ਜੰਡਿਆਲਾ ਮੰਜਕੀ, 23 ਮਈ (ਸੁਰਜੀਤ ਸਿੰਘ ਜੰਡਿਆਲਾ)-ਨਜ਼ਦੀਕੀ ਪਿੰਡ ਥਾਬਲਕੇ ਵਿੱਚ ਇੱਕ ਠੇਕੇ ਦੇ ਕਰਿੰਦੇ ਕੋਲੋਂ ਦੇਰ ਰਾਤ ਨਗਦੀ ਅਤੇ ਮੋਬਾਇਲ ਲੁੱਟੇ ਜਾਣ ਦਾ ਸਮਾਚਾਰ ਹੈ | ਠੇਕੇ ਤੇ ਕੰਮ ਕਰਦੇ ਮਨਜੀਤ ਸਿੰਘ ਨੇ ਦੱਸਿਆ ਕਿ ਰਾਤ 10 ਵਜੇ ਦੇ ਕਰੀਬ ਜਦੋਂ ਉਹ ਠੇਕਾ ਬੰਦ ਕਰਕੇ ਪਿੰਡ ਜੰਡਿਆਲਾ ਨੂੰ ਪਰਤ ਰਿਹਾ ਸੀ ਤਾਂ ਥਾਬਲਕੇ ਦੀ ਪੁਲੀ ਨੇੜੇ ਪਹਿਲਾਂ ਹੀ ਉਡੀਕ ਰਹੇ ਮੋਟਰਸਾਈਕਲ ਸਵਾਰਾਂ ਨੇ ਉਸ ਨੂੰ ਘੇਰ ਲਿਆ ਅਤੇ ਮੇਰੇ ਮੋਟਰਸਾਈਕਲ ਦੀ ਚਾਬੀ ਕੱਢ ਲਈ | ਉਹਨਾਂ ਦਾਤ ਦਿਖਾ ਕੇ ਸਭ ਕੁਝ ਹਵਾਲੇ ਕਰਨ ਲਈ ਕਿਹਾ | ਮਨਜੀਤ ਨੇ ਦੱਸਿਆ ਕਿ ਮੇਰੇ ਕੋਲੋਂ ਕੁਝ ਸਮਾਂ ਪਹਿਲਾਂ ਹੀ ਕੈਸ਼ ਵੈਨ ਨਗਦੀ ਲੈ ਕੇ ਗਈ ਸੀ ਜਿਸ ਕਾਰਨ ਮੇਰੇ ਕੋਲ ਸਿਰਫ 4000 ਰੁਪਏ ਹੀ ਸਨ | ਲੁਟੇਰਿਆਂ ਨੇ ਮੇਰੇ ਕੋਲੋਂ ਉਕਤ ਨਗਦੀ ਅਤੇ ਸੈਮਸੰਗ ਦਾ ਮੋਬਾਇਲ ਖੋਹ ਲਿਆ ਅਤੇ ਫਰਾਰ ਹੋ ਗਏ | ਉਸ ਨੇ ਦੱਸਿਆ ਕਿ ਇਸ ਖੋਹ ਸਬੰਧੀ ਪੁਲਿਸ ਨੂੰ ਸੂਚਨਾ ਦਿੱਤੀ ਜਾ ਰਹੀ ਹੈ |
