ਜਲੰਧਰ, 18 ਅਪ੍ਰੈਲ (ਐੱਮ. ਐੱਸ. ਲੋਹੀਆ)-ਜਿਗਰ (ਲਿਵਰ) ਮਨੁੱਖੀ ਸਰੀਰ ਦਾ ਇਕ ਬਹੁਤ ਮਹੱਤਵਪੂਰਨ ਤੇ ਸਰਗਰਮ ਅੰਗ ਹੈ, ਜੋ 500 ਤੋਂ ਵੱਧ ਸ਼ਰੀਰਕ ਕਾਰਜਾਂ 'ਚ ਭਾਗ ਲੈਂਦਾ ਹੈ | ਇਹ ਪਾਚਣ ਦੀ ਪ੍ਰਕਿਰਿਆ, ਸਰੀਰ 'ਚੋਂ ਜ਼ਹਿਰੀਲੇ ਤੱਤਾਂ ਨੂੰ ਬਾਹਰ ਕੱਢਣ, ਊਰਜਾ ਸਟੋਰ ਕਰਨ ਤੇ ਰੋਗ ਪ੍ਰਤੀਰੋਧਕ ਸਮਰੱਥਾ ਨੂੰ ਬਣਾਈ ਰੱਖਣ 'ਚ ਅਹਿਮ ਭੂਮਿਕਾ ਨਿਭਾਉਂਦਾ ਹੈ | ਪਟੇਲ ਹਸਪਤਾਲ ਜਲੰਧਰ ਦੇ ਸੀਨੀਅਰ ਗੈਸਟ੍ਰੋਐਂਟਰੋਲੋਜਿਸਟ ਤੇ ਹੈਪੈਟੋਲੋਜਿਸਟ ਡਾ. ਵਰੁਣ ਗੁਪਤਾ ਨੇ ਜਾਣਕਾਰੀ ਦਿੱਤੀ ਕਿ ਬਦਲਦੀ ਜੀਵਨਸ਼ੈਲੀ, ਗ਼ਲਤ ਖਾਣ-ਪੀਣ ਤੇ ਘੱਟ ਸ਼ਰੀਰਿਕ ਸਰਗਰਮੀ ਕਾਰਨ ਜਿਗਰ ਨਾਲ ਸੰਬੰਧਿਤ ਬਿਮਾਰੀਆਂ ਤੇਜ਼ੀ ਨਾਲ ਵੱਧ ਰਹੀਆਂ ਹਨ | ਸਭ ਤੋਂ ਚਿੰਤਾਜਨਕ ਗੱਲ ਇਹ ਹੈ ਕਿ ਇਹ ਬਿਮਾਰੀਆਂ ਅਕਸਰ ਸ਼ੁਰੂਆਤੀ ਦੌਰ 'ਚ ਬਿਨਾਂ ਕਿਸੇ ਲੱਛਣ ਦੇ ਹੀ ਵਧਦੀਆਂ ਹਨ | ਭਾਰਤ 'ਚ ਫੈਟੀ ਲਿਵਰ ਦੇ ਵੱਧਦੇ ਖ਼ਤਰੇ ਦੀ ਗੱਲ ਕਰਦੇ ਹੋਏ ਡਾ. ਗੁਪਤਾ ਨੇ ਕਿਹਾ ਕਿ ਫੈਟੀ ਲਿਵਰ ਹੁਣ ਭਾਰਤ 'ਚ ਇਕ 'ਸਾਈਲੈਂਟ ਐਪੀਡੈਮਿਕ' ਬਣ ਰਿਹਾ ਹੈ | ਅੰਦਾਜ਼ੇ ਮੁਤਾਬਕ ਲਗਰਗ 3840 ਫੀਸਦੀ ਆਬਾਦੀ ਇਸ ਨਾਲ ਪ੍ਰਭਾਵਿਤ ਹੋ ਸਕਦੀ ਹੈ | ਉਨ੍ਹਾਂ ਕਿਹਾ ਕਿ ਇਹ ਸਮੱਸਿਆ ਹੁਣ ਸਿਰਫ਼ ਸ਼ਰਾਬ ਪੀਣ ਵਾਲਿਆਂ ਤੱਕ ਸੀਮਿਤ ਨਹੀਂ ਰਹੀ, ਸਗੋਂ ਮੋਟਾਪਾ, ਡਾਇਬੀਟੀਜ਼, ਉੱਚ ਕੋਲੇਸਟਰੋਲ ਤੇ ਗ਼ਲਤ ਜੀਵਨਸ਼ੈਲੀ ਇਸ ਦੇ ਮੁੱਖ ਕਾਰਨ ਹਨ | ਡਾ. ਗੁਪਤਾ ਨੇ ਕਿਹਾ ਕਿ ਹੈਪੇਟਾਈਟਿਸ 'ਬੀ' ਅਤੇ 'ਸੀ' ਵੀ ਜਿਗਰ ਬਿਮਾਰੀਆਂ ਦੇ ਮੁੱਖ ਕਾਰਨਾਂ 'ਚੋਂ ਹਨ, ਜੋ ਅੱਗੇ ਚੱਲ ਕੇ ਲਿਵਰ ਸਿਰੋਸਿਸ ਅਤੇ ਕੈਂਸਰ ਦਾ ਕਾਰਨ ਬਣ ਸਕਦੇ ਹਨ | ਉਨ੍ਹਾਂ ਦੱਸਿਆ ਕਿ ਪਹਿਲਾਂ ਜਿਗਰ ਦੀਆਂ ਬਿਮਾਰੀਆਂ 4050 ਸਾਲ ਦੀ ਉਮਰ 'ਚ ਵੱਧ ਹੁੰਦੀਆਂ ਸਨ, ਪਰ ਹੁਣ 2040 ਸਾਲ ਦੇ ਨੌਜਵਾਨ ਵੀ ਤੇਜ਼ੀ ਨਾਲ ਪ੍ਰਭਾਵਿਤ ਹੋ ਰਹੇ ਹਨ | ਇਸ ਦਾ ਕਾਰਨ ਦਫ਼ਤਰੀ ਕੰਮ, ਜੰਕ ਫੂਡ, ਤਣਾਅ ਤੇ ਕਸਰਤ ਦੀ ਕਮੀ ਇਸ ਦੇ ਮੁੱਖ ਕਾਰਨ ਹਨ | ਡਾ. ਗੁਪਤਾ ਨੇ ਕਿਹਾ ਕਿ ਜਿਗਰ ਦੀਆਂ ਬਿਮਾਰੀਆਂ ਦੀ ਸਭ ਤੋਂ ਵੱਡੀ ਸਮੱਸਿਆ ਇਹ ਹੈ ਕਿ ਇਸ ਦੇ ਸ਼ੁਰੂ 'ਚ ਲੱਛਣ ਨਹੀਂ ਦਿੰਦੀਆਂ | ਡਾ. ਗੁਪਤਾ ਨੇ ਸਲਾਹ ਦਿੱਤੀ ਕਿ ਨਿਯਮਿਤ ਹੈੱਲਥ ਚੈਕਅੱਪ ਅਤੇ ਲਿਵਰ ਫੰਕਸ਼ਨ ਟੈਸਟ (ਐੱਲ.ਐੱਫ਼.ਟੀ.) ਕਰਵਾਉਣਾ ਬਹੁਤ ਜ਼ਰੂਰੀ ਹੈ | ਡਾ. ਗੁਪਤਾ ਨੇ ਕਿਹਾ ਕਿ ਜਿਗਰ ਦੀਆਂ ਬਿਮਾਰੀਆਂ ਤੇਜ਼ੀ ਨਾਲ ਵੱਧ ਰਹੀਆਂ ਸਿਹਤ ਚੁਣੌਤੀਆਂ 'ਚੋਂ ਇਕ ਹਨ | ਸਮੇਂ ਸਿਰ ਜਾਂਚ, ਜਾਗਰੂਕਤਾ ਤੇ ਸਿਹਤਮੰਦ ਜੀਵਨਸ਼ੈਲੀ ਨਾਲ ਇਨ੍ਹਾਂ ਤੋਂ ਬਚਾਅ ਸੰਭਵ ਹੈ |
