ਰੱਬ ਹੈ ਕਿ ਨਹੀਂ

ਸਬੱਬ ਨਾਲ ਇਕ ਦਿਨ ਪਿੰਡ ਦੇ ਬਣੇ ਦਰਵਾਜ਼ੇ ਵਿਚ ਇਕ ਗੁਰਮੁਖ ਸਿੰਘ ਜਥੇਦਾਰ ਤੇ ਇਕ ਪਾਸੇ ਕਾਮਰੇਡ ਮੋਹਣ ਸਿੰਘ ਬੈਠ ਗਏ ਤੇ ਗੱਲਾਂਬਾਤਾਂ ਚੱਲ ਪਈਆਂ |

ਕਾਮਰੇਡ ਮੋਹਣ ਸਿੰਘ ਕਹਿੰਦਾ ਬਈ ਜਥੇਦਾਰਾ ਮੈਂ ਰੱਬ ਨੂੰ  ਨਹੀਂ ਮੰਨਦਾ | ਜਥੇਦਾਰ ਨੇ ਝੱਟ ਕਿਹਾ ਕਾਮਰੇਡਾ ਬਹੁਤ ਵਧੀਆ ਤੂੰ ਲੱਕੀਂ ਆਂ | ਕਾਮਰੇਡ ਕਹਿੰਦਾ ਯਾਰ ਜਥੇਦਾਰਾ ਤੂੰ ਪਹਿਲਾ ਬੰਦਾ ਮਿਲਿਆਂ ਜਿਹਨੇ ਕਿਹਾ ਕਿ ਤੂੰ ਲੱਕੀਂ ਆਂ ਨਹੀਂ ਤਾਂ ਹਰ ਕੋਈ ਜਿਹੜਾ ਮਾੜਾ-ਮੋਟਾ ਵੀ ਰੱਬ ਨੂੰ  ਮੰਨਦਾ ਉਹ ਕਹਿੰਦਾ ਕਾਮਰੇਡ ਦਾ ਤਾਂ ਦਿਮਾਗ਼ ਫਿਰ ਗਿਆ |
ਜਥੇਦਾਰ ਚੱਲ ਤੂੰ ਇਹ ਦੱਸ ਜਦੋਂ ਕੋਈ ਤੈਨੂੰ ਦੁੱਖ ਤਕਲੀਫ਼ ਆਉਂਦੀ ਜਾਂ ਕੋਈ ਕੰਮਕਾਰ ਵਿਚ ਪ੍ਰੇਸ਼ਾਨੀ ਆਉਂਦੀ ਆ ਫੇਰ ਕੀ ਕਰਦਾਂ | ਕਾਮਰੇਡ ਕਹਿੰਦਾ ਮਾੜੀ ਮੋਟੀ ਪ੍ਰੇਸ਼ਾਨੀ ਦੀ ਤਾਂ ਪ੍ਰਵਾਹ ਨਹੀਂ ਕਰੀਦੀ ਜਦੋਂ ਕਿਤੇ ਵੱਡੀ ਮੁਸੀਬਤ ਪੈਂਦੀ ਆ ਫਿਰ ਤਾਂ ਇਹ ਹੀ ਕਹੀਦਾ ਰੱਬਾ ਭਲੀ ਕਰੀਂ | ਚਿਹਰੇ 'ਤੇ ਪ੍ਰੇਸ਼ਾਨੀ ਵੀ ਨਜ਼ਰ ਆਉਣ ਲੱਗ ਜਾਂਦੀ ਆ |
ਜਥੇਦਾਰ ਕਹਿੰਦਾ ਮੇਰੇ ਮੰੂਹ ਵੱਲ ਵੇਖ ਤੈਨੂੰ ਮੇਰੇ ਚਿਹਰੇ ਤੋਂ ਲਗਦਾ ਕੋਈ, ਪੇ੍ਰਸ਼ਾਨੀ ਹੋਊ, ਕਾਮਰੇਡ ਬੋਲਿਆ, ਤੇਰੇ ਚਿਹਰੇ 'ਤੇ ਤਾਂ ਕਦੀ ਪ੍ਰੇਸ਼ਾਨੀ ਨਹੀਂ ਦੇਖੀ ਨਾ ਹੁਣ ਤੇ ਨਾ ਕਦੀ ਪਹਿਲਾਂ | ਤੂੰ ਕੀ ਕਰਦਾ ਹੁੰਨਾਂ | 
ਜਥੇਦਾਰ ਨੇ ਬੜੇ ਠਰ੍ਹੰਮੇ ਨਾਲ ਕਿਹਾ ਮੈਨੂੰ ਕੋਈ ਪ੍ਰੇਸ਼ਾਨੀ ਆ ਜਾਵੇ ਜਾਂ ਕੋਈ ਦੁੱਖ ਤਕਲੀਫ਼ ਆ ਜਾਵੇ, ਮੈਂ ਤਾਂ ਬਸ ਪਰਮਾਤਮਾ 'ਤੇ ਸੁੱਟ ਦਿਨਾਂ ਕਿ ਜੋ ਤੂੰ ਕਰ ਰਿਹਾ ਜਾਂ ਜੋ ਕੁਝ ਹੋ ਰਿਹਾ, ਇਹ ਸਭ ਕੁਝ ਤੇਰੀ ਹੀ ਦੇਣ ਹੈ, ਤੂੰ ਹੀ ਪਾਈ ਆ ਤੇ ਤੂੰ ਹੀ ਨਜਿੱਠਣੀ ਆ, ਇਹ ਕਹਿ ਕੇ ਮੈਂ ਆਪਣੇ ਮਨ ਦਾ ਪਾਰਾ ਬੋਝ ਲਾ ਦਿੰਨਾਂ | ਪਰ ਮੈਂ ਤੈਨੂੰ ਗੱਲ ਸਪੱਸ਼ਟ ਕਰ ਦਿੰਨਾ ਕਿ ਜਾਂ ਤਾਂ ਰੱਬ ਨੂੰ  ਪੂਰੀ ਤਰ੍ਹਾਂ ਮੰਨੋ ਜਾਂ ਬਿਲਕੁਲ ਨਾ ਮੰਨੋ | ਜਿਹੜਾ ਵਿਚ ਵਿਚਾਲੇ ਵਾਲਾ ਕੰਮ ਆ ਉਹ ਸਭ ਕੁਝ ਖਰਾਬ ਕਰਦਾ | ਜਿਵੇਂ ਗੋਰੇ ਆਪਣੇ ਮੁਲਕਾਂ ਵਿਚ ਰੱਬ ਨੂੰ  ਨਹੀਂ ਮੰਨਦੇ ਪਰ ਝੂਠ ਨਹੀਂ ਬੋਲਦੇ ਤੇ ਹੇਰਾ-ਫੇਰੀ ਨਹੀਂ ਕਰਦੇ | ਪਰ ਉਹ ਆਪਣੇ ਨਾਲੋਂ ਖ਼ੁਸ਼ਹਾਲੀ ਦੀ ਜ਼ਿੰਦਗੀ ਜਿਊਾਦੇ ਆ |
ਜੇ ਆਪਾਂ ਹਮੇਸ਼ਾ ਰੱਬ ਨੂੰ  ਯਾਦ ਰੱਖੀਏ ਤਾਂ ਜਿਹੜੇ ਵਿਚ ਵਿਚਾਲੇ ਵਾਲੇ ਜਿਹੜੇ ਦਿਖਾਵੇ ਵਾਲੇ ਹਨ ਤਾਂ ਉਨ੍ਹਾਂ ਦੀ ਖਾਤਰ ਦਫਤਰਾਂ ਵਿਚ ਰੱਖੀਆਂ ਪੈਨਸਲਾਂ ਨੂੰ  ਰੱਸੀਆਂ ਨਾ ਪਾਉਣੀਆਂ ਪੈਣ ਤੇ ਠੰਢੇ ਪਾਣੀ ਲਈ ਲਾਏ ਗਏ ਵਾਟਰ ਕੂਲਰਾਂ ਵਾਲੇ ਗਿਲਾਸਾਂ ਨੂੰ  ਸੰਗਲੀਆਂ ਨਾ ਪਾਉਣੀਆਂ ਪੈਣ ਤੇ ਝੂਠ ਬੋਲਣਾ ਪਵੇ | ਹੁਣ ਕਾਮਰੇਡਾ ਤੂੰ ਦਸ ਰੱਬ ਹੈ ਕਿ ਨਹੀਂ |

-ਪਿੰਡ ਤਲਵਣ | ਮੋਬਾ.: 98140-74265