ਪਾਣੀ ‘ਚ ਡੁੱਬਣ ਵਾਲਿਆਂ ਦੇ ਬਚਾਅ ਲਈ 4 ਦੋਸਤਾਂ ਨੇ ਵਿੱਢਿਆ ਸ਼ਲਾਘਾਯੋਗ ਉਪਰਾਲਾ ਇਸ ਸਾਲ 42 ਮੌਤਾਂ ਹੋਣ ਦੀ ਪੁਸ਼ਟੀ

ਵੈਨਕੂਵਰ, 8 ਸਤੰਬਰ (ਮਲਕੀਤ ਸਿੰਘ)-ਕੈਨੇਡਾ ਦੇ ਸੂਬੇ ਬ੍ਰਿਟਿਸ਼ ਕੋਲੰਬੀਆ ਵਿਚ ਇਸ ਸਾਲ ਪਾਣੀ ਵਿਚ ਡੁੱਬਣ ਕਾਰਨ ਹੋਈਆਂ ਮੌਤਾਂ ਦੀ ਗਿਣਤੀ ‘ਚ ਚਿੰਤਾਜਨਕ ਵਾਧਾ ਦਰਜ ਕੀਤਾ ਗਿਆ ਹੈ ਇੰਨੀ ਵੱਡੀ ਗਿਣਤੀ ਵਿਚ ਅਜਿਹੀਆਂ ਘਟਨਾਵਾਂ ਵਿਚ ਹੋਏ ਵਾਧੇ ਦੇ ਬਾਵਜੂਦ ਸੂਬੇ ਦੀਆਂ ਝੀਲਾਂ ਅਤੇ ਸਮੁੰਦਰੀ ਕਿਨਾਰਿਆਂ ਨਜ਼ਦੀਕ ਬਚਾਅ ਸਾਮਾਨ ਲਗਾਉਣ ਸੰਬੰਧੀ ਕੋਈ ਠੋਸ ਕਦਮ ਨਹੀਂ ਚੁੱਕੇ ਜਾ ਸਕੇ ਜ਼ਿਕਰਯੋਗ ਹੈ ਕਿ ਇਸ ਸਾਲ ਹੁਣ ਤੱਕ ਬ੍ਰਿਟਿਸ਼ ਕੋਲੰਬੀਆ ਸੂਬੇ ਦੇ ਵੱਖ-ਵੱਖ ਸਮੁੰਦਰੀ ਤਟਾਂ ਅਤੇ ਝੀਲਾਂ ਵਿਚ ਦੇ ਡੂੰਘੇ ਪਾਣੀਆਂ ‘ਚ ਕੁਲ 42 ਮੌਤਾਂ ਹੋਣ ਦਾ ਚਿੰਤਾਜਨਕ ਅੰਕੜਾ ਸਾਹਮਣੇ ਆਇਆ ਹੈ। ਪਾਣੀ ਵਿਚ ਵਾਪਰੀਆਂ ਕਈ ਜਾਨਲੇਵਾ ਘਟਨਾਵਾਂ ਤੋਂ ਬਾਅਦ ਸਕੁਐਮਿਸ਼ ਦੇ ਚਾਰ ਦੋਸਤਾਂ ਨੇ ਕੁਝ ਚੋਣਵੇ ਸਮੁੰਦਰੀ ਅਤੇ ਝੀਲਾਂ ਦੇ ਕਿਨਾਰੇ ਨੇੜੇ ਅਜਿਹਾ ਬਚਾਅ ਸਾਮਾਨ ਲਗਾਉਣ ਲਈ ਇੱਕ ਸ਼ਲਾਘਾਯੋਗ ਮੁਹਿੰਮ ਸ਼ੁਰੂ ਕੀਤੀ ਹੈ, ਜਿਸ ਦੀ ਵਰਤੋਂ ਐਮਰਜੈਂਸੀ ਵੇਲੇ ਪਾਣੀ ਵਿੱਚ ਡੁੱਬ ਰਹੇ ਵਿਅਕਤੀ ਦੀ ਜਾਨ ਬਚਾਉਣ ਲਈ ਕੀਤੀ ਜਾ ਸਕੇ।