ਬੈਂਟਲੀ ਨੇ ਲਾਂਚ ਕੀਤੀ ਪਹਿਲੀ ਪੂਰੀ ਇਲੈਕਟ੍ਰਿਕ ਕਾਰ ‘ ਟੋਰਕਲ ’ ਕੀਮਤ 173,000 ਪੌਂਡ ਤੋਂ ਸ਼ੁਰੂ
ਲੰਡਨ, 26 ਸਤੰਬਰ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-ਬਰਤਾਨੀਆ ਦੀ ਲਗਜ਼ਰੀ ਕਾਰ ਨਿਰਮਾਤਾ ਕੰਪਨੀ ਬੈਂਟਲੀ ਮੋਟਰਜ਼ ਨੇ ਆਪਣੇ 107 ਸਾਲਾਂ ਦੇ ਇਤਿਹਾਸ ਵਿਚ ਪਹਿਲੀ ਪੂਰੀ ਤਰ੍ਹਾਂ ਇਲੈਕਟ੍ਰਿਕ ਕਾਰ ‘ਟੋਰਕਲ’ ਪੇਸ਼ ਕਰਕੇ ਇਲੈਕਟ੍ਰਿਕ ਵਾਹਨਾਂ ਦੇ ਯੁੱਗ ਵਿਚ ਵੱਡਾ ਕਦਮ ਰੱਖਿਆ ਹੈ। ਲੰਡਨ ਵਿਚ ਪੇਸ਼ ਕੀਤੀ ਗਈ ਨਵੀਂ ਬੈਂਟਲੀ ਟੋਰਕਲ ਇਕ ਪੰਜ ਸੀਟਾਂ ਵਾਲੀ ਲਗਜ਼ਰੀ ਇਲੈਕਟ੍ਰਿਕ ਐੱਸ.
ਲੰਡਨ, 26 ਸਤੰਬਰ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-ਬਰਤਾਨੀਆ ਦੀ ਲਗਜ਼ਰੀ ਕਾਰ ਨਿਰਮਾਤਾ ਕੰਪਨੀ ਬੈਂਟਲੀ ਮੋਟਰਜ਼ ਨੇ ਆਪਣੇ 107 ਸਾਲਾਂ ਦੇ ਇਤਿਹਾਸ ਵਿਚ ਪਹਿਲੀ ਪੂਰੀ ਤਰ੍ਹਾਂ ਇਲੈਕਟ੍ਰਿਕ ਕਾਰ ‘ਟੋਰਕਲ’ ਪੇਸ਼ ਕਰਕੇ ਇਲੈਕਟ੍ਰਿਕ ਵਾਹਨਾਂ ਦੇ ਯੁੱਗ ਵਿਚ ਵੱਡਾ ਕਦਮ ਰੱਖਿਆ ਹੈ।ਲੰਡਨ ਵਿਚ ਪੇਸ਼ ਕੀਤੀ ਗਈ ਨਵੀਂ ਬੈਂਟਲੀ ਟੋਰਕਲ ਇਕ ਪੰਜ ਸੀਟਾਂ ਵਾਲੀ ਲਗਜ਼ਰੀ ਇਲੈਕਟ੍ਰਿਕ ਐੱਸ.ਯੂ.ਵੀ. ਹੈ। ਇਸ ਦੀ ਸ਼ੁਰੂਆਤੀ ਕੀਮਤ ਕਰੀਬ 173,000 ਪੌਂਡ ਰੱਖੀ ਗਈ ਹੈ। ਟੋਰਕਲ ਹੁਣ ਕਾਂਟੀਨੈਂਟਲ ਜੀ.ਟੀ., ਫਲਾਇੰਗ ਸਪਰ ਅਤੇ ਬੈਂਟੇਗਾ ਦੇ ਨਾਲ ਬੈਂਟਲੀ ਦੀ ਚੌਥੀ ਮਾਡਲ ਲਾਈਨ ਬਣ ਗਈ ਹੈ।ਬੈਂਟਲੀ ਮੁਤਾਬਕ ਟੋਰਕਲ ਇਕ ਵਾਰ ਪੂਰੀ ਚਾਰਜ ਹੋਣ ’ਤੇ 375 ਮੀਲ (ਕਰੀਬ 600 ਕਿਲੋਮੀਟਰ) ਤੱਕ ਦਾ ਸਫ਼ਰ ਤੈਅ ਕਰ ਸਕਦੀ ਹੈ। ਤੇਜ਼ ਡੀ.ਸੀ. ਚਾਰਜਿੰਗ ਰਾਹੀਂ ਇਸ ਦੀ ਬੈਟਰੀ ਨੂੰ 10 ਫ਼ੀਸਦੀ ਤੋਂ 80 ਫ਼ੀਸਦੀ ਤੱਕ ਲਗਭਗ 16 ਮਿੰਟ ਵਿੱਚ ਚਾਰਜ ਕੀਤਾ ਜਾ ਸਕਦਾ ਹੈ। 350 ਕਿਲੋਵਾਟ ਚ ਾਰਜਿੰਗ ਸਟੇਸ਼ਨ ’ਤੇ ਸਿਰਫ਼ 10 ਮਿੰਟ ਦੀ ਚਾਰਜਿੰਗ ਨਾਲ 150 ਮੀਲ ਤੋਂ ਵੱਧ ਦੀ ਵਾਧੂ ਰੇਂਜ ਮਿਲ ਸਕਦੀ ਹੈ।ਟੋਰਕਲ ਦੇ ਦੋ ਮੁੱਖ ਮਾਡਲ ਪੇਸ਼ ਕੀਤੇ ਗਏ ਹਨ। ਸਟੈਂਡਰਡ ਟੋਰਕਲ ਦੇ ਦੋ ਇਲੈਕਟ੍ਰਿਕ ਮੋਟਰ 809 ਬੀ.ਐੱਚ.ਪੀ. ਦੇ ਕਰੀਬ ਤਾਕਤ ਪੈਦਾ ਕਰਦੇ ਹਨ ਅਤੇ ਕਾਰ 0 ਤੋਂ 60 ਮੀਲ ਪ੍ਰਤੀ ਘੰਟਾ ਦੀ ਰਫ਼ਤਾਰ 3.3 ਸਕਿੰਟ ਵਿੱਚ ਹਾਸਲ ਕਰ ਸਕਦੀ ਹੈ। ਇਸ ਦੀ ਅਧਿਕਤਮ ਰਫ਼ਤਾਰ 155 ਮੀਲ ਪ੍ਰਤੀ ਘੰਟਾ ਹੈ।ਇਸ ਦਾ ਵਧੇਰੇ ਸ਼ਕਤੀਸ਼ਾਲੀ ਟੋਰਕਲ ਐੱਸ ਮਾਡਲ 876 ਬੀ.ਐੱਚ.ਪੀ. ਤੱਕ ਤਾਕਤ ਅਤੇ 1,350 ਐੱਨ.ਐੱਮ. ਟਾਰਕ ਪੈਦਾ ਕਰਦਾ ਹੈ। ਲਾਂਚ ਕੰਟਰੋਲ ਨਾਲ ਇਹ ਮਾਡਲ 0 ਤੋਂ 60 ਮੀਲ ਪ੍ਰਤੀ ਘੰਟਾ ਦੀ ਰਫ਼ਤਾਰ ਸਿਰਫ਼ 2.8 ਸਕਿੰਟ ਵਿਚ ਹਾਸਲ ਕਰ ਸਕਦਾ ਹੈ।ਟੋਰਕਲ ਨੂੰ ਬੈਂਟਲੀ ਦੇ ਇੰਗਲੈਂਡ ਸਥਿਤ ਮੁੱਖ ਕੇਂਦਰ ਵਿੱਚ ਡਿਜ਼ਾਈਨ ਅਤੇ ਵਿਕਸਤ ਕੀਤਾ ਗਿਆ ਹੈ। ਕੰਪਨੀ ਨੇ ਆਪਣੀ ਰਵਾਇਤੀ ਲਗਜ਼ਰੀ ਕਾਰੀਗਰੀ—ਚਮੜੇ, ਲੱਕੜ ਅਤੇ ਹੋਰ ਉੱਚ ਪੱਧਰੀ ਸਮ ਗਰੀ ਨੂੰ ਆਧੁਨਿਕ ਡਿਜੀਟਲ ਅਤੇ ਇਲੈਕਟ੍ਰਿਕ ਤਕਨੀਕ ਨਾਲ ਜੋੜਨ ਦੀ ਕੋਸ਼ਿਸ਼ ਕੀਤੀ ਹੈ।ਟੋਰਕਲ ਦੀ 173,000 ਪੌਂਡ ਦੇ ਕਰੀਬ ਸ਼ੁਰੂਆਤੀ ਕੀਮਤ ਇਸ ਨੂੰ ਫਰਾਰੀ ਦੀ ਪਹਿਲੀ ਇਲੈਕਟ੍ਰਿਕ ਕਾਰ ‘ਲੂਚੇ’ ਲਈ ਵੀ ਲਗਜ਼ਰੀ ਇਲੈਕਟ੍ਰਿਕ ਵਾਹਨ ਬਾਜ਼ਾਰ ਵਿਚ ਇਕ ਨਵਾਂ ਮੁਕਾਬਲੇਬਾਜ਼ ਬਣਾਉਂਦੀ ਹੈ।ਬੈਂਟਲੀ ਦੀ ਪਹਿਲੀ ਪੂਰੀ ਇਲੈਕਟ੍ਰਿਕ ਕਾਰ ਦਾ ਆਉਣਾ ਬ੍ਰਿਟਿਸ਼ ਮੋਟਰ ਉਦਯੋਗ ਲਈ ਵੀ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ, ਕਿਉਂਕਿ ਟੋਰਕਲ ਦਾ ਉਤਪਾਦਨ ਕੰਪਨੀ ਦੇ ਕਰਓ ਸਥਿਤ ਪਲਾਂਟ ਵਿੱਚ ਕੀਤਾ ਜਾਵੇਗਾ।
