ਜਲੰਧਰ, 16 ਮਈ (ਸ਼ੈਲੀ) - ਸ਼ਿਵ ਰਾਮ ਕਲਾ ਮੰਚ, ਸ਼੍ਰੀ ਰਾਮਲੀਲਾ ਕਮੇਟੀ, ਮਾਡਲ ਹਾਊਸ, ਅੱਜ, 17 ਮਈ ਨੂੰ ਸ਼੍ਰੀ ਲਕਸ਼ਮੀ ਨਾਰਾਇਣ ਮੰਦਰ, ਮਾਡਲ ਹਾਊਸ ਵਿਖੇ ਰਾਮਾਇਣ ਗਿਆਨ ਮੁਕਾਬਲਾ ਕਰਵਾਇਆ ਜਾ ਰਿਹਾ ਹੈ | ਜਾਣਕਾਰੀ ਦਿੰਦੇ ਹੋਏ ਯੋਗਾਚਾਰੀਆ ਰਜਨੀਸ਼ ਕੁਮਾਰ ਨੇ ਦੱਸਿਆ ਕਿ ਇਸ ਮੁਕਾਬਲੇ ਵਿੱਚ ਇਲਾਕੇ ਦੇ 15 ਸਕੂਲਾਂ ਦੇ 300 ਬੱਚੇ ਹਿੱਸਾ ਲੈ ਰਹੇ ਹਨ | ਬਾਲ ਕਲਾਕਾਰਾਂ ਦੇ ਨਾਲ-ਨਾਲ ਸ਼ਹਿਰ ਦੀਆਂ ਕਈ ਰਾਮਲੀਲਾ ਕਮੇਟੀਆਂ ਦੇ ਕਲਾਕਾਰ ਅਤੇ ਮੇਕਅਪ ਕਲਾਕਾਰ ਹਿੱਸਾ ਲੈ ਰਹੇ ਹਨ | ਇਹ ਮੁਕਾਬਲਾ ਸਵੇਰੇ 9 ਤੋਂ ਦੁਪਹਿਰ 12 ਵਜੇ ਤੱਕ ਸ਼੍ਰੀ ਲਕਸ਼ਮੀ ਨਾਰਾਇਣ ਮੰਦਰ, ਮਾਡਲ ਹਾਊਸ ਵਿਖੇ ਹੋਵੇਗਾ | ਮੁਕਾਬਲੇ ਦੀਆਂ ਤਿਆਰੀਆਂ ਸਬੰਧੀ ਇੱਕ ਵਿਸ਼ੇਸ਼ ਮੀਟਿੰਗ ਜਨਰਲ ਸਕੱਤਰ ਕੁਲਵਿੰਦਰ ਸਿੰਘ ਹੀਰਾ ਦੇ ਦਫ਼ਤਰ ਵਿੱਚ ਹੋਈ | ਇਸ ਮੌਕੇ ਸੰਸਥਾਪਕ ਤੇ ਪ੍ਰਧਾਨ ਰਜਨੀਸ਼ ਕੁਮਾਰ, ਚੇਅਰਮੈਨ ਹਰਜੀਵਨ ਗੋਗਨਾ, ਜਨਰਲ ਸਕੱਤਰ ਕੁਲਵਿੰਦਰ ਸਿੰਘ ਹੀਰਾ, ਡਾਇਰੈਕਟਰ ਧੀਰਜ ਸਹਿਗਲ, ਖਜ਼ਾਨਚੀ ਵਿਸ਼ਾਲ ਭੱਲਾ, ਰਾਵਣ ਜਗਦੀਸ਼ ਬਿੱਟਾ, ਕਾਰਤਿਕ, ਮਾਨਵ ਸਮੇਤ ਸਮੂਹ ਮੈਂਬਰ ਕਲਾਕਾਰ ਹਾਜ਼ਰ ਸਨ |
