰਨ ਦੀ ਗੱਲ ਵੀ ਕਹੀ | ਉਨ੍ਹਾਂ ਦੱਸਿਆ ਕਿ 7 ਅਕਤੂਬਰ ਨੂੰ ਪਾਰਟੀ ਦੀ ਤਿਆਰੀ ਕਰ ਲਈ ਗਈ ਪਰ ਬਾਅਦ ‘ਚ ਅ Ï ਰਤ ਨੇ ਫ਼ੋਨ ਚੁੱਕਣਾ ਬੰਦ ਕਰ ਦਿੱਤਾ | ਸ਼ੱਕ ਹੋਣ ‘ਤੇ ਕਮਰਾ ਚੈੱਕ ਕੀਤਾ ਗਿਆ ਤਾਂ ਉਹ ਗ਼ਾਇਬ ਸੀ | ਹੋਟਲ ਪ੍ਰਬੰਧਕਾਂ ਨੇ ਥਾਣਾ ਸਦਰ ਪੁਲਿਸ ਨੂੰ ਸ਼ਿਕਾਇਤ ਦੇ ਕੇ ਕਾਰਵਾਈ ਦੀ ਮੰਗ ਕੀਤੀ ਹੈ |
