ਆਨੰਦ ਤਿਵਾੜੀ ਭਾਰਤੀ ਜੂਨੀਅਰ ਬੈਡਮਿੰਟਨ ਟੀਮ ਦੇ ਕੋਚ ਨਿਯੁਕਤ
ਲੁਧਿਆਣਾ, 24 ਅਗਸਤ (ਜਸਵਿੰਦਰ ਸਿੰਘ)-ਭਾਰਤੀ ਬੈਡਮਿੰਟਨ ਜੂਨੀਅਰ ਟੀਮ 8 ਤੋਂ 13 ਸਤੰਬਰ ਤੱਕ ਚੇਂਗਦੂ, ਚੀਨ ਵਿਚ ਹੋਣ ਵਾਲੀ ਬੈਡਮਿੰਟਨ ਏਸ਼ੀਆ ਅੰਡਰ 17 ਤੇ ਅੰਡਰ 15 ਜੂਨੀਅਰ ਚੈਂਪੀਅਨਸ਼ਿਪ ਵਿਚ ਭਾਗ ਲਵੇਗੀ। ਬੈਡਮਿੰਟਨ ਐਸੋਸੀਏਸ਼ਨ ਆਫ ਇੰਡੀਆ ਵਲੋਂ ਇਕ ਪੱਤਰ ਜਾਰੀ ਕਰਕੇ ਲੁਧਿਆਣਾ ਨਾਲ ਸੰਬੰਧਿਤ ਆਨੰਦ ਤਿਵਾੜੀ, ਬੈਡਮਿੰਟਨ ਕੋਚ, ਨੂੰ ਉਪਰੋਕਤ ਚੈਂਪੀਅਨਸ਼ਿਪ ਲਈ ਭਾਰਤੀ ਬੈਡਮਿੰਟਨ ਜੂਨੀਅਰ ਟੀਮ ਦੇ ਕੋਚ ਵਜੋਂ ਨਿਯੁਕਤ ਕੀਤਾ ਗਿਆ ਹੈ।
ਲੁਧਿਆਣਾ, 24 ਅਗਸਤ (ਜਸਵਿੰਦਰ ਸਿੰਘ)-ਭਾਰਤੀ ਬੈਡਮਿੰਟਨ ਜੂਨੀਅਰ ਟੀਮ 8 ਤੋਂ 13 ਸਤੰਬਰ ਤੱਕ ਚੇਂਗਦੂ, ਚੀਨ ਵਿਚ ਹੋਣ ਵਾਲੀ ਬੈਡਮਿੰਟਨ ਏਸ਼ੀਆ ਅੰਡਰ 17 ਤੇ ਅੰਡਰ 15 ਜੂਨੀਅਰ ਚੈਂਪੀਅਨਸ਼ਿਪ ਵਿਚ ਭਾਗ ਲਵੇਗੀ। ਬੈਡਮਿੰਟਨ ਐਸੋਸੀਏਸ਼ਨ ਆਫ ਇੰਡੀਆ ਵਲੋਂ ਇਕ ਪੱਤਰ ਜਾਰੀ ਕਰਕੇ ਲੁਧਿਆਣਾ ਨਾਲ ਸੰਬੰਧਿਤ ਆਨੰਦ ਤਿਵਾੜੀ, ਬੈਡਮਿੰਟਨ ਕੋਚ, ਨੂੰ ਉਪਰੋਕਤ ਚੈਂਪੀਅਨਸ਼ਿਪ ਲਈ ਭਾਰਤੀ ਬੈਡਮਿੰਟਨ ਜੂਨੀਅਰ ਟੀਮ ਦੇ ਕੋਚ ਵਜੋਂ ਨਿਯੁਕਤ ਕੀਤਾ ਗਿਆ ਹੈ। ਬੈਡਮਿੰਟਨ ਕੋਚ ਆਨੰਦ ਤਿਵਾੜੀ ਦੀ ਅਗਵਾਈ ਹੇਠ ਕਈ ਖਿਡਾਰੀ ਸਟੇਟ ਪੱਧਰ ਤੇ ਨੈਸ਼ਨਲ ਪੱਧਰ ’ਤੇ ਮੈਡਲ ਜਿੱਤ ਕੇ ਲੁਧਿਆਣਾ ਸ਼ਹਿਰ ਦਾ ਨਾਂਅ ਰੋਸ਼ਨ ਕਰ ਰਹੇ ਹਨ। ਬੈਡਮਿੰਟਨ ਕੋਚ ਆਨੰਦ ਤਿਵਾੜੀ ਦੇ ਚਾਹੁਣ ਵਾਲੇ ਤੇ ਬੈਡਮਿੰਟਨ ਖੇਡ ਪ੍ਰੇਮੀਆਂ ਦੇ ਵਿਚ ਖੁਸ਼ੀ ਦੀ ਲਹਿਰ ਪਾਈ ਜਾ ਰਹੀ ਹੈ। ਕੋਚ ਆਨੰਦ ਤਿਵਾੜੀ ਨੇ ਦੱਸਿਆ ਕਿ ਇਨ੍ਹਾਂ ਚੈਂਪੀਅਨਸ਼ਿਪਾਂ ਦੀ ਤਿਆਰੀ ਲਈ ਨੈਸ਼ਨਲ ਕੋਚਿੰਗ ਕੈਂਪ ਨੈਸ਼ਨਲ ਸੈਂਟਰ ਫਾਰ ਐਕਸੀਲੈਂਸ, ਗੁਹਾਟੀ ਵਿਖੇ 30 ਅਗਸਤ ਤੋਂ 5 ਸਤੰਬਰ 2026 ਤੱਕ ਕਰਵਾਇਆ ਜਾਵੇਗਾ।
