ਖ਼ੂਨ ਦੀ ਇਕ-ਇਕ ਬੂੰਦ ਨਾਲ ਕਿਸੇ ਲੋੜਵੰਦ ਮਰੀਜ਼ ਦੀ ਕੀਮਤੀ ਜਾਨ ਬਚਾਈ ਜਾ ਸਕਦੀ ਹੈ-ਗੁਰਦਾਵਰ ਸਿੰਘ ਜੱਲੋਵਾਲ

ਕਾਲਾ ਸੰਘਿਆਂ, 23 ਅਗਸਤ (ਬਲਜੀਤ ਸਿੰਘ ਸੰਘਾ)-ਰੋਜ਼ਾਨਾ ‘ਅਜੀਤ’ ਦੇ ਮੁੱਖ ਸੰਪਾਦਕ ਡਾ. ਬਰਜਿੰਦਰ ਸਿੰਘ ਹਮਦਰਦ ਦੇ ਜਨਮ ਦਿਨ ’ਤੇ ਕਪੂਰਥਲਾ ਵਿਖੇ ਲਗਾਏ ਖ਼ੂਨਦਾਨ ਕੈਂਪ ਦੌਰਾਨ ਹਰ ਵਰੇ੍ ਖ਼ੂਨਦਾਨ ਕਰਨ ਵਾਲੇ ਗੁਰੂ ਕਾ ਲੰਗਰ ਟੀਮ ਦੇ ਆਗੂ ਗਿਆਨੀ ਗੁਰਦਾਵਰ ਸਿੰਘ ਜੱਲੋਵਾਲ ਨੇ ਕਿਹਾ ਕਿ ਖ਼ੂਨ ਦਾਨ ਮਹਾਂਦਾਨ ਹੈ ਜੋ ਕਿ ਅਨਮੋਲ ਜ਼ਿੰਦਗੀਆਂ ਬਚਾਉਂਦਾ ਹੈ | ਸਾਡੇ ਵਲੋਂ ਦਾਨ ਵਿਚ ਦਿੱਤੀ ਖ਼ੂਨ ਦੀ ਇੱਕ-ਇੱਕ ਬੂੰਦ ਨਾਲ ਕਿਸੇ ਲੋੜਵੰਦ ਮਰੀਜ਼ ਦੀ ਕੀਮਤੀ ਜਾਨ ਬਚਾਈ ਜਾ ਸਕਦੀ ਹੈ | ਜ਼ਿਲ੍ਹਾ ਇੰਚਾਰਜ ਅਮਰਜੀਤ ਕੋਮਲ ਵਲੋਂ ਸਭ ਡੋਨਰਾਂ ਦਾ ਧੰਨਵਾਦ ਕੀਤਾ ਗਿਆ | ਇਸ ਮੌਕੇ ਫ਼ਰਜ਼ ਸੇਵਾ ਸੁਸਾਇਟੀ ਦੇ ਆਗੂ ਗੁਰਦਾਵਰ ਸਿੰਘ ਬੱਸਣ, ਜਸਕਰਨ ਸਿੰਘ ਗੋਬਿੰਦਪੁਰ, ਬਲਵੰਤ ਸਿੰਘ ਕੇਸਰਪੁਰ, ਰੇਸ਼ਮ ਸਿੰਘ ਫ਼ੌਜੀ, ਇੰਦਰਜੀਤ ਸਿੰਘ ਸਿੱਧੂ ਨੇ ਵੀ ਖ਼ੂਨਦਾਨ ਕੀਤਾ |