ਗੂਹਲਾ ਚੀਕਾ, 14 ਅਪ੍ਰੈਲ (ਓ.ਪੀ. ਸੈਣੀ)-ਐਮਰਜੈਂਸੀ ਵਿਚ ਤੁਰੰਤ ਰਾਹਤ ਪ੍ਰਦਾਨ ਕਰਨ ਲਈ ਇਕ ਸ਼ਲਾਘਾਯੋਗ ਪਹਿਲਕਦਮੀ ਵਿਚ ਸਿਗਨਸ ਹਸਪਤਾਲ ਕੈਥਲ ਨੇ ਜ਼ਿਲ੍ਹਾ ਪੁਲਿਸ ਨੂੰ ਫਸਟ ਏਡ ਕਿੱਟਾਂ ਵੰਡੀਆਂ¢ ਸਿਗਨਸ ਹਸਪਤਾਲ ਦੀ ਟੀਮ ਨੇ ਸਾਰੇ ਡਾਇਲ-112 ਵਾਹਨਾਂ, ਪੁਲਿਸ ਸਵਾਰਾਂ ਅਤੇ ਵੱਖ-ਵੱਖ ਸਟੇਸ਼ਨ ਮੁਖੀਆਂ ਨਾਲ ਸੰਬੰਧਤ ਵਾਹਨਾਂ ਨੂੰ ਫਸਟ ਏਡ ਕਿੱਟਾਂ ਪ੍ਰਦਾਨ ਕੀਤੀਆਂ, ਜਿਸ ਨਾਲ ਪੁਲਿਸ ਕਰਮਚਾਰੀ ਕਿਸੇ ਦੁਰਘਟਨਾ ਜਾਂ ਐਮਰਜੈਂਸੀ ਦੀ ਸਥਿਤੀ ਵਿਚ ਮÏਕੇ 'ਤੇ ਫਸਟ ਏਡ ਪ੍ਰਦਾਨ ਕਰ ਸਕਦੇ ਹਨ¢ ਇਸ ਪ੍ਰੋਗਰਾਮ ਦÏਰਾਨ ਡੀ.ਐਸ.ਪੀ. ਗੁਰਵਿੰਦਰ ਸਿੰਘ ਮÏਜੂਦ ਸਨ¢ ਉਨ੍ਹਾਂ ਨੇ ਇਸ ਪਹਿਲਕਦਮੀ ਲਈ ਸਿਗਨਸ ਹਸਪਤਾਲ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਫਸਟ ਏਡ ਕਿੱਟਾਂ ਨਾਲ ਲੈਸ ਪੁਲਿਸ ਵਾਹਨ ਜਨਤਾ ਦੀ ਸਹਾਇਤਾ ਕਰਨ ਅਤੇ ਸੜਕ ਹਾਦਸਿਆਂ ਜਾਂ ਹੋਰ ਐਮਰਜੈਂਸੀ ਵਿਚ ਜ਼ਖਮੀਆਂ ਨੂੰ ਤੁਰੰਤ ਰਾਹਤ ਪ੍ਰਦਾਨ ਕਰਨ ਦੇ ਵਧੇਰੇ ਸਮਰੱਥ ਹੋਣਗੇ¢ ਸਿਗਨਸ ਹਸਪਤਾਲ ਪ੍ਰਬੰਧਨ ਨੇ ਕਿਹਾ ਕਿ ਉਨ੍ਹਾਂ ਦਾ ਉਦੇਸ਼ ਸਮਾਜ ਸੇਵਾ ਦੇ ਨਾਲ-ਨਾਲ ਐਮਰਜੈਂਸੀ ਵਿੱਚ ਜਾਨਾਂ ਬਚਾਉਣ ਦੇ ਯਤਨਾਂ ਨੂੰ ਮਜ਼ਬੂਤ ਕਰਨਾ ਹੈ¢ ਇਹ ਪਹਿਲ, ਪੁਲਿਸ ਵਿਭਾਗ ਦੇ ਸਹਿਯੋਗ ਨਾਲ, ਜਾਰੀ ਰਹੇਗੀ¢
