ਲਾਇਨਜ਼ ਕਲੱਬ ਰਤੀਆ ਸਿਟੀ ਨੇ ਖਾਈ ਸਕੂਲ ਵਿਖੇ ਕੰਬਲ ਵੰਡੇ

ਅ

ਅਜੀਤ ਡੈਸਕ 12-08-2026

ਰਤੀਆ, 11 ਅਗਸਤ (ਬੇਅੰਤ ਕੌਰ ਮੰਡੇਰ)- ‘ਝੌਂਪੜੀ ਤੋਂ ਸਕੂਲ’ ਪ੍ਰੋਜੈਕਟ ਤਹਿਤ ਲਾਇਨਜ਼ ਕਲੱਬ ਰਤੀਆ ਸਿਟੀ ਨੇ ਕਸਤੂਰਬਾ ਗਾਂਧੀ ਬਾਲਿਕਾ ਸਕੂਲ ਖਾਈ ਵਿਖੇ ਵਿਦਿਆਰਥਣਾਂ ਨੂੰ ਕੰਬਲ ਵੰਡੇ। ਮੁੱਖ ਮਹਿਮਾਨ ਗਵਰਨਰ ਸੰਜੇ ਗਾਂਧੀ ਅਤੇ ਕੈਬਨਿਟ ਖ਼ਜ਼ਾਨਚੀ ਮਦਨ ਮਹਿਤਾ ਸਨ। ਕਲੱਬ ਪ੍ਰਧਾਨ ਗੋਪਾਲ ਚੰਦ ਕੁੱਲਰੀਆ ਨੇ ਕਿਹਾ ਕਿ ਜ਼ਿੰਦਗੀ ਇੱਕ ਸੰਘਰਸ਼ ਹੈ ਅਤੇ ਵੱਡੀਆਂ ਸਫਲਤਾਵਾਂ ਮੁਸੀਬਤਾਂ ਦਾ ਸਾਹਮਣਾ ਕਰ ਕੇ ਹੀ ਪ੍ਰਾਪਤ ਹੁੰਦੀਆਂ ਹਨ। ਉਨ੍ਹਾਂ ਕਿਹਾ ਕਿ ਪਾਂਡਵਾਂ ਨੇ ਗ਼ੁਲਾਮੀ ਦੇ ਖ਼ਤਰਿਆਂ ਨੂੰ ਸਹਿਣ ਕੀਤਾ, ਲਕਸ਼ ਗ੍ਰਹਿ ਦੀ ਅਜ਼ਮਾਇਸ਼ ਨੂੰ ਸਹਿਣ ਕੀਤਾ ਅਤੇ ਵੱਡੀ ਕੌਰਵ ਫ਼ੌਜ ਨੂੰ ਹਰਾਇਆ। ਐਡੀਸਨ, ਨਿਊਟਨ ਅਤੇ ਮੈਰੀ ਕਿਊਰੀ ਨੇ ਵੀ ਆਪਣੇ ਜੀਵਨ ’ਚ ਕਈ ਚੁਣੌਤੀਆਂ ਦਾ ਸਾਹਮਣਾ ਕੀਤਾ। ਭਾਰਤ ਦੀ ਮੈਰੀਕਾਮ, ਜਿਸ ਨੇ ਹਾਲ ਹੀ ’ਚ ਰਾਸ਼ਟਰਮੰਡਲ ਖੇਡਾਂ ’ਚ ਸੋਨ ਤਗਮਾ ਜਿੱਤਿਆ ਹੈ, ਪਹਿਲਾਂ ਵੀ ਸੋਨ ਤਗਮੇ ਜਿੱਤ ਚੁੱਕੀ ਹੈ। ਉਹ ਗ਼ਰੀਬੀ ਨਾਲ ਭਰੇ ਪਰਿਵਾਰ ’ਚ ਪੈਦਾ ਹੋਈ ਸੀ। ਜ਼ਿਲ੍ਹਾ ਗਵਰਨਰ ਸੰਜੇ ਗਾਂਧੀ ਨੇ ਕਿਹਾ ਕਿ ਜੇਕਰ ਤੁਹਾਡੇ ’ਚ ਵਿਸ਼ਵਾਸ ਹੈ ਤਾਂ ਤੁਸੀਂ ਕੋਈ ਵੀ ਸਫਲਤਾ ਪ੍ਰਾਪਤ ਕਰ ਸਕਦੇ ਹੋ। ਉਨ੍ਹਾਂ ਐਡੀਸਨ ਦੇ ਜੀਵਨ ਬਾਰੇ ਵਿਸਥਾਰ ’ਚ ਦੱਸਿਆ ਅਤੇ ਵਿਦਿਆਰਥਣਾਂ ਨੂੰ ਕਿਹਾ ਕਿ ਉਹ ਵੀ ਅਜਿਹੀ ਸਫਲਤਾ ਪ੍ਰਾਪਤ ਕਰਨ ਦੇ ਪੂਰੀ ਤਰ੍ਹਾਂ ਸਮਰੱਥ ਹਨ। ਕਲੱਬ ਮੈਂਬਰ ਤੇ ਸਾਬਕਾ ਵਿਧਾਇਕ ਲਕਸ਼ਮਣ ਨਾਪਾ ਨੇ ਕਲੱਬ ਦੇ ਕੰਮ ਦੀ ਪ੍ਰਸ਼ੰਸਾ ਕੀਤੀ। ਉਨ੍ਹਾਂ ਖ਼ੁਸ਼ੀ ਪ੍ਰਗਟ ਕੀਤੀ ਕਿ ਸਟਾਫ਼ ਡੈਪੂਟੇਸ਼ਨ ਦੀ ਮੰਗ ਪੂਰੀ ਹੋ ਗਈ ਹੈ। ਚਰਨਜੀਤ ਸਿੰਘ ਨੇ ਕਲੱਬ ਟੀਮ ਦਾ ਸਵਾਗਤ ਕਰਦਿਆਂ ਖ਼ੁਸ਼ੀ ਪ੍ਰਗਟਾਈ ਕਿ ਕਲੱਬ ਨੇ ਸਕੂਲ ’ਚ ਕਈ ਤਰ੍ਹਾਂ ਦੀਆਂ ਚੈਰੀਟੇਬਲ ਪਹਿਲ ਕਦਮੀਆਂ ਸ਼ੁਰੂ ਕੀਤੀਆਂ ਹਨ। ਪ੍ਰਿੰਸੀਪਲ ਅਵਨੀਸ਼ ਗਰਗ ਨੇ ਉਮੀਦ ਪ੍ਰਗਟ ਕੀਤੀ ਕਿ ਕਲੱਬ ਟੀਮ ਸਕੂਲ ਦਾ ਦੌਰਾ ਕਰਦੀ ਰਹੇਗੀ ਅਤੇ ਭਵਿੱਖ ’ਚ ਵੀ ਅਜਿਹੀਆਂ ਗਤੀਵਿਧੀਆਂ ਕਰਦੀ ਰਹੇਗੀ। ਇਸ ਮੌਕੇ ਪ੍ਰੋਜੈਕਟ ਚੇਅਰਮੈਨ ਸ਼ਿਵ ਕੁਮਾਰ ਗਰਗ, ਜਸਵਿੰਦਰ ਸਿੰਗਲਾ, ਸੁਭਾਸ਼ ਸਿੰਗਲਾ, ਰੀਜਨ ਚੇਅਰਮੈਨ ਪ੍ਰਦੀਪ ਬਾਂਸਲ, ਨਗਰ ਕੌਂਸਲ ਦੇ ਸਾਬਕਾ ਪ੍ਰਧਾਨ ਵਿਜੇ ਗਰੋਵਰ, ਸਾਬਕਾ ਪ੍ਰਧਾਨ ਹਰਬੀਰ ਜੋੜਾ, ਸ਼ਿੰਕੂ ਅਰੋੜਾ, ਸਤੀਸ਼ ਸਰਦਾਨਾ, ਰਾਧੇਸ਼ਿਆਮ, ਛਿਨੂੰ ਰਾਣੀ ਆਦਿ ਹਾਜ਼ਰ ਸਨ।

ਪਿਛਲੀ ਖ਼ਬਰ ਕਤਲ ਮਾਮਲੇ ’ ਚ 11 ਵਾਂ ਸਹਿ - ਮੁਲਜ਼ਮ ਗ੍ਰਿਫ਼ਤਾਰ ਅਗਲੀ ਖ਼ਬਰ ਇਨੈਲੋ ਸੁਪਰੀਮੋ ਅਭੇ ਚੌਟਾਲਾ 17 ਅਗਸਤ ਨੂੰ ਪਿੰਡ ਬਖਤੂਆ ’ ਚ ਕਰਨਗੇ ਵਰਕਰਾਂ ਨੂੰ ਸੰਬੋਧਨ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਲਾਇਨਜ਼ ਕਲੱਬ ਰਤੀਆ ਸਿਟੀ ਨੇ ਖਾਈ ਸਕੂਲ ਵਿਖੇ ਕੰਬਲ ਵੰਡੇ

Subscribers Only Story

ਸੰਬੰਧਿਤ ਖ਼ਬਰਾਂ