ਸ੍ਰੀ ਮੁਕਤਸਰ ਸਾਹਿਬ, 21 ਮਈ (ਰਣਜੀਤ ਸਿੰਘ ਢਿੱਲੋਂ)-ਸ੍ਰੀ ਮੁਕਤਸਰ ਸਾਹਿਬ ਦੇ ਵਾਰਡ ਨੰਬਰ 8 ਤੋਂ ਪਹਿਲਾਂ ਕੌਂਸਲਰ ਵਜੋਂ ਨੁਮਾਇੰਦਗੀ ਕਰ ਚੁੱਕੇ ਤੇਜਿੰਦਰ ਸਿੰਘ ਜਿੰਮੀ ਬਰਾੜ ਨੇ ਦੋਸ਼ ਲਗਾਇਆ ਕਿ ਇਸ ਵਾਰ ਦੁਬਾਰਾ ਫ਼ਿਰ ਉਸ ਨੇ ਵਾਰਡ ਨੰਬਰ ਅੱਠ ਤੋਂ ਆਜ਼ਾਦ ਉਮੀਦਵਾਰ ਵਜੋਂ ਕਾਗ਼ਜ਼ ਦਾਖ਼ਲ ਕੀਤੇ ਸਨ ਅਤੇ ਇਸ ਦੇ ਨਾਲ ਹੀ ਅੰਮਿ੍ਤਪਾਲ ਸਿੰਘ ਧੀਰ ਵਲੋਂ ਵੀ ਆਜ਼ਾਦ ਉਮੀਦਵਾਰ ਵਜੋਂ ਕਾਗ਼ਜ਼ ਭਰੇ ਸਨ | ਉਨ੍ਹਾਂ ਦੋਸ਼ ਲਗਾਇਆ ਕਿ ਵਾਰਡ ਵਿਚ ਸਾਡੇ ਨਾਲ ਜਨਤਾ ਦਾ ਪਿਆਰ ਤੇ ਸਮਰਥਨ ਵੇਖ ਕੇ ਸਾਡੇ ਕਾਗ਼ਜ਼ ਸੱਤਾਧਾਰੀ ਪਾਰਟੀ ਵਲੋਂ ਰੱਦ ਕਰਵਾਏ ਗਏ ਹਨ | ਉਨ੍ਹਾਂ ਇਸ ਨੂੰ ਗ਼ਲਤ ਰਸਤਾ ਦੱਸਦੇ ਹੋਏ ਲੋਕਤੰਤਰ 'ਤੇ ਹਮਲਾ ਦੱਸਿਆ |
