ਦੋਰਾਹਾ, 11 ਅਪ੍ਰੈਲ ਮਨਜੀਤ ਸਿੰਘ ਗਿੱਲ-ਗਰੀਨਵਿਊ ਮਾਡਲ ਹਾਈ ਸਕੂਲ ਬੇਗੋਵਾਲ ਦਾ ਪੰਜਵੀਂ ਜਮਾਤ ਦਾ ਨਤੀਜਾ 100 ਪ੍ਰਤੀਸ਼ਤ ਰਿਹਾ | ਸਕੂਲ ਦੀ ਪ੍ਰਬੰਧਕ ਕਮੇਟੀ ਵੱਲੋਂ 90 ਪ੍ਰਤੀਸ਼ਤ ਤੋਂ ਵੱਧ ਅੰਕ ਲੈਣ ਵਾਲੇ 12 ਵਿਦਿਆਰਥੀਆਂ ਨੂੰ ਟਰਾਫ਼ੀਆਂ ਦੇ ਕੇ ਸਨਮਾਨਿਤ ਕੀਤਾ | ਸੀਰਤ ਕੌਰ ਗੁਰਮ ਨੇ 500 ਵਿਚੋਂ 498, ਹਰਸੀਰਤ ਕੌਰ ਨੇ 497, ਅੰਸਪ੍ਰੀਤ ਸਿੰਘ ਨੇ 495, ਆਦਿਤੀ ਕੌਰ ਨੇ 494, ਗੁਰਨੂਰ ਕੌਰ ਨੇ 484, ਸਮਰਪ੍ਰੀਤ ਸਿੰਘ ਨੇ 482, ਖੁਸ਼ਵੀਰ ਕੌਰ ਨੇ 478, ਹਰਲੀਨ ਕੌਰ ਨੇ 474, ਕੋਮਲਪ੍ਰੀਤ ਕੌਰ ਨੇ 472, ਜੁਆਏਜੀਤ ਸਿੰਘ ਨੇ 471, ਹਰਜੋਤ ਕੌਰ ਨੇ 457 ਅਤੇ ਗੁਰਲੀਨ ਕੌਰ ਨੇ 452 ਅੰਕ ਪ੍ਰਾਪਤ ਕੀਤੇ | ਪਿ੍ੰਸੀਪਲ ਮਝੈਲ ਸਿੰਘ ਨੇ ਵਿਦਿਆਰਥੀਆਂ ਅਤੇ ਮਾਪਿਆਂ ਨੂੰ ਸ਼ਾਨਦਾਰ ਨਤੀਜੇ ਲਈ ਵਧਾਈ ਦਿੱਤੀ ਅਤੇ ਨਾਲ ਵਿਦਿਆਰਥੀਆਂ ਨੂੰ ਹੋਰ ਮਿਹਨਤ ਕਰਨ ਲਈ ਪ੍ਰੇਰਿਤ ਕੀਤਾ | ਇਸ ਮੌਕੇ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਰਛਪਾਲ ਸਿੰਘ ਮਾਂਗਟ, ਪ੍ਰਬੰਧਕ ਰਣਬੀਰ ਸਿੰਘ ਮਾਂਗਟ, ਮਨਦੀਪ ਸਿੰਘ ਮਾਂਗਟ, ਸਮੂਹ ਸਟਾਫ ਅਤੇ ਵਿਦਿਆਰਥੀ ਸ਼ਾਮਿਲ ਸਨ |
