2 ਮੋਟਰਸਾਈਕਲਾਂ ਦੀ ਆਪਸ ’ਚ ਭਿਆਨਕ ਟੱਕਰ

ਲਾਂਬੜਾ, 5 ਸਤੰਬਰ (ਗੁਰਮੇਲ ਸਿੰਘ)-ਮੁੱਖ ਮਾਰਗ ਜਲੰਧਰ ਤੋਂ ਨਕੋਦਰ ਰੋਡ ਉੱਤੇ ਰਵਿਦਾਸਪੁਰਾ ਵਿੱਚ 2 ਮੋਟਰਸਾਈਕਲਾਂ ਦੀ ਆਪਸ ਵਿੱਚ ਟੱਕਰ ਹੋਈ। ਜਾਣਕਾਰੀ ਅਨੁਸਾਰ ਸ਼ਾਮ 7 ਵਜੇ ਦੇ ਕਰੀਬ ਜਲੋਟੋ ਫੈਕਟਰੀ ’ਚ ਕੰਮ ਕਰਦੇ ਵਰਕਰ ਸ਼ੁਭਮ ਜੋ ਕਿ ਛੁੱਟੀ ਕਰਕੇ ਆਪਣੇ ਘਰ ਆ ਰਿਹਾ ਸੀ ਕਿ ਅਚਾਨਕ ਦੂਸਰੇ ਪਾਸੇ ਤੋਂ ਰੋਡ ਉੱਤੇ ਬਣੇ ਕੱਟ ’ਚੋਂ ਬਲਜੀਤ ਸਿੰਘ ਆਪਣਾ ਮੋਟਰਸਾਈਕਲ ਲੈ ਕੇ ਨਿਕਲ ਆਇਆ, ਸ਼ੁਭਮ ਦਾ ਮੋਟਰਸਾਈਕਲ ਤੇਜ਼ ਰਫਤਾਰ ਹੋਣ ਕਰਕੇ ਦੂਸਰੇ ਮੋਟਰਸਾਈਕਲ ਨਾਲ ਟਕਰਾ ਗਿਆ ਅਤੇ ਦੋਵੇਂ ਮੋਟਰਸਾਈਕਲ ਹਾਦਸਾ ਗ੍ਰਸਤ ਹੋ ਗਏ ਪਰ ਬਲਜੀਤ ਦੇ ਕਾਫੀ ਗੁਝੀਆਂ ਸੱਟਾਂ ਲੱਗੀਆਂ ਜਿਸ ਨੂੰ ਲਾਗੇ ਹਸਪਤਾਲ ਵਿੱਚ ਇਲਾਜ ਵਾਸਤੇ ਲਿਜਾਇਆ ਗਿਆ ਇਸ ਦੀ ਇਤਲਾਹ ਫਤਿਹਪੁਰ ਚੌਕੀ ਨੂੰ ਦੇ ਦਿੱਤੀ ਗਈ ਹੈ।