ਇਮਾਨਦਾਰੀ ਅਜੇ ਜ਼ਿੰਦਾ ਹੈ

ਨਡਾਲਾ, 23 ਅਗਸਤ (ਰਘਬਿੰਦਰ ਸਿੰਘ)-ਨਡਾਲਾ ਵਿਖੇ ਇਮਾਨਦਾਰੀ ਦੀ ਇੱਕ ਮਿਸਾਲ ਉਸ ਸਮੇਂ ਦੇਖਣ ਨੂੰ ਮਿਲੀ, ਜਦੋਂ ਬਲਜਿੰਦਰ ਸਿੰਘ ਲਾਡੀ ਦਾ ਪਰਸ ਗੁੰਮ ਹੋ ਗਿਆ | ਇਹ ਪਰਸ ਸਥਾਨਕ ਨਡਾਲਾ ਵਿਖੇ ਇੱਕ ਬੈਂਕ ਵਿਚ ਸਿਕਿਉਰਿਟੀ ਗਾਰਡ ਵਜੋਂ ਸੇਵਾਵਾਂ ਨਿਭਾ ਰਹੇ ਭੁਪਿੰਦਰ ਜੀਤ ਨੂੰ ਮਿਲਿਆ |ਭੁਪਿੰਦਰ ਜੀਤ ਨੇ ਪਰਸ ਵਿਚ ਮੌਜੂਦ ਦਸਤਾਵੇਜ਼ਾਂ ਦੇ ਆਧਾਰ ‘ਤੇ ਉਸ ਦੇ ਅਸਲ ਮਾਲਕ ਦੀ ਪਹਿਚਾਣ ਕੀਤੀ ਤੇ ਬਿਨਾਂ ਕਿਸੇ ਲਾਲਚ ਦੇ ਪਰਸ ਬਲਜਿੰਦਰ ਸਿੰਘ ਲਾਡੀ ਨੂੰ ਵਾਪਸ ਸੌਂਪ ਦਿੱਤਾ | ਇਸ ਉਪਰਾਲੇ ਨਾਲ ਜਿੱਥੇ ਬਲਜਿੰਦਰ ਸਿੰਘ ਲਾਡੀ ਨੇ ਰਾਹਤ ਮਹਿਸੂਸ ਕੀਤੀ, ਉੱਥੇ ਹੀ ਭੁਪਿੰਦਰ ਜੀਤ ਦੀ ਇਮਾਨਦਾਰੀ ਦੀ ਵੀ ਸ਼ਲਾਘਾ ਕੀਤੀ ਗਈ | ਇਸ ਮੌਕੇ ਸੰਦੀਪ ਕੁਮਾਰ ਲੈਬਾਰਟਰੀ ਵਾਲਿਆਂ ਨੇ ਭੁਪਿੰਦਰ ਜੀਤ ਵੱਲੋਂ ਦਿਖਾਈ ਗਈ ਇਮਾਨਦਾਰੀ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਕਿ ਅੱਜ ਦੇ ਸਮੇਂ ਵਿਚ ਅਜਿਹੀਆਂ ਘਟਨਾਵਾਂ ਸਮਾਜ ਲਈ ਇਕ ਚੰਗੀ ਮਿਸਾਲ ਹਨ |