ਸੱਤਾਧਾਰੀ ਆਗੂ ਦੇ ਸਾਥੀ ਵਿਰੁੱਧ ਕਾਰਵਾਈ ਨਾ ਹੋਣ ’ਤੇ ਭਾਜਪਾ ਨੇ ਉਠਾਏ ਸਵਾਲ
ਜਲੰਧਰ, 12 ਨਵੰਬਰ (ਸ਼ਿਵ) - ਭਾਜਪਾ ਜਲੰਧਰ ਸ਼ਹਿਰੀ ਮੁੱਖ ਬੁਲਾਰੇ ਜੌਲੀ ਬੇਦੀ, ਬੁਲਾਰੇ ਮੱਖਣ ਸਿੰਘ, ਵਰੁਣ ਨਾਗਪਾਲ, ਕਮਲ ਭਗਤ, ਸੋਨੂੰ ਹੰਸ, ਦਿਨੇਸ਼ ਖੰਨਾ, ਦੀਪਕ ਬਾਵਾ (ਸਹਿ-ਮੀਡੀਆ ਇੰਚਾਰਜ ਭਾਜਪਾ ਪੰਜਾਬ) ਅਤੇ ਪ੍ਰੈੱਸ ਸਕੱਤਰ ਉਮੇਸ਼ ਬੱਤਰਾ ਨੇ ਕਿਹਾ ਹੈ ਕਿ ਪ੍ਰਸ਼ਾਸਨ ਸਟੇਸ਼ਨ ਡਿਵੀਜ਼ਨ ਨੰਬਰ 7 ਵਿਖੇ ਇੱਕ ਕੇਸ ਦਰਜ ਕੀਤਾ ਗਿਆ ਸੀ, ਜਿੱਥੇ ਅਰਬਨ ਅਸਟੇਟ ਫੇਜ਼ 2 ਦੇ ਕੈਫੇ ਵਿਚ ਇੱਕ ਵਿਅਕਤੀ ਨੂੰ ਲਾਇਸੈਂਸੀ ਪਿਸਤੌਲ ਨਾਲ ਬੈਠਾ ਦੇਖਿਆ ਗਿਆ ਸੀ। ਜਾਣਕਾਰੀ ਮਿਲਣ ‘ਤੇ ਪੁਲਿਸ ਨੇ ਉਸ ਵਿਅਕਤੀ ਅਤੇ ਕੈਫੇ ਮਾਲਕ ਵਿਰੁੱਧ ਕੇਸ ਦਰਜ ਕੀਤਾ।
ਜਲੰਧਰ, 12 ਨਵੰਬਰ (ਸ਼ਿਵ) - ਭਾਜਪਾ ਜਲੰਧਰ ਸ਼ਹਿਰੀ ਮੁੱਖ ਬੁਲਾਰੇ ਜੌਲੀ ਬੇਦੀ, ਬੁਲਾਰੇ ਮੱਖਣ ਸਿੰਘ, ਵਰੁਣ ਨਾਗਪਾਲ, ਕਮਲ ਭਗਤ, ਸੋਨੂੰ ਹੰਸ, ਦਿਨੇਸ਼ ਖੰਨਾ, ਦੀਪਕ ਬਾਵਾ (ਸਹਿ-ਮੀਡੀਆ ਇੰਚਾਰਜ ਭਾਜਪਾ ਪੰਜਾਬ) ਅਤੇ ਪ੍ਰੈੱਸ ਸਕੱਤਰ ਉਮੇਸ਼ ਬੱਤਰਾ ਨੇ ਕਿਹਾ ਹੈ ਕਿ ਪ੍ਰਸ਼ਾਸਨ ਸਟੇਸ਼ਨ ਡਿਵੀਜ਼ਨ ਨੰਬਰ 7 ਵਿਖੇ ਇੱਕ ਕੇਸ ਦਰਜ ਕੀਤਾ ਗਿਆ ਸੀ, ਜਿੱਥੇ ਅਰਬਨ ਅਸਟੇਟ ਫੇਜ਼ 2 ਦੇ ਕੈਫੇ ਵਿਚ ਇੱਕ ਵਿਅਕਤੀ ਨੂੰ ਲਾਇਸੈਂਸੀ ਪਿਸਤੌਲ ਨਾਲ ਬੈਠਾ ਦੇਖਿਆ ਗਿਆ ਸੀ। ਜਾਣਕਾਰੀ ਮਿਲਣ ‘ਤੇ ਪੁਲਿਸ ਨੇ ਉਸ ਵਿਅਕਤੀ ਅਤੇ ਕੈਫੇ ਮਾਲਕ ਵਿਰੁੱਧ ਕੇਸ ਦਰਜ ਕੀਤਾ। ਹਾਲਾਂਕਿ, ਉਸੇ ਰਾਤ ਜਲੰਧਰ ਦੇ ਇਕ ਇਲਾਕੇ ਵਿਚ ਇੱਕ ਡੀਜੇ ਪਾਰਟੀ ਵਿਚ ਮੌਜੂਦਾ ਸਰਕਾਰ ਦੇ ਆਗੂ ਅਤੇ ਉਨ੍ਹਾਂ ਦੇ ਕੁਝ ਸਾਥੀ ਨੱਚ ਰਹੇ ਸਨ, ਜਿਸਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਹੈ। ਇਕ ਸਾਥੀ ਨੇ ਰਿਵਾਲਵਰ, ਪਿਸਤੌਲ ਲਹਿਰਾਇਆ ਅਤੇ ਬਾਅਦ ਵਿਚ ਹਵਾ ਵਿਚ ਗੋਲੀ ਚਲਾ ਦਿੱਤੀ। ਭਾਜਪਾ ਨੇ ਪੁਲਿਸ ਤੋਂ ਸਵਾਲ ਕੀਤਾ ਕਿ ਇਨ੍ਹਾਂ ਮਾਮਲਿਆਂ ਵਿਚ ਦੋ ਅਲੱਗ-ਅਲੱਗ ਮਾਪਦੰਡ ਕਿਉਂ ਅਪਣਾਏ ਗਏ ਹਨ। ਭਾਜਪਾ ਬੁਲਾਰਿਆਂ ਨੇ ਜਲੰਧਰ ਪੁਲਿਸ ਕਮਿਸ਼ਨਰ ਤੋਂ ਮੰਗ ਕੀਤੀ ਕਿ ਇਸ ਮਾਮਲੇ ਵਿਚ ਜਲਦੀ ਤੋਂ ਜਲਦੀ ਕੇਸ ਦਰਜ ਕੀਤਾ ਜਾਵੇ।
