ਨਡਾਲਾ, 13 ਅਪ੍ਰੈਲ (ਰਘਬਿੰਦਰ ਸਿੰਘ)-ਲੱਖਣ ਕੇ ਪੱਡੇ ਅਨਾਜ ਮੰਡੀ 'ਚ ਪੁਖ਼ਤਾ ਪ੍ਰਬੰਧ ਨਾ ਹੋਣ ਕਾਰਨ ਆੜ੍ਹਤੀ ਪ੍ਰੇਸ਼ਾਨ ਹਨ | ਇਸ ਸੰਬੰਧੀ ਆੜ੍ਹਤੀ ਸੋਹਣ ਸਿੰਘ ਪੱਡਾ, ਅਮਰੀਕ ਸਿੰਘ ਬਰਾੜ, ਕੁਲਦੀਪ ਸਿੰਘ ਬਿੱਟੂ, ਰਾਜਵੀਰ ਸਿੰਘ ਬਾਮੂਵਾਲ, ਕਰਨੈਲ ਸਿੰਘ ਸਾਬਕਾ ਸਰਪੰਚ, ਹੈਪੀ ਆੜ੍ਹਤੀ, ਮੰਗਲ ਸਿੰਘ ਸ਼ਾਹ, ਸਤਪਾਲ ਸਿੰਘ ਭੁੱਲਰ ਤੇ ਹੋਰਾਂ ਨੇ ਆਖਿਆ ਕਿ ਮੰਡੀ ਵਿਚ ਕਣਕ ਦੇ ਅੰਬਾਰ ਲੱਗੇ ਹੋਏ ਹਨ, ਮੰਡੀ ਵਿਚ ਤਕਰੀਬਨ 10-15 ਹਜ਼ਾਰ ਬੋਰੀ ਕਣਕ ਦੀ ਆ ਚੁੱਕੀ ਹੈ ਪਰ ਨਾ ਹੀ ਮੰਡੀ ਵਿਚ ਬਾਰਦਾਨਾ ਆਇਆ ਹੈ ਤੇ ਨਾ ਹੀ ਇੰਸਪੈਕਟਰ ਆਇਆ ਹੈ, ਇਸ ਤੋਂ ਇਲਾਵਾ ਨਾ ਬਿਜਲੀ ਤੇ ਪਾਣੀ ਦਾ ਪ੍ਰਬੰਧ ਹੈ | ਇਸ ਸੰਬੰਧੀ ਉਨ੍ਹਾਂ ਸਰਕਾਰ ਤੇ ਸੰਬੰਧਿਤ ਵਿਭਾਗਾਂ ਤੋਂ ਮੰਗ ਕੀਤੀ ਹੈ ਕਿ ਮੰਡੀ 'ਚ ਤੁਰੰਤ ਯੋਗ ਪ੍ਰਬੰਧ ਕੀਤੇ ਜਾਣ |
