ਜਲੰਧਰ

ਨਸ਼ਾ ਛੁਡਾਊ ਕੇਂਦਰਾਂ ਦੇ ਮਰੀਜ਼ਾਂ ਦੀ ਐੱਚ. ਆਈ. ਵੀ. ਤੇ ਹੈਪਾਟਾਈਟਸ ਦੀ ਲਾਜ਼ਮੀ ਹੋਵੇਗੀ ਜਾਂਚ-ਸਿਵਲ ਸਰਜਨ

ਜਲੰਧਰ , 14 ਅਗਸਤ ( ਜਤਿੰਦਰ ਪੰਮੀ )– 95-95-99 ਮੁਹਿੰਮ ਤਹਿਤ ਐੱਚ . ਆਈ .

ਅ

ਅਜੀਤ ਡੈਸਕ 15-08-2026

ਜਲੰਧਰ , 14 ਅਗਸਤ ( ਜਤਿੰਦਰ ਪੰਮੀ )– 95-95-99 ਮੁਹਿੰਮ ਤਹਿਤ ਐੱਚ . ਆਈ . ਵੀ . ਸਮੇਤ ਹੋਰ ਸੰਕਰਮਕ ਬਿਮਾਰੀਆਂ ਦੀ ਸਮੇਂ ਸਿਰ ਪਛਾਣ , ਪਾਜ਼ੀਟਿਵ ਮਰੀਜ਼ਾਂ ਨੂੰ ਇਲਾਜ ਨਾਲ ਜੋੜਨ ਅਤੇ ਇਲਾਜ ਦੀ ਨਿਰੰਤਰਤਾ ਯਕੀਨੀ ਬਣਾਉਣ ਦੇ ਮੰਤਵ ਨਾਲ ਸਿਵਲ ਸਰਜਨ ਡਾ . ਰਾਜੇਸ਼ ਗਰਗ ਦੀ ਪ੍ਰਧਾਨਗੀ ਹੇਠ ਸ਼ੁੱਕਰਵਾਰ ਨੂੰ ਜ਼ਿਲ੍ਹੇ ਦੇ ਨਿੱਜੀ ਡੀ - ਐਡਿਕਸ਼ਨ ਸੈਂਟਰਾਂ ਦੇ ਪ੍ਰਬੰਧਕਾਂ ਤੇ ਪ੍ਰਤੀਨਿਧੀਆਂ ਨਾਲ ਵਿਸ਼ੇਸ਼ ਮੀਟਿੰਗ ਹੋਈ । ਮੀਟਿੰਗ ਦੌਰਾਨ ਸਿਵਲ ਸਰਜਨ ਨੇ ਸਾਰੇ ਨਿੱਜੀ ਡੀ - ਐਡਿਕਸ਼ਨ ਸੈਂਟਰਾਂ ਨੂੰ ਹਦਾਇਤ ਕੀਤੀ ਕਿ ਸੈਂਟਰ ਵਿੱਚ ਆਉਣ ਵਾਲੇ ਹਰੇਕ ਲਾਭਪਾਤਰੀ ਦੀ ਐੱਚ . ਆਈ . ਵੀ ., ਸਿਫਲਿਸ , ਹੈਪੇਟਾਈਟਸ - ਬੀ ਅਤੇ ਹੈਪੇਟਾਈਟਸ - ਸੀ ਦੀ ਜਾਂਚ ਯਕੀਨੀ ਬਣਾਈ ਜਾਵੇ । ਇਸ ਮੌਕੇ ਜਿਲ੍ਹਾ ਪਰਿਵਾਰ ਭਲਾਈ ਅਫਸਰ ਡਾ . ਵਨਿੰਦਰ ਰਿਆੜ , ਡਿਪਟੀ ਮੈਡੀਕਲ ਕਮਿਸ਼ਨਰ ਡਾ . ਜਸਵਿੰਦਰ ਸਿੰਘ , ਡਿਪਟੀ ਐਮ . ਈ . ਆਈ . ਓ . ਅਸੀਮ ਸ਼ਰਮਾ ਵੀ ਮੌਜੂਦ ਸਨ । ਡਾ . ਰਾਜੇਸ਼ ਗਰਗ ਨੇ ਜਾਂਚ ਦੌਰਾਨ ਪਾਜ਼ੀਟਿਵ ਪਾਏ ਜਾਣ ਵਾਲੇ ਹਰੇਕ ਕੇਸ ਨੂੰ ਬਿਨਾਂ ਦੇਰੀ ਦੇ ਸੰਬੰਧਤ ਸਰਕਾਰੀ ਸਿਹਤ ਸਹੂਲਤ ਨਾਲ ਜੋੜਨ ਅਤੇ ਇਲਾਜ ਸ਼ੁਰੂ ਕਰਵਾਉਣ ਦੇ ਨਾਲ - ਨਾਲ ਇਲਾਜ ਦੀ ਨਿਰੰਤਰਤਾ ਤੇ ਨਿਯਮਤ ਫਾਲੋਅਪ ਉੱਤੇ ਵਿਸ਼ੇਸ਼ ਜ਼ੋਰ ਦਿੱਤਾ । ਇਸ ਮੌਕੇ ਮਾਡਲ ਨਸ਼ਾ ਛੁਡਾਊ ਕੇਂਦਰ , ਸਿਵਲ ਹਸਪਤਾਲ ਤੋਂ ਮਨੋਰੋਗ ਮਾਹਿਰ ਡਾ . ਅਭੈਰਾਜ ਸਿੰਘ ਨੇ ਮੀਟਿੰਗ ‘ ਚ ਮੌਜੂਦ ਨਸ਼ਾ ਛੁਡਾਊ ਕੇਂਦਰਾਂ ਦੇ ਪ੍ਰਤੀਨਿਧਾਂ ਨੂੰ ਸਿਹਤ ਵਿਭਾਗ ਨਾਲ ਸਹਿਯੋਗ ਕਰਦੇ ਹੋਏ ਨਸ਼ਾ ਗ੍ਰਸਤ ਵਿਅਕਤੀਆਂ ਨੂੰ ਇਕ ਸਿਹਤਮੰਦ ਜਿੰਦਗੀ ਦੇਣ ਲਈ ਯੋਗ ਉਪਰਾਲੇ ਕਰਨ ਲਈ ਕਿਹਾ । ਦੀਪਕ ਕੁਮਾਰ , ਕਲੀਨਿਕਲ ਸਰਵਿਸਿਜ਼ ਅਫ਼ਸਰ , ਦਿਸ਼ਾ ਕਲੱਸਟਰ ਜਲੰਧਰ ਵਲੋਂ ਨਿੱਜੀ ਡੀ - ਐਡਿਕਸ਼ਨ ਸੈਂਟਰਾਂ ਨੂੰ ਸਰਕਾਰੀ ਸਿਹਤ ਸੇਵਾਵਾਂ ਨਾਲ ਪ੍ਰਭਾਵਸ਼ਾਲੀ ਢੰਗ ਨਾਲ ਜੋੜਨ , ਰੈਫਰ ਕੀਤੇ ਕੇਸਾਂ ਦੀ ਨਿਰੰਤਰ ਪੈਰਵੀ ਅਤੇ ਮਰੀਜ਼ਾਂ ਨੂੰ ਲੋੜੀਂਦੀਆਂ ਸੇਵਾਵਾਂ ਤੱਕ ਸਮੇਂ ਸਿਰ ਪਹੁੰਚ ਯਕੀਨੀ ਬਣਾਉਣ ਸਬੰਧੀ ਜਾਣਕਾਰੀ ਦਿੱਤੀ ਗਈ ।

ਪਿਛਲੀ ਖ਼ਬਰ ਆਜ਼ਾਦੀ ਦਿਹਾੜੇ ਮੌਕੇ ਸਖ਼ਤ ਸੁਰੱਖਿਆ ਪ੍ਰਬੰਧਾਂ ਦੇ ਬਾਵਜੂਦ ਸ਼ਹਿਰ ’ਚ ਦਿਨੇ ਹੀ ਹੋਈ ਖੋਹ ਤੇ ਝਪਟਮਾਰੀ ਅਗਲੀ ਖ਼ਬਰ ਏਡਿਡ ਸਕੂਲਾਂ ਦੇ ਕਰਮਚਾਰੀ ਅੱਜ ਵੀ ਕਰ ਰਹੇ ਹਨ ਤਨਖਾਹ ਦਾ ਇੰਤਜਾਰ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਨਸ਼ਾ ਛੁਡਾਊ ਕੇਂਦਰਾਂ ਦੇ ਮਰੀਜ਼ਾਂ ਦੀ ਐੱਚ. ਆਈ. ਵੀ. ਤੇ ਹੈਪਾਟਾਈਟਸ ਦੀ ਲਾਜ਼ਮੀ ਹੋਵੇਗੀ ਜਾਂਚ-ਸਿਵਲ ਸਰਜਨ

Subscribers Only Story

ਸੰਬੰਧਿਤ ਖ਼ਬਰਾਂ