ਭਗਵਾਨ ਵਾਲਮੀਕਿ ਪ੍ਰਗਟ ਉਤਸਵ ਸਬੰਧੀ ਪਹਿਲੀ ਅਹਿਮ ਮੀਟਿੰਗ

ਸੁਲਤਾਨਪੁਰ ਲੋਧੀ, 23 ਸਤੰਬਰ (ਨਰੇਸ਼ ਹੈਪੀ)-ਭਗਵਾਨ ਵਾਲਮੀਕਿ ਵੈੱਲਫੇਅਰ ਸੁਸਾਇਟੀ, ਵਾਲਮੀਕਿ ਚੌਕ, ਸੁਲਤਾਨਪੁਰ ਲੋਧੀ ਵਲੋਂ ਇੱਕ ਵਿਸ਼ੇਸ਼ ਮੀਟਿੰਗ ਭਗਵਾਨ ਵਾਲਮੀਕਿ ਪ੍ਰਗਟ ਉਤਸਵ ਸਬੰਧੀ ਕੀਤੀ ਗਈ ਜਿਸ ਵਿਚ ਸੁਸਾਇਟੀ ਦੇ ਸਮੂਹ ਮੈਂਬਰਾਂ ਵੱਲੋਂ ਹਾਜ਼ਰੀ ਦਿੱਤੀ ਗਈ | ਪ੍ਰਧਾਨ ਮਾਸਟਰ ਮੋਹਨ ਲਾਲ ਚੌਹਾਨ ਵੱਲੋਂ ਸਮੂਹ ਮੈਂਬਰਾਂ ਨਾਲ ਜਾਣਕਾਰੀ ਸਾਂਝੀ ਕੀਤੀ ਗਈ ਕਿ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਭਗਵਾਨ ਵਾਲਮੀਕ ਜੀ ਦਾ ਪ੍ਰਗਟ ਉਤਸਵ ਭਗਵਾਨ ਵਾਲਮੀਕ ਚੌਕ, ਸੁਲਤਾਨਪੁਰ ਲੋਧੀ ਵਿਖੇ 26 ਅਕਤੂਬਰ ਨੂੰ ਬੜੀ ਧੂਮ ਧਾਮ ਨਾਲ ਮਨਾਇਆ ਜਾ ਰਿਹਾ ਹੈ | ਉਨ੍ਹਾਂ ਦੱਸਿਆ ਕਿ 26 ਅਕਤੂਬਰ ਨੂੰ ਸਾਰਾ ਦਿਨ ਸੰਗਤਾਂ ਨੂੰ ਲੰਗਰ ਛਕਾਇਆ ਜਾਵੇਗਾ ਅਤੇ ਸ਼ਾਮ ਨੂੰ ਧਾਰਮਿਕ ਸਮਾਗਮ ਕਰਵਾਇਆ ਜਾਵੇਗਾ | ਉਪਰੰਤ ਰਾਤ ਨੂੰ ਦੀਪਮਾਲਾ ਆਤਿਸ਼ਬਾਜ਼ੀ ਦੇਖਣਯੋਗ ਹੋਵੇਗੀ | ਸਮਾਗਮ ਵਿਚ ਸਮਾਜ ਦੀਆਂ ਕਈ ਸਤਿਕਾਰਯੋਗ ਸ਼ਖ਼ਸੀਅਤਾਂ ਵੱਲੋਂ ਸ਼ਿਰਕਤ ਕੀਤੀ ਜਾਵੇਗੀ | ਮੀਟਿੰਗ ਦੌਰਾਨ ਮਾਸਟਰ ਮੋਹਨ ਲਾਲ, ਵਿੱਕੀ ਚੌਹਾਨ ਸਾਬਕਾ ਕੌਂਸਲਰ, ਬਿੱਕਰ ਮੱਟੂ, ਸੰਨੀ ਸਹੋਤਾ, ਸੁਭਾਸ਼ ਲਹੋਰਾ, ਸੰਨੀ ਮੱਟੂ, ਸਲੀਮ ਲਹੋਰਾ, ਸੁਮਿਤ ਲਹੋਰਾ, ਐਡਵੋਕੇਟ ਮਨਦੀਪ ਸੰਗਰ, ਐਡਵੋਕੇਟ ਰਾਹੁਲ ਮੱਟੂ, ਇੰਜ: ਮਾਨਵ ਚੌਹਾਨ, ਰਜਨੀਸ਼ ਮੱਟੂ, ਹਰਸ਼ ਲਹੋਰਾ, ਨੈਤਿਕ ਚੌਹਾਨ, ਜਤਿਨ ਮੱਟੂ, ਸੰਯਮ ਸਹੋਤਾ ਤੇ ਰਾਜ ਕੁਮਾਰੀ, ਰਾਜ ਰਾਣੀ, ਪ੍ਰਵੀਨ ਚੌਹਾਨ ਸਾਬਕਾ ਕੌਂਸਲਰ, ਕੰਚਨ ਸਹੋਤਾ, ਵੰਦਨਾ ਮੱਟੂ, ਰਜਨੀ ਲਹੋਰਾ, ਬਲਜਿੰਦਰ ਲਹੋਰਾ, ਮਿਸ ਰਵਨੀਤ ਮੱਟੂ, ਬਲਵਿੰਦਰ ਕੁਮਾਰ ਚੌਹਾਨ ਆਦਿ ਵੀ ਹਾਜ਼ਰ ਸਨ |