21-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 24-02-2026

ਰਾਣਾ ਗੁਰਜੀਤ ਸਿੰਘ ਵਲੋਂ ਨਵੀਂ ਫ਼ਸਲ 'ਕਸਾਵਾ' ਦੀ ਸ਼ੁਰੂਆਤ

ਅਜੀਤ ਡੈਸਕ 24-02-2026
ਮਲਸੀਆਂ, 23 ਫਰਵਰੀ (ਦਲਜੀਤ ਸਿੰਘ ਸਚਦੇਵਾ)- ਪੰਜਾਬ ਵਿਚ ਲਗਾਤਾਰ ਡਿੱਗ ਰਹੇ ਪਾਣੀ ਦੇ ਪੱਧਰ ਤੇ ਕਿਸਾਨਾਂ ਨੂੰ ਰਵਾਇਤੀ ਫ਼ਸਲ ਚੱਕਰ (ਕਣਕ-ਝੋਨੇ) 'ਚੋਂ ਬਾਹਰ ਕੱਢਣ ਲਈ ਪੰਜਾਬ ਦੇ ਸਾਬਕਾ ਕੈਬਨਿਟ ਮੰਤਰੀ ਤੇ ਹਲਕਾ ਕਪੂਰਥਲਾ ਦੇ ਵਿਧਾਇਕ ਰਾਣਾ ਗੁਰਜੀਤ ਸਿੰਘ ਵਲੋਂ ਵੱਡੀ ਪਹਿਲਕਦਮੀ ਕੀਤੀ ਗਈ ਹੈ | ਅੱਜ ਰਾਣਾ ਗੁਰਜੀਤ ਸਿੰਘ ਵਲੋਂ ਨਵੀਂ ਸੋਚ, ਨਵਾਂ ਪੰਜਾਬ ਮੁਹਿੰਮ ਤਹਿਤ ਪੰਜਾਬ ਨੂੰ ਪਾਣੀ ਦੇ ਸੰਕਟ ਤੋਂ ਬਚਾਉਣ ਲਈ ਸੂਬੇ 'ਚ ਨਵੀਂ ਫ਼ਸਲ 'ਕਸਾਵਾ' ਦੀ ਸ਼ੁਰੂਆਤ ਕਰਕੇ ਇਕ ਬਦਲਵੀਂ ਫ਼ਸਲ ਵਜੋਂ ਪੇਸ਼ ਕੀਤਾ ਗਿਆ | ਇਸ ਸੰਬੰਧੀ ਮਲਸੀਆਂ ਦੇ ਸਾਹਲਾ ਨਗਰ ਵਿਖੇ ਸ਼ਾਹਕੋਟ ਹਲਕੇ ਦੇ ਵਿਧਾਇਕ ਹਰਦੇਵ ਸਿੰਘ ਲਾਡੀ ਸ਼ੇਰੋਵਾਲੀਆ ਦੇ ਖੇਤਾਂ 'ਚ ਇਕ ਸਮਾਗਮ ਕਰਵਾਇਆ ਗਿਆ | ਇਸ ਮੌਕੇ ਹਲਕਾ ਸੁਲਤਾਨਪੁਰ ਲੋਧੀ ਦੇ ਵਿਧਾਇਕ ਰਾਣਾ ਇੰਦਰਪ੍ਰਤਾਪ ਸਿੰਘ ਤੇ ਵਿਧਾਇਕ ਲਾਡੀ ਸ਼ੇਰੋਵਾਲੀਆ ਵਿਸ਼ੇਸ਼ ਤੌਰ 'ਤੇ ਮੌਜੂਦ ਸਨ | ਇਸ ਤੋਂ ਇਲਾਵਾ ਡਾ: ਚੈਰੀਅਨ ਡਾਇਰੈਕਟਰ ਆਈ.ਸੀ.ਏ.ਆਰ, ਡਾ: ਹਰੀ ਰਾਮ ਪੀ.ਏ.ਯੂ., ਡਾ: ਗੁਲਜ਼ਾਰ ਸਿੰਘ ਸੰਘੇੜਾ ਡਾਇਰੈਕਟਰ ਆਰ.ਆਰ.ਐੱਸ. ਕਪੂਰਥਲਾ ਤੇ ਡਾ: ਹਰਿੰਦਰ ਸਿੰਘ ਐਸੋਸੀਏਟ ਡਾਇਰੈਕਟਰ ਕੇ.ਵੀ.ਕੇ ਕਪੂਰਥਲਾ ਵੀ ਪਹੁੰਚੇ | ਇਸ ਮੌਕੇ ਇਲਾਕੇ ਦੇ ਅਗਾਂਹਵਧੂ ਕਿਸਾਨ ਵੀ ਸ਼ਾਮਿਲ ਹੋਏ | ਰਾਣਾ ਗੁਰਜੀਤ ਸਿੰਘ ਨੇ ਕਿਹਾ ਕਿ ਉਹ ਵਿਧਾਇਕ ਸ਼ੇਰੋਵਾਲੀਆ ਦੇ ਬਹੁਤ ਧੰਨਵਾਦੀ ਹਨ, ਜਿਨ੍ਹਾਂ ਨੇ ਉਨ੍ਹਾਂ ਦੇ ਕਹਿਣ 'ਤੇ ਆਪਣੀ ਜ਼ਮੀਨ ਵਿਚ ਤਿੰਨ ਏਕੜ ਕਸਾਵਾ ਫ਼ਸਲ ਦੀ ਬਿਜਾਈ ਕੀਤੀ | ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੇ ਪਿਛਲੇ ਸਾਲ ਬਰਸਾਤੀ ਮੱਕੀ ਖ਼ਰੀਦਣ ਦਾ ਐਲਾਨ ਕੀਤਾ ਸੀ, ਉਹ ਉਸ 'ਤੇ ਅਜੇ ਵੀ ਕਾਇਮ ਹਨ | ਅਜੇ ਇਕ ਸਾਲ ਹੋਰ ਉਹ ਬਰਸਾਤੀ ਮੱਕੀ ਖ਼ਰੀਦਣਗੇ | ਉਨ੍ਹਾਂ ਕਿਹਾ ਕਿ ਕਸਾਵਾ ਕਿਸਾਨਾਂ ਲਈ ਲਾਹੇਵੰਦ ਫ਼ਸਲ ਹੈ | ਕਸਾਵਾ ਦਾ 5 ਹਜ਼ਾਰ ਬੀਜ ਇਕ ਏਕੜ 'ਚ ਫਰਵਰੀ ਮਹੀਨੇ 'ਚ ਬੀਜਣਾ ਚਾਹੀਦਾ ਹੈ ਤੇ ਇਕ ਮਹੀਨਾ ਇਸ ਦੀ ਪੂਰੀ ਦੇਖ-ਰੇਖ ਕਰਨੀ ਚਾਹੀਦੀ ਹੈ | ਇਕ ਏਕੜ 'ਚੋਂ 250 ਕਇੰਟਲ ਕਸਾਵਾ ਨਿਕਲੇਗਾ | ਫ਼ਸਲ ਦੇ ਬੀਜ ਵੀ ਉਨ੍ਹਾਂ ਵਲੋਂ ਹੀ ਦਿੱਤੇ ਜਾਣਗੇ ਤੇ ਪੂਰੀ ਜਾਣਕਾਰੀ ਵੀ ਮੁਹੱਈਆ ਕਰਵਾਈ ਜਾਵੇਗੀ | ਇਹ ਫ਼ਸਲ ਸਾਲ ਦਾ ਢਾਈ ਲੱਖ ਰੁਪਇਆ ਛੱਡੇਗੀ | ਉਨ੍ਹਾਂ ਵਲੋਂ ਇਸ ਫ਼ਸਲ ਦੇ ਖੁਖ਼ਤਾ ਮਾਰਕੀਟਿੰਗ ਦੇ ਪ੍ਰਬੰਧ ਕੀਤੇ ਜਾਣਗੇ ਤੇ ਉਨ੍ਹਾਂ ਵਲੋਂ 15 ਰੁਪਏ ਕਿੱਲੋਂ ਦੇ ਹਿਸਾਬ ਨਾਲ ਫ਼ਸਲ ਖ਼ਰੀਦੀ ਜਾਵੇਗੀ | ਮਸ਼ੀਨਰੀ ਵੀ ਮੁਹੱਈਆ ਕਰਵਾਈ ਜਾਵੇਗੀ | ਉਨ੍ਹਾਂ ਵਲੋਂ ਇਹ ਸਭ ਉਪਰਾਲਾ ਪੰਜਾਬ ਦੇ ਪਾਣੀ ਨੂੰ ਬਚਾਉਣ ਲਈ ਕੀਤਾ ਜਾ ਰਿਹਾ ਹੈ | ਇਸ ਮੌਕੇ ਕਿਸਾਨਾਂ ਨੇ ਦੋਨਾ ਖੇਤਰ 'ਚ 20 ਏਕੜ ਕਸਾਵਾ ਫ਼ਸਲ ਬੀਜਣ ਦਾ ਭਰੋਸਾ ਦਿੱਤਾ | ਇਸ ਮੌਕੇ ਸੋਨੂੰ ਕੰਗ ਪੀ.ਏ, ਅਸ਼ਵਿੰਦਰਪਾਲ ਸਿੰਘ ਨੀਟੂ ਸਾਬਕਾ ਚੇਅਰਮੈਨ, ਸੰਤੋਖ ਸਿੰਘ ਖਹਿਰਾ ਕਾਰੋਬਾਰੀ, ਮੇਜਰ ਸਿੰਘ ਬਾਜਵਾ ਸਾਬਕਾ ਡਾਇਰੈਕਟਰ, ਸੋਨੂੰ ਕਿਲੀ ਨੰਬਰਦਾਰ, ਬਿੱਟੂ ਬੁੱਢਣਵਾਲ, ਬਲਜੀਤ ਸਿੰਘ ਥਿੰਦ ਸਰਪੰਚ ਮੀਏਾਵਾਲ ਅਰਾਈਆਂ, ਬਲਜਿੰਦਰ ਸਿੰਘ ਕੰਗ ਮਹਿਤਪੁਰ, ਮੀਤ ਸਿੰਘ ਰਿਟਾ: ਬੀ.ਪੀ.ਈ.ਓ, ਸੰਦੀਪ ਸਿੰਘ ਖਹਿਰਾ, ਅੰਗਰੇਜ ਸਿੰਘ ਤਲਵੰਡੀ ਬੂਟਿਆਂ, ਚੈਂਚਲ ਸਿੰਘ ਮਾਲੂਪੁਰ, ਜਸਵੀਰ ਸਿੰਘ ਸ਼ੀਰਾ ਸਾਬਕਾ ਸਰਪੰਚ, ਮੈਨੇਜਰ ਠਾਕੁਰ, ਜੁਗਰਾਜ ਸਿੰਘ ਰਾਜਾ, ਭਗਵੰਤ ਸਿੰਘ ਥਿੰਦ ਬਿੱਲੀ ਚੁਹਾਰਮੀ ਆਦਿ ਹਾਜ਼ਰ ਸਨ |
ਪਿਛਲੀ ਖ਼ਬਰ ਗੁਰੂ ਨਾਨਕ ਲਾਇਬ੍ਰੇਰੀ ਫਗਵਾੜਾ ਦੀ ਮੁੜ ਸੁਰਜੀਤੀ ਲਈ ਡਾ. ਚੱਬੇਵਾਲ, ਹਰਜੀ ਮਾਨ ਤੇ ਮੇਅਰ ਰਾਮ ਪਾਲ ਉੱਪਲ ਵਲੋਂ ਗਰਾਂਟਾ... ਅਗਲੀ ਖ਼ਬਰ ਵਿਆਹ ਸਮਾਗਮ 'ਚ ਹੋਏ ਝਗੜੇ ਦੌਰਾਨ ਲਾੜੇ ਦੇ ਪਿਤਾ 'ਤੇ ਚੜ੍ਹਾਈ ਗੱਡੀ, ਮੌਤ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।