ਜਲੰਧਰ

ਭਾਜਪਾ ਜਲੰਧਰ ਦਿਹਾਤੀ (ਦੱਖਣੀ) ਦੇ ਜ਼ਿਲ੍ਹਾ ਪ੍ਰਧਾਨ ਜਗਬੀਰ ਸਿੰਘ ਬਰਾੜ ਵਲੋਂ 16 ਸਰਕਲ ਪ੍ਰਧਾਨ ਨਿਯੁਕਤ

ਜ

ਜਗਬੀਰ ਸਿੰਘ ਬਰਾੜ 16-10-2026

ਜਲੰਧਰ, 15 ਅਕਤੂਬਰ (ਜਸਪਾਲ ਸਿੰਘ)-ਭਾਰਤੀ ਜਨਤਾ ਪਾਰਟੀ ਜਲੰਧਰ ਦਿਹਾਤੀ ਦੱਖਣੀ ਦੇ ਜ਼ਿਲ੍ਹਾ ਪ੍ਰਧਾਨ ਜਗਬੀਰ ਸਿੰਘ ਬਰਾੜ ਵੱਲੋਂ ਪੰਜਾਬ ਭਾਜਪਾ ਦੀ ਹਾਈਕਮਾਨ ਨਾਲ ਵਿਚਾਰ-ਵਟਾਂਦਰਾ ਕਰਨ ਉਪਰੰਤ ਜ਼ਿਲ੍ਹੇ ਦੇ 16 ਸਰਕਲ ਪ੍ਰਧਾਨਾਂ ਦੀਆਂ ਨਿਯੁਕਤੀਆਂ ਦਾ ਐਲਾਨ ਕੀਤਾ ਗਿਆ ਹੈ। ਇਨ੍ਹਾਂ ਨਿਯੁਕਤੀਆਂ ਤਹਿਤ ਸ਼ਾਹਕੋਟ, ਨਕੋਦਰ ਅਤੇ ਜਲੰਧਰ ਛਾਉਣੀ ਵਿਧਾਨ ਸਭਾ ਹਲਕਿਆਂ ਨਾਲ ਸਬੰਧਿਤ ਆਗੂਆਂ ਨੂੰ ਜਥੇਬੰਦਕ ਜ਼ਿੰਮੇਵਾਰੀਆਂ ਸੌਂਪੀਆਂ ਗਈਆਂ ਹਨ। ਬਰਾੜ ਨੇ ਦੱਸਿਆ ਕਿ ਸ਼ਾਹਕੋਟ ਹਲਕੇ ਅਧੀਨ ਆਉਂਦੇ ਮਹਿਤਪੁਰ ਸਰਕਲ ਤੋਂ ਬਲਜੀਤ ਸਿੰਘ ਥਿੰਦ, ਮਲਸੀਆਂ ਤੋਂ ਦਲਬੀਰ ਸਿੰਘ ਸੱਭਰਵਾਲ, ਲੋਹੀਆਂ ਤੋਂ ਸਾਹਿਲ ਸਚਦੇਵਾ ਅਤੇ ਸੰਗੋਵਾਲ ਤੋਂ ਕਮਲ ਹੀਰ ਨੂੰ ਸਰਕਲ ਪ੍ਰਧਾਨ ਨਿਯੁਕਤ ਕੀਤਾ ਗਿਆ ਹੈ। ਇਸੇ ਤਰ੍ਹਾਂ ਨਕੋਦਰ ਹਲਕੇ ਅਧੀਨ ਨਕੋਦਰ ਸਰਕਲ ਤੋਂ ਅਜੈ ਕੁਮਾਰ ਬਜਾਜ, ਉੱਗੀ ਤੋਂ ਅਵਤਾਰ ਸਿੰਘ ਗੋਹੀਰ, ਨੂਰਮਹਿਲ ਤੋਂ ਮਨਦੀਪ ਮਹਿਨ, ਕੋਟ ਬਾਦਲ ਖ਼ਾਨ ਤੋਂ ਬਲਜੀਤ ਸਿੰਘ ਬੱਲੀ ਅਤੇ ਬਿਲਗਾ ਤੋਂ ਪਰਮਜੀਤ ਕੁਮਾਰ ਪੰਮਾ ਨੂੰ ਸਰਕਲ ਪ੍ਰਧਾਨ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ। ਜਲੰਧਰ ਛਾਉਣੀ ਹਲਕੇ ਅਧੀਨ ਆਉਂਦੇ ਮਾਡਲ ਟਾਊਨ ਸਰਕਲ ਤੋਂ ਰਵੀ ਕੁਮਾਰ ਖੁਰਾਣਾ, ਗੜ੍ਹਾ ਤੋਂ ਬਲਰਾਜ ਬਧਨ, ਖੁਸਰੋਪੁਰ ਤੋਂ ਨਰੇਸ਼ ਕੁਮਾਰ ਵਾਲੀਆ, 66 ਫੁੱਟ ਰੋਡ ਤੋਂ ਦੀਪਾਲੀ ਬਾਗੜੀਆ, ਕੈਂਟ ਸਰਕਲ ਤੋਂ ਮਨੀਸ਼ਾ ਜੈਨ, ਫੋਲੜੀਵਾਲ/ਜਮਸ਼ੇਰ ਤੋਂ ਹਰਵਿੰਦਰ ਭੱਟੀ ਅਤੇ ਜੰਡਿਆਲਾ ਤੋਂ ਜਸਵੰਤ ਸਿੰਘ ਜੌਹਲ ਨੂੰ ਸਰਕਲ ਪ੍ਰਧਾਨ ਨਿਯੁਕਤ ਕੀਤਾ ਗਿਆ ਹੈ। ਇਸ ਮੌਕੇ ਇਨ੍ਹਾਂ ਨਵ ਨਿਯੁਕਤ ਸਰਕਲ ਪ੍ਰਧਾਨਾਂ ਨੂੰ ਵਧਾਈ ਦਿੰਦੇ ਹੋਏ ਸ. ਜਗਬੀਰ ਸਿੰਘ ਬਰਾੜ ਨੇ ਆਸ ਪ੍ਰਗਟਾਈ ਕਿ ਉਹ ਪਾਰਟੀ ਦੀ ਮਜ਼ਬੂਤੀ ਲਈ ਹੋਰ ਵੀ ਸਰਗਰਮੀ ਨਾਲ ਕੰਮ ਕਰਨਗੇ।

ਪਿਛਲੀ ਖ਼ਬਰ ਗੁਰਦੁਆਰਾ ਚਰਨ ਕੰਵਲ ਵਿਖੇ ਨਤਮਸਤਕ ਹੋਏ ਲਵਲੀ ਗਰੁੱਪ ਦੇ ਚੇਅਰਮੈਨ ਰਮੇਸ਼ ਮਿੱਤਲ ਫਾਸ਼ੀ ਹਮਲਿਆਂ ਵਿਰੋਧੀ ਫਰੰਟ ਨੇ ਮੁਜ਼ਾ... ਅਗਲੀ ਖ਼ਬਰ ਬੰਦ ਦੇ ਸੱਦੇ ਅਤੇ ਸੁਰੱਖਿਆ ਦੇ ਮੱਦੇਨਜ਼ਰ ਸਿਟੀ ਰੇਲਵੇ ਸਟੇਸ਼ਨ ’ਤੇ ਪੁਲਿਸ ਵਲੋਂ ਚਲਾਈ ਤਲਾਸ਼ੀ ਮੁਹਿੰਮ