ਧਾਰਮਿਕ ਉਤਸਵ ਸੰਮਤੀ ਵਲੋਂ ਸਕੂਲੀ ਬੱਚਿਆਂ ਨੂੰ ਸਕੂਲ ਬੈਗ ਵੰਡੇ

ਆਦਮਪੁਰ, 18 ਸਤੰਬਰ (ਰਮਨ ਦਵੇਸਰ)- ਧਾਰਮਿਕ ਉਤਸਵ ਸੰਮਤੀ ਆਦਮਪੁਰ ਵਲੋਂ ਸੰਮਤੀ ਦੇ ਚੇਅਰਮੈਨ ਸੁਆਮੀ ਰਾਮ ਭਾਰਤੀ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਪ੍ਰਧਾਨ ਮੰਗਤ ਰਾਮ ਸ਼ਰਮਾ ਦੀ ਅਗਵਾਈ ਹੇਠ ਸਰਕਾਰੀ ਪ੍ਰਾਇਮਰੀ ਸਕੂਲ ਆਦਮਪੁਰ (ਲੜਕੀਆਂ) ਨੇੜੇ ਪਾਣੀ ਵਾਲੀ ਟੈਂਕੀ ਆਦਮਪੁਰ ਵਿਖੇ ਸਕੂਲ ਦੇ ਵਿਦਿਆਰਥੀਆਂ ਨੂੰ ਸਕੂਲ ਬੈਗ, ਸਟੇਸ਼ਨਰੀ ਤੇ ਖਾਣ ਪੀਣ ਦਾ ਸਮਾਨ ਵੰਡਿਆ ਗਿਆ l ਇਸ ਮੌਕੇ ਸਕੂਲ ਦੀ ਮੁੱਖ ਅਧਿਆਪਕਾ ਕੰਚਨ ਟੰਡਨ ਅਤੇ ਹੋਰ ਅਧਿਆਪਕਾਂ ਵੱਲੋਂ ਸੰਮਤੀ ਦੇ ਆਏ ਸਾਰੇ ਮੈਂਬਰਾਂ ਦਾ ਸਵਾਗਤ ਕੀਤਾ ਗਿਆ ਤੇ ਧਾਰਮਿਕ ਉਤਸਵ ਸੰਮਤੀ ਦਾ ਸਕੂਲ ਦੇ ਬੱਚਿਆਂ ਨੂੰ ਸਹਿਯੋਗ ਦੇਣ ਲਈ ਧੰਨਵਾਦ ਕੀਤਾ l ਇਸ ਮੌਕੇ ਸੁਦਾਮਾ ਭਗਤ, ਅਨਿਲ ਸ਼ਰਮਾ, ਮਨਮੋਹਨ ਸਿੰਘ ਬਾਬਾ, ਗੁਲਸ਼ਨ ਦਿਲਬਾਗੀ, ਸੁਸ਼ੀਲ ਡੋਗਰਾ, ਅਰਵਿੰਦ ਪਰਾਸ਼ਰ, ਪੰਡਿਤ ਜਗਮੋਹਣ ਸ਼ਰਮਾ, ਵਿਜੇ ਯਾਦਵ, ਬਲਵੀਰ ਗਿਰ ਅਤੇ ਹੋਰ ਸੰਮਤੀ ਮੈਂਬਰ ਹਾਜ਼ਰ ਸਨ।