ਲੋਹੀਆਂ ਖਾਸ, 19 ਸਤੰਬਰ (ਪ.ਪ.ਰਾਹੀਂ)-ਇਲਾਕੇ ਦੇ ਨੌਜਵਾਨਾਂ ਵਲੋਂ ਬਣਾਏ ‘ਫਰੈਂਡਸ ਕਲੱਬ ਲੋਹੀਆਂ ਖਾਸ’ ਵਲੋਂ ਐਨ.ਆਰ.ਆਈ. ਵੀਰਾਂ, ਸ਼ਹਿਰ ਵਾਸੀਆਂ ਦੇ ਸਹਿਯੋਗ ਨਾਲ ਲੋੜਵੰਦ ਪਰਿਵਾਰਾਂ ਦੀਆਂ 5 ਧੀਆਂ ਦੇ ਸਮੂਹਿਕ ਵਿਆਹ ਸਮਾਗਮ 20 ਸਤੰਬਰ ਦਿਨ ਐਤਵਾਰ ਨੂੰ ਬਾਬਾ ਨਾਮਦੇਵ ਭਵਨ, ਲੋਹੀਆਂ ਖਾਸ ਵਿਖੇ ਕਰਵਾਏ ਜਾਣਗੇ| ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਕਲੱਬ ਦੇ ਪ੍ਰਧਾਨ ਐਕਸਪਾਲ, ਪੰਜਾਬ ਕੁਲੈਕਸ਼ਨ ਦੇ ਐੱਮ.ਡੀ. ਤਜਿੰਦਰ ਸਿੰਘ ਅਤੇ ਕਮਲ ਢਿੱਲੋਂ ਨੇ ਦੱਸਿਆ ਕਿ ਇਸ ਸਮੂਹਿਕ ਵਿਆਹ ਸਮਾਗਮ ਦੌਰਾਨ 5 ਲੋੜਵੰਦ ਪਰਿਵਾਰਾਂ ਦੀਆਂ ਧੀਆਂ ਦੇ ਅਨੰਦ ਕਾਰਜ ਕਰਵਾਏ ਜਾਣਗੇ| ਪ੍ਰਬੰਧਕਾਂ ਮੁਤਾਬਕ ਕਲੱਬ ਵਲੋਂ ਵਿਆਹ ਸਮਾਗਮ ਵਿਚ ਧੀਆਂ ਨੂੰ 1 ਬੈੱਡ, 1 ਸਿਲਾਈ ਮਸ਼ੀਨ, 1 ਅਲਮਾਰੀ, 1 ਪੱਖਾ ਅਤੇ ਭਾਂਡੇ ਵੀ ਘਰੇਲੂ ਸਾਮਾਨ ਵਜੋਂ ਦਿੱਤੇ ਜਾਣਗੇ|
