ਦਿੱਲੀ ਪੁਲਿਸ ਤੇ ਸੀ.ਆਈ.ਏ. ਦੇ ਨਾਂਅ ’ਤੇ ਬਜ਼ੁਰਗ ਔਰਤ ਤੋਂ 9.19 ਲੱਖ ਡਾਲਰ ਠੱਗੇ
ਕਵੀਨਜ਼ ਦੀ ਔਰਤ ਗ੍ਰਿਫ਼ਤਾਰ
ਨਿਊਯਾਰਕ, 4 ਸਤੰਬਰ (ਰਾਜੂ ਸ਼ਹਿਬਾਜ਼ਪੁਰਾ)-ਲੌਂਗ ਆਈਲੈਂਡ ਦੇ ਹਿਕਸਵਿਲ ਵਿਚ ਰਹਿਣ ਵਾਲੀ 70 ਸਾਲਾ ਔਰਤ ਨੂੰ ਅਪਰਾਧਿਕ ਮਾਮਲੇ ਵਿਚ ਫਸਾਉਣ ਦਾ ਡਰ ਦਿਖਾ ਕੇ 9 ਲੱਖ 19 ਹਜ਼ਾਰ 200 ਡਾਲਰ ਦੀ ਕਥਿਤ ਠੱਗੀ ਕੀਤੀ ਗਈ। ਨਸਾਉ ਕਾਊਂਟੀ ਪੁਲਿਸ ਨੇ ਮਾਮਲੇ ਵਿਚ ਵੁੱਡਸਾਈਡ, ਕਵੀਨਜ਼ ਦੀ 32 ਸਾਲਾ ਔਰਤ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
ਗ
ਗ੍ਰਿਫ਼ਤਾਰ ਕੀਤੀ ਗਈ ਠੱਗ ਔਰਤ ਆਪਣਾ ਮੂੰਹ ਲੁਕਾਉਂਦੀ ਹੋਈ।
05-09-2026
ਨਿਊਯਾਰਕ, 4 ਸਤੰਬਰ (ਰਾਜੂ ਸ਼ਹਿਬਾਜ਼ਪੁਰਾ)-ਲੌਂਗ ਆਈਲੈਂਡ ਦੇ ਹਿਕਸਵਿਲ ਵਿਚ ਰਹਿਣ ਵਾਲੀ 70 ਸਾਲਾ ਔਰਤ ਨੂੰ ਅਪਰਾਧਿਕ ਮਾਮਲੇ ਵਿਚ ਫਸਾਉਣ ਦਾ ਡਰ ਦਿਖਾ ਕੇ 9 ਲੱਖ 19 ਹਜ਼ਾਰ 200 ਡਾਲਰ ਦੀ ਕਥਿਤ ਠੱਗੀ ਕੀਤੀ ਗਈ। ਨਸਾਉ ਕਾਊਂਟੀ ਪੁਲਿਸ ਨੇ ਮਾਮਲੇ ਵਿਚ ਵੁੱਡਸਾਈਡ, ਕਵੀਨਜ਼ ਦੀ 32 ਸਾਲਾ ਔਰਤ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।ਪੁਲਿਸ ਮੁਤਾਬਕ ਪੀੜਤਾ ਨੂੰ ਫੋਨ ਕਰਨ ਵਾਲੀ ਔਰਤ ਨੇ ਆਪਣੇ ਆਪ ਨੂੰ ਭਾਰਤ ਦੇ ਦਿੱਲੀ ਪੁਲਿਸ ਵਿਭਾਗ ਨਾਲ ਜੁੜਿਆ ਦੱਸਿਆ। ਉਸ ਨੇ ਬਜ਼ੁਰਗ ਔਰਤ ਨੂੰ ਕਿਹਾ ਕਿ ਉਸ ਦਾ ਨਾਂਅ ਭਾਰਤ ਵਿਚ ਹੋਏ ਇੱਕ ਅਪਰਾਧ ਨਾਲ ਜੁੜਿਆ ਹੈ ਅਤੇ ਮਾਮਲਾ ਸੁਲਝਾਉਣ ਲਈ ਉਸ ਨੂੰ ਤੁਰੰਤ ਵੱਡੀ ਰਕਮ ਭੇਜਣੀ ਪਵੇਗੀ।ਡਰ ਅਤੇ ਦਬਾਅ ਹੇਠ ਆਈ ਪੀੜਤਾ ਨੇ 29 ਜੂਨ ਤੋਂ 27 ਜੁਲਾਈ ਵਿਚਾਲੇ ਆਪਣੇ ਖਾਤਿਆਂ ਵਿਚੋਂ ਕਈ ਵਾਰ ਰਕਮ ਕਢਵਾ ਕੇ ਕੁੱਲ 9 ਲੱਖ 19 ਹਜ਼ਾਰ 200 ਡਾਲਰ ਭੇਜ ਦਿੱਤੇ। ਇਸ ਤੋਂ ਬਾਅਦ ਵੀ ਠੱਗਾਂ ਨੇ ਉਸ ਨਾਲ ਸੰਪਰਕ ਜਾਰੀ ਰੱਖਿਆ।ਪੀੜਤਾ ਨੂੰ ਮੁੜ ਫੋਨ ਕਰਕੇ 3 ਲੱਖ ਡਾਲਰ ਦੇ ਸੋਨੇ ਦੇ ਬਿਸਕੁਟ ਅਤੇ ਸਿੱਕੇ ਖਰੀਦਣ ਲਈ ਕਿਹਾ ਗਿਆ। ਉਸ ਨੂੰ ਦੱਸਿਆ ਗਿਆ ਕਿ ਇਕ ਕਥਿਤ ਸੀ.ਆਈ.ਏ. ਏਜੰਟ ਜਾਂਚ ਲਈ ਸੋਨਾ ਲੈਣ ਆਵੇਗਾ। ਇਸ ਮੰਗ ਤੋਂ ਬਾਅਦ ਔਰਤ ਨੂੰ ਠੱਗੀ ਦਾ ਅਹਿਸਾਸ ਹੋਇਆ ਅਤੇ ਉਸ ਨੇ ਤੁਰੰਤ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ।ਨਸਾਉ ਕਾਊਂਟੀ ਪੁਲਿਸ ਨੇ ਹਿਕਸਵਿਲ ਦੇ 280 ਨਾਰਥ ਬਰਾਡਵੇ ਸਥਿਤ ਮੈਕਡੋਨਲਡਜ਼ ਦੀ ਪਾਰਕਿੰਗ ਵਿੱਚ ਜਾਲ ਵਿਛਾਇਆ। ਪੁਲਿਸ ਨੇ ਅਸਲੀ ਸੋਨੇ ਦੀ ਥਾਂ ਨਕਲੀ ਸੋਨੇ ਦੇ ਬਿਸਕੁਟਾਂ ਨਾਲ ਭਰਿਆ ਬੈਗ ਤਿਆਰ ਕੀਤਾ। ਅਸਲੀ ਹੋਣ ਦੀ ਸੂਰਤ ਵਿੱਚ ਇਸ ਸੋਨੇ ਦੀ ਕੀਮਤ 2 ਲੱਖ 84 ਹਜ਼ਾਰ 650 ਡਾਲਰ ਹੋਣੀ ਸੀ।ਪੁਲਿਸ ਅਨੁਸਾਰ ਬੈਗ ਲੈਣ ਪਹੁੰਚੀ ਔਰਤ ਨੇ ਪਹਿਲਾਂ ਤੋਂ ਤੈਅ ਗੁਪਤ ਕੋਡ ਦੱਸਿਆ, ਜੋ ਇਕ ਡਾਲਰ ਦੇ ਨੋਟ ਉਤੇ ਲਿਖਿਆ ਸੀਰੀਅਲ ਨੰਬਰ ਸੀ। ਜਿਵੇਂ ਹੀ ਉਸ ਨੇ ਅੰਡਰਕਵਰ ਅਧਿਕਾਰੀ ਤੋਂ ਨਕਲੀ ਸੋਨੇ ਵਾਲਾ ਬੈਗ ਲਿਆ, ਪੁਲਿਸ ਨੇ ਉਸ ਨੂੰ ਮੌਕੇ ’ਤੇ ਗ੍ਰਿਫ਼ਤਾਰ ਕਰ ਲਿਆ। ਮੁਲਜ਼ਮ ਔਰਤ ਵਿਰੁੱਧ ਦੂਜੇ ਦਰਜੇ ਦੀ ਵੱਡੀ ਚੋਰੀ ਦੀ ਕੋਸ਼ਿਸ਼ ਦਾ ਦੋਸ਼ ਲਗਾਇਆ ਗਿਆ ਹੈ। ਉਸ ਨੇ ਅਦਾਲਤ ਵਿਚ ਦੋਸ਼ ਮੰਨਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਪੁਲਿਸ ਹੁਣ ਇਸ ਠੱਗੀ ਵਿਚ ਸ਼ਾਮਿਲ ਹੋਰ ਵਿਅਕਤੀਆਂ ਅਤੇ ਪੀੜਤਾ ਵਲੋਂ ਪਹਿਲਾਂ ਭੇਜੇ ਗਏ 9 ਲੱਖ 19 ਹਜ਼ਾਰ 200 ਡਾਲਰ ਦਾ ਪਤਾ ਲਗਾ ਰਹੀ ਹੈ।
