ਜਲੰਧਰ

ਸੰਤੁਲਿਤ ਜੀਵਨ ਜਿਊਣ ਦੀ ਕਲਾ ਸਿਖਾਉਂਦਾ ਹੈ ਆਯੁਰਵੇਦ-ਡਾ. ਮਨੂੰ ਹੱਲਣ

ਡ

ਡਾ. ਮਨੂੰ ਹੱਲਣ ਆਯੁਰਵੈਦਿਕ ਮੈਡੀਕਲ ਅਫ਼ਸਰ ਜਲੰਧਰ 23-09-2026

ਗੁਰਾਇਆ, 22 ਸਤੰਬਰ (ਬਲਵਿੰਦਰ ਸਿੰਘ)-ਆਯੁਰਵੇਦ ਭਾਰਤ ਦੀ ਪ੍ਰਾਚੀਨ ਅਤੇ ਵਿਗਿਆਨਕ ਚਿਕਿਤਸਾ ਪਰੰਪਰਾ ਹੈ, ਜੋ ਸਿਰਫ਼ ਬਿਮਾਰੀਆਂ ਦੇ ਇਲਾਜ ਤੱਕ ਸੀਮਤ ਨਹੀਂ ਸਗੋਂ ਸਿਹਤ ਦੀ ਰੱਖਿਆ, ਰੋਗਾਂ ਤੋਂ ਬਚਾਅ ਅਤੇ ਇਕ ਸੰਤੁਲਿਤ ਜੀਵਨ ਜਿਊਣ ਦੀ ਕਲਾ ਸਿਖਾਉਂਦਾ ਹੈ । ਇਹ ਸ਼ਬਦ ਡਾ. ਮਨੂੰ ਹੱਲਣ ਆਯੁਰਵੈਦਿਕ ਮੈਡੀਕਲ ਅਫ਼ਸਰ ਜਲੰਧਰ ਨੇ ਕਹੇ ਉਨ੍ਹਾਂ ਕਿਹਾ ਕਿ ਆਯੁਰਵੇਦ ਦਿਵਸ ਸਾਨੂੰ ਆਪਣੀ ਇਹ ਮਹਾਨ ਵਿਰਾਸਤ ਨਾਲ ਜੁੜਨ ਅਤੇ ਅੱਜ ਦੇ ਸਮੇਂ ਵਿਚ ਇਸ ਦੇ ਸਿਧਾਂਤਾਂ ਨੂੰ ਅਪਣਾਉਣ ਦਾ ਸੰਦੇਸ਼ ਦਿੰਦਾ ਹੈ। ਇਸ ਸਾਲ ਦੇ ਆਯੁਰਵੇਦ ਦਿਵਸ ਦਾ ਥੀਮ ਹੈ, ‘ਸਿਹਤਮੰਦ ਕੱਲ੍ਹ ਲਈ ਆਯੁਰਵੇਦ’”। ਅੱਜ ਦੀ ਤੇਜ ਰਫ਼ਤਾਰ ਜ਼ਿੰਦਗੀ ਵਿਚ ਤਣਾਅ, ਨੀਂਦ ਦੀ ਕਮੀ, ਗਲਤ ਖ਼ੁਰਾਕ, ਸਰੀਰਕ ਗਤੀਵਿਧੀਆਂ ਦੀ ਕਮੀ ਅਤੇ ਅਨਿਯਮਿਤ ਜੀਵਨ ਸ਼ੈਲੀ ਕਾਰਨ ਬਿਮਾਰੀਆਂ ਵਧ ਰਹੀਆਂ ਹਨ। ਅਜਿਹੇ ਸਮੇਂ ਵਿਚ ਆਯੁਰਵੇਦ ਸਾਨੂੰ ਕੁਦਰਤ ਦੇ ਨੇੜੇ ਰਹਿਣ, ਸੰਤੁਲਤ ਆਹਾਰ ਅਤੇ ਨਿਯਮਿਤ ਦਿਨ ਚਰਿਆ ਅਪਣਾਉਣ ਲਈ ਪੇ੍ਰਿਤ ਕਰਦਾ ਹੈ। ਆਯੁਰਵੇਦ ਅਨੁਸਾਰ ਸਿਹਤ ਸਿਰਫ਼ ਰੋਗਾਂ ਦੀ ਗੈਰ-ਮੌਜੂਦਗੀ ਨਹੀਂ ਸਗੋਂ ਸਰੀਰ, ਮਨ, ਆਤਮਾ ਅਤੇ ਇੰਦਰੀਆਂ ਦਾ ਸੰਤੁਲਨ ਹੀ ਅਸਲ ਸਿਹਤ ਹੈ। ‘ਆਹਾਰ ਹੀ ਔਸ਼ਧੀ ਹੈ’ ਦੀ ਸੋਚ ਨਾਲ ਤਾਜ਼ਾ, ਮੌਸਮੀ, ਸਥਾਨਕ ਅਤੇ ਸੰਤੁਲਿਤ ਭੋਜਨ ਕਰਨਾ ਚਾਹੀਦਾ ਹੈ ਨਾ ਕਿ ਜੰਕ ਫੂਡ, ਚੀਨੀ ਵਾਲੇ ਪਦਾਰਥ ਜਾਂ ਪ੍ਰੋਸੈਸਡ ਫੂਡ। ਆਯੁਰਵੇਦ ਸਾਨੂੰ ਸਿਰਫ਼ ਲੰਬੀ ਉਮਰ ਨਹੀਂ, ਸਗੋਂ ਤੰਦਰੁਸਤ, ਸੰਤੁਲਿਤ ਅਤੇ ਗੁਣਵੱਤਾ ਭਰਪੂਰ ਜੀਵਨ ਜੀਉਣਾ ਸਿਖਾਉਂਦਾ ਹੈ। ਅੱਜ ਦੀ ਸਿਹਤਮੰਦ ਜੀਵਨ ਸ਼ੈਲੀ ਹੀ ਕੱਲ੍ਹ ਦੀ ਤੰਦਰੁਸਤ ਸਮਾਜ ਦੀ ਨੀਂਹ ਹੈ।

ਪਿਛਲੀ ਖ਼ਬਰ ਹਲਕਾ ਨਕੋਦਰ ਦੇ ਪਿੰਡ ਮੁਆਈ ਵਿਖੇ ਸਰਕਾਰੀ ਸਕੂਲ ਤੇ ਡਾਕਖਾਨੇ ਦੇ ਬਾਹਰ ਗੰਦਗੀ ਤੋਂ ਪਿੰਡ ਵਾਸੀ ਪ੍ਰੇਸ਼ਾਨ ਸਫ਼ਾਈ ਨਾ ਹ... ਅਗਲੀ ਖ਼ਬਰ ਸ਼੍ਰੋ. ਅ. ਦ. ਨੇ ਮਨਜੀਤ ਸਿੰਘ ਖ਼ਾਲਸਾ ਨੂੰ ਵਿਧਾਨ ਸਭਾ ਹਲਕਾ ਫਿਲੌਰ ਦਾ ਬੁਲਾਰਾ ਨਿਯੁਕਤ ਕੀਤਾ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਸੰਤੁਲਿਤ ਜੀਵਨ ਜਿਊਣ ਦੀ ਕਲਾ ਸਿਖਾਉਂਦਾ ਹੈ ਆਯੁਰਵੇਦ-ਡਾ. ਮਨੂੰ ਹੱਲਣ

Subscribers Only Story

ਸੰਬੰਧਿਤ ਖ਼ਬਰਾਂ