ਬਠਿੰਡਾ

ਸੀ.ਬੀ.ਐਸ.ਈ. ਨੈਸ਼ਨਲ ਬਾਸਕਟਬਾਲ ਚੈਂਪੀਅਨਸ਼ਿਪ ਸ਼ਾਨੋ-ਸ਼ੌਕਤ ਨਾਲ ਸੰਪੰਨ

ਨ

ਨੈਸ਼ਨਲ ਬਾਸਕਟਬਾਲ ਚੈਂਪੀਅਨਸ਼ਿਪ ਦੀ ਜੇਤੂ ਟੀਮ ਨੂੰ ਸਨਮਾਨਿਤ ਕਰਦੇ ਹੋਏ ਮਹਿਮਾਨ। ਤਸਵੀਰ: ਲਵਲੀ 09-10-2026

ਬਠਿੰਡਾ, 8 ਅਕਤੂਬਰ (ਅੰਮ੍ਰਿਤਪਾਲ ਸਿੰਘ ਵਲ੍ਹਾਣ)- ਇਥੇ ਸੇਂਟ ਜੇਵੀਅਰਜ਼ ਸਕੂਲ ਦੀ ਮੇਜ਼ਵਾਨੀ ਵਿਚ ਚੱਲ ਰਹੀ ਸੱਤ ਰੋਜ਼ਾ ਸੀਬੀਐਸਈ ਨੈਸ਼ਨਲ ਬਾਸਕਟਬਾਲ ਚੈਂਪੀਅਨਸ਼ਿਪ-2026 ਸ਼ਾਨੋ ਸ਼ੌਕਤ ਨਾਲ ਸਮਾਪਤ ਹੋ ਗਈ ਹੈ। ਸਮਾਪਤੀ ਸਮਾਰੋਹ ਮੌਕੇ ਮੁੱਖ ਮਹਿਮਾਨ ਵਜੋਂ ਰੈਵ. ਫਾਦਰ ਯੂਲਾਲੀਓ ਫਰਨਾਂਡੀਜ਼, ਪ੍ਰੋਵਿੰਸ਼ੀਅਲ ਸੁਪੀਰੀਅਰ, ਦਿੱਲੀ ਪ੍ਰੋਵਿੰਸ, ਸੋਸਾਇਟੀ ਆਫ਼ ਪਿਲਰ, ਅਤੇ ਵਿਸ਼ੇਸ਼ ਮਹਿਮਾਨ ਅਕਸ਼ੈ ਚੌਧਰੀ, ਮੈਨੇਜਰ ਹਿੰਦੂ ਸੀਨੀਅਰ ਸੈਕੰਡਰੀ ਸਕੂਲ, ਹਾਂਸੀ ਨੇ ਸ਼ਿਰਕਤ ਕੀਤੀ। ਇਸ ਦੌਰਾਨ ਭਾਰਤ ਸਮੇਤ 7 ਖਾੜੀ ਦੇਸ਼ਾਂ ਦੇ ਵੱਖ-ਵੱਖ ਸਕੂਲਾਂ ਦੀਆਂ 72 ਟੀਮਾਂ ਨੇ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਕੀਤਾ। ਜਿਨ੍ਹਾਂ ਵਿਚੋਂ ਅੰਡਰ-14 ਵਰਗ ਵਿਚ ਸੈਂਟਰਲ ਅਕੈਡਮੀ ਕੋਟਾ ਨੇ ਬਾਜ਼ੀ ਮਾਰਦਿਆਂ ਪਹਿਲਾ ਸਥਾਨ ਹਾਸਲ ਕੀਤਾ, ਜਦਕਿ ਸਰਮਾਉਂਟ ਇੰਟਰਨੈਸ਼ਨਲ ਸਕੂਲ ਗੋਰਖਪੁਰ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਅੰਡਰ-17 ਵਰਗ ਵਿਚ ਸੇਂਟ ਜ਼ੇਵੀਅਰਜ਼ ਸਕੂਲ, ਬਠਿੰਡਾ ਨੇ ਪਹਿਲਾ ਅਤੇ ਹਿੰਦੂ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਹਿਸਾਰ ਨੇ ਦੂਜਾ ਅਤੇ ਅੰਡਰ-19 ਸਾਲ ਵਰਗ ਵਿਚ ਵੇਲਾਮਲ ਵਿਦਿਆਲਿਆ ਅਲਾਪੱਕਮ, ਚੇਨਈ ਨੇ ਪਹਿਲੇ ਸਥਾਨ ‘ਤੇ ਰਹਿ ਕੇ ਚੈਂਪੀਅਨਸ਼ਿਪ ਆਪਣੇ ਨਾਂ ਕੀਤੀ ਹੈ। ਜਦਕਿ ਨਹਿਰੂ ਵਰਲਡ ਸਕੂਲ ਗਾਜ਼ੀਆਬਾਦ ਉਪ ਜੇਤੂ ਰਿਹਾ ਹੈ। ਅੰਡਰ-14 ਵਿਚ ਕੋਟਾ ਦੇ ਖਿਡਾਰੀ ਸੋਨੂੰ ਕੁਮਾਰ, ਅੰਡਰ-17 ਵਿਚ ਸੇਂਟ ਜ਼ੇਂਵੀਅਰਜ਼ ਸਕੂਲ, ਬਠਿੰਡਾ ਦੇ ਹਰਸਾਹਿਬ ਸਿੰਘ ਅਤੇ ਅੰਡਰ-19 ਵਿਚ ਚੇਨਈ ਦੇ ਸੋਗਦਰਸ਼ਨ ਨੂੰ ‘ਸਰਵੋਤਮ ਖਿਡਾਰੀ’ ਅਵਾਰਡ ਦਿੱਤੇ ਗਏ ਹਨ।ਇਸ ਮੌਕੇ ਸਕੂਲ ਦੇ ਵਿਦਿਆਰਥੀਆਂ ਨੇ ਰੰਗਾਰੰਗ ਪ੍ਰੋਗਰਾਮ ਪੇਸ਼ ਕਰਦਿਆਂ ਸਮਾਗਮ ਨੂੰ ਸੱਭਿਆਚਾਰਕ ਰੰਗ ਵਿਚ ਰੰਗ ਦਿੱਤਾ। ਪੰਜਾਬੀ ਲੋਕ ਨਾਚ ਭੰਗੜੇ ਨੇ ਦਰਸ਼ਕਾਂ ਦੇ ਪੈਰ ਥਿਰਕਣ ਲਾ ਦਿੱਤੇ। ਚੈਂਪੀਅਨਸ਼ਿਪ ਦੇ ਸਫਲ ਬਣਾਉਣ ਵਾਲੇ ਸੀਬੀਐਸਈ ਅਧਿਕਾਰੀਆਂ, ਰਾਸ਼ਟਰੀ ਤੇ ਅੰਤਰਰਾਸ਼ਟਰੀ ਕੋਚਾਂ ਅਤੇ ਪ੍ਰਬੰਧਕੀ ਟੀਮ ਦੇ ਮੈਂਬਰਾਂ ਸਕੂਲ ਕੋਆਰਡੀਨੇਟਰ ਅਰਚਨਾ ਰਾਜਪੂਤ, ਨੁਪੁਰ, ਮੁੱਖ ਪ੍ਰਬੰਧਕ ਦਵਿੰਦਰਪਾਲ ਸਿੰਘ ਗਿੱਲ ਅਤੇ ਤਕਨੀਕੀ ਨਿਰੀਖਕ ਵਿਜੇ ਕੁਮਾਰ ਨੂੰ ਵਿਸ਼ੇਸ਼ ਤੌਰ ‘ਤੇ ਸਨਮਾਨਿਤ ਕੀਤਾ ਗਿਆ। ਆਖੀਰ ਵਿਚ ਮਹਿਮਾਨਾਂ ਨੇ ਜੇਤੂ ਟੀਮਾਂ ਨੂੰ ਇਨਾਮ ਵੰਡੇ।

ਪਿਛਲੀ ਖ਼ਬਰ ਸ਼੍ਰੋਮਣੀ ਅਕਾਲੀ ਦਲ ਵਲੋਂ ਬੰਤ ਸਿੰਘ ਬੱਜੋਆਣਾ ਦੇ ਸਪੁੱਤਰਾਂ ਨੂੰ ਕੀਤਾ ਸਨਮਾਨਿਤ ਅਗਲੀ ਖ਼ਬਰ ਡੀ.ਏ.ਵੀ. ਕਾਲਜ ਬਠਿੰਡਾ ਨੇ ‘ਖੇਤਰੀ ਯੁਵਕ ਅਤੇ ਲੋਕ ਮੇਲੇ’ ’ਚ ਓਵਰਆਲ ਦੂਜੀ ਟਰਾਫ਼ੀ ਜਿੱਤੀ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਸੀ.ਬੀ.ਐਸ.ਈ. ਨੈਸ਼ਨਲ ਬਾਸਕਟਬਾਲ ਚੈਂਪੀਅਨਸ਼ਿਪ ਸ਼ਾਨੋ-ਸ਼ੌਕਤ ਨਾਲ ਸੰਪੰਨ

Subscribers Only Story

ਸੰਬੰਧਿਤ ਖ਼ਬਰਾਂ